Кітай запатрабаваў ад ЗША не пастаўляць зброю Тайваню

© Sputnik / Александр Вильф / Перайсці ў медыябанкФлаг Кітайскай народнай Рэспублікі
Флаг Кітайскай народнай Рэспублікі - Sputnik Беларусь, 1920, 03.03.2023
Падпісацца на
Пекін мяркуе, што рашэнні Вашынгтона наносяць шкоду бяспецы Кітая і ствараюць сур’ёзную пагрозу міру і стабільнасці ў Тайваньскім праліве.
МІНСК, 3 сак – Sputnik. Пекін зрабіў прадстаўленне Вашынгтону з-за адабрэння верагоднай здзелкі, якая датычыцца продажу ўзбраенняў, аб гэтым заявіў афіцыйны прадстаўнік міністэрства абароны КНР Тань Кэфэй.
Па здзелцы, ЗША плануюць паставіць боепрыпасы для амерыканскіх знішчальнікаў F-16 і рыштунак на суму больш за 600 мільёнаў долараў.
Пекін назваў дзеянні Белага дома грубым умяшаннем ва ўнутраныя справы КНР, а таксама парушэннем прынцыпу "аднаго Кітая" і палажэнняў трох сумесных кітайска-амерыканскіх камюніке. Акрамя таго, Пекін мяркуе, што дадзеныя рашэнні Вашынгтона наносяць сур’ёзную шкоду суверэнітэту і інтарэсам бяспекі Кітая і ствараюць сур’ёзную пагрозу міру і стабільнасці ў Тайваньскім праліве.
"Кітай рашуча выступае супраць продажу Тайваню ўзбраенняў ЗША", - заявіў Тань Кэфэй.
Раней у Пентагоне паведамілі, што дзярждэпартамент ЗША адобрыў магчымую здзелку па продажы Тайваню боепрыпасаў для амерыканскіх знішчальнікаў чацвёртага пакалення F-16 і спадарожнага рыштунку на агульную суму каля 619 мільёнаў долараў. Цяпер разглядаць здзелку і прымаць рашэнне аб яе магчымай блакіроўцы будзе Кангрэс ЗША.

Складаныя адносіны

Нагадаем, што адносіны паміж Штатамі і Кітаем абвастрыліся ў мінулым годзе пасля візіту амерыканскіх дэлегацый на востраў Тайвань. Самай нашумелай стала паездка спікера Палаты прадстаўнікоў ЗША Нэнсі Пеласі. Гэта была першая паездка на востраў амерыканскага чыноўніка такога ўзроўню з 1997 года.
Кітай, які лічыць востраў адной са сваіх правінцый, асудзіў візіт Пеласі, убачыўшы ў гэтым кроку падтрымку Вашынгтонам тайваньскага сепаратызму, і правёў маштабныя ваенныя вучэнні.
Пекін таксама заявіў, што не выключае прымянення сілы для вырашэння пытання з Тайванем.
Пры гэтым Пентагон у мінулым годзе паведамляў, што не падтрымлівае незалежнасць Тайваня.
Тайвань афіцыйна з’яўляецца правінцыяй Кітая, аднак кантакты паміж востравам, які стаў прыстанішчам для паслядоўнікаў Гаміньдана, што прайгралі ў грамадзянскай вайне, і ўрадам КНР, былі разарваныя ў 1949 годзе. Яны аднавіліся ў 1980-х гадах, а ў 1990-х бакі пачалі размаўляць праз няўрадавыя арганізацыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Мінск падтрымае Пекін у сітуацыі вакол Тайваня – Лукашэнка
Адказнасць за абвастрэнне адносін з Кітаем ляжыць на ЗША – Мінабароны КНР
Дабром не скончыцца: у КНР папярэдзілі ЗША аб барацьбе з 1,4 млрд кітайцаў
Кітай прыпыняе супрацоўніцтва з ЗША па шэрагу напрамкаў
Спроба ЗША стрымліваць Кітай пры дапамозе Тайваня праваліцца – КНР
Стужка навiн
0