Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Кандыдатак у касманаўты ад Беларусі ўзгодняць з краінамі-партнёрамі па МКС

© РоскосмосМКС
МКС - Sputnik Беларусь, 1920, 16.03.2023
Падпісацца
Беларускія дзяўчаты прайшлі адбор у расійскім цэнтры падрыхтоўкі касманаўтаў і зараз гатовы прайсці поўны цыкл неабходных для палёту ў космас мерапрыемстваў.
МІНСК, 16 сак – Sputnik. Навуковая праграма для палёту жанчыны-касманаўта з Беларусі складзена, гаворыцца ў паведамленні прэс-службы "Роскосмоса".
Сёння ў беларускай сталіцы кіраўнік "Роскосмоса" Юрый Барысаў абмеркаваў сумесныя праекты па стварэнні касмічнага апарата дыстанцыйнага зандзіравання зямлі, расійска-беларускай касмічнай сістэмы.
Асобна абмяркоўвалася пытанне рэалізацыі сумеснага праекта па палёце беларускага касманаўта на борт Міжнароднай касмічнай станцыі.
"Вашы дзяўчаты прайшлі адбор, мы гатовы іх прыняць і правесці поўны цыкл падрыхтоўкі", - сказаў Юрый Барысаў.
У сваю чаргу выканаўчы дырэктар па пілатуемых касмічных праграмах "Роскосмоса" Сяргей Крыкалёў паведаміў, што цяпер работа па гэтым пытанні вядзецца планава.
"У бліжэйшы час пачнецца ўзгадненне адабраных Беларуссю кандыдатаў у касманаўты з міжнароднымі партнёрамі па праекту МКС", - удакладнілі ў прэс-службе "Роскосмоса".
Навуковую праграму для беларускага касманаўта ўжо сфарміравалі. Яна складаецца з дзевяці пунктаў па розных кірунках даследчай дзейнасці.
Раней стала вядома, што беларускі бок выбраў шэсць дзяўчат, якіх могуць накіраваць у космас. У канцы снежня мінулага года медыцынская камісія прадставіла свае рэкамендацыі.
Цяпер арганізатарам палёту ў космас у Беларусі трэба вызначыць, хто з дзяўчат стане асноўнай кандыдаткай на палёт да МКС, а хто атрымае ролю дублёра.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларуская касманаўтка паляціць на МКС пазней за намечаны тэрмін
Калі будзе запуск беларуска-расійскага спадарожніка, расказалі ў НАН Беларусі
Мезенцаў: Беларусь і РФ адкажуць на санкцыі паглыбленнем інтэграцыі ў космасе
Стужка навiн
0