Сабаленка лёгка прайшла ў 1/8 фіналу турніру ў Індыян-Уэлсе

© AFP 2023 / KARIM SAHIBБеларуская тэнісістка Арына Сабаленка
Беларуская тэнісістка Арына Сабаленка - Sputnik Беларусь, 1920, 13.03.2023
Падпісацца на
Тэнісны турнір у Індыян-Уэлсе завершыцца 19 сакавіка, яго прызавы фонд складае 8,8 мільёнаў долараў.
МІНСК, 13 сак – Sputnik. Беларуская спартсменка Арына Сабаленка (2 пазіцыя ў рэйтынгу WTA) без барацьбы выйшла ў 1/8 фіналу тэніснага турніру катэгорыі WTA-1000, які праходзіць у амерыканскім Індыян-Уэлсе, паведамляе Sputnik.
Другая ракетка свету павінна была згуляць у трэцім раундзе з прадстаўніцай Украіны Лесяй Цурэнка, якая займае 95-е месца ў сусветным рэйтынгу. Але ўкраінская тэнісістка прыняла рашэнне зняцца з турніру.
Раней у 1/32 фіналу Сабаленка абгуляла спартсменку з Расіі Яўгенію Родзіну (427) з лікам 6:2, 6:0.
За выхад у чвэрцьфінал беларуска будзе змагацца на корце з прадстаўніцай Чэхіі Барбарай Крэйчыкавай (16).
Нагадаем, што раней беларуская тэнісістка Вікторыя Азаранка (нумар 14 у рэйтынгу WTA) прайграла чэшцы Караліне Мухавай (76) на стадыі 1/32 фіналу гэтага турніру. Спартсменкі правялі на корце 2 гадзіны 6 хвілін, беларуска ўступіла ў двух сэтах – 6:7 (1), 3:6.
У спаборніцтвах сярод мужчын тэнісіст з Беларусі Ілья Івашка (85) у 1/16 фіналу таксама прайграў расійскаму тэнісісту Даніілу Мядзведзеву (6) з лікам 2:6, 6:3, 1:6. Аднак Івашка быў мацнейшы за расіяніна Рамана Сафіуліна (113) і нідэрландскага тэнісіста Боціка ван дэ Зандсхюлпа (33).
Тэнісны турнір у Індыян-Уэлсе завершыцца 19 сакавіка, яго прызавы фонд складае 8,8 мільёнаў долараў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Івашка здаў пазіцыі: якія месцы займаюць беларусы ў рэйтынгах ATP і WTA
Алімбекава-Смольская стала чацвёртай у апошнім спрынце сезона
Авечкін набліжаецца да рэкорду Грэцкі
Стужка навiн
0