https://bel.sputnik.by/20230320/belaruskkh-shkolnka-zaprashayuts-prynyats-udzel-u-mzhnarodnym-ltaraturnym-konkurse-1073426356.html
Беларускіх школьнікаў запрашаюць прыняць удзел у міжнародным літаратурным конкурсе
Беларускіх школьнікаў запрашаюць прыняць удзел у міжнародным літаратурным конкурсе
Sputnik Беларусь
Санкт-Пецярбургскі дзяржаўны ўніверсітэт пры падтрымцы Прадстаўніцтва Рассупрацоўніцтва ў Беларусі арганізуе міжнародны конкурс навукова-даследчых работ у... 20.03.2023, Sputnik Беларусь
2023-03-20T19:02+0300
2023-03-20T19:02+0300
2023-03-20T19:02+0300
саюзная дзяржава беларусі і расіі
саюзная дзяржава
беларусь
расія
грамадства
школьнікі
рассупрацоўніцтва
конкурс
літаратура
беларуская літаратура
https://cdnn11.img.sputnik.by/img/07e6/0c/13/1070241078_0:194:3297:2048_1920x0_80_0_0_66248111762e11423e9d5a3eb9b5d85c.jpg
МІНСК, 20 сак – Sputnik. Санкт-Пецярбургскі дзяржаўны ўніверсітэт запрашае беларускіх і расійскіх школьнікаў прыняць удзел у Міжнародным конкурсе навукова-даследчых работ "Литературные судьбы Беларуси и России: от диалога к пониманию", паведамілі Sputnik арганізатары конкурсу.У гэтым навучальным годзе конкурс прысвечаны вывучэнню творчасці двух знакамітых пісьменнікаў XX стагоддзя: Алеся Адамовіча і Данііла Граніна, якія вядомы як стваральнікі "Блокадной книги", унікальнай дакументальнай хронікі блакады Ленінграда ў гады Вялікай Айчыннай вайны.Удзельнікі могуць прысвяціць сваё даследаванне як творчасці Адамовіча ці Граніна, так і іх сумеснаму праекту – "Блокадной книге".Для ўдзелу трэба папярэдне азнаёміцца з Палажэннем і Рэгламентам. Пасля чаго падрыхтаваць навукова-даследчую працу па адной з прапанаваных тэм і зарэгістравацца, даслаўшы анкету на электронны адрас lit.competition@spbu.ru.Адборачны этап працягнецца да канца сакавіка, а не пазней за 20 красавіка павінен адбыцца заключны этап, дзе школьнікі выступяць на публіцы з дакладамі аб выніках даследавання.З больш падрабязнай інфармацыяй можна азнаёміцца на старонцы конкурсу.Хто такія Адамовіч і Гранін?Алесь Адамовіч – беларускі савецкі пісьменнік, сцэнарыст, крытык, грамадскі дзеяч, удзельнік Вялікай Айчыннай вайны. Ён нарадзіўся ў сям’і ўрачоў, разам з бацькамі жыў у пасёлку Глуша Бабруйскага раёна, там жа і пахаваны.Адамовіч пісаў на беларускай і рускай мовах, яго творы перакладзены на 21 мову. Неаднаразова друкаваўся ў "Літаратурнай газеце", газеце "Московские новости", часопісах "Пытанні літаратуры", "Знамя", "Новы свет", "Дружба народаў", "Грані". Ён шмат пісаў пра вайну і быў адным з першых, хто закрануў тэму наступстваў Чарнобыльскай катастрофы.Адзін з самых пранізлівых твораў пра Вялікую Айчынную вайну Адамовіча – "Хатынская аповесць", дзе сабраны апавяданні цудам уцалелых жыхароў беларускай Хатыні і іншых вёсак, якія былі спалены разам з усімі жыхарамі.Яго раман "Сыны сыходзяць у бой" экранізавалі: кінастудыя "Беларусьфільм" зняла двухсерыйныя фільмы "Вайна пад стрэхамі" і "Сыны сыходзяць у бой".Данііл Гранін – савецкі пісьменнік, кінасцэнарыст, грамадскі дзеяч. Як і Адамовіч, быў удзельнікам Вялікай Айчыннай вайны.У сваіх ранніх аўтабіяграфіях Гранін указваў дату нараджэння 1 студзеня 1918 года, а месца – горад Валынь Курскай вобласці. Аднак такога горада ў Курскай вобласці няма, ёсць сяло Валынка.Першыя апавяданні пісьменніка – "Возвращение Рульяка" і "Родина", прысвечаныя Парыжскай камуне, былі апублікаваны ў часопісе "Резец" у 1937 годзе. Пасля вайны ён працаваў у Ленэнерга і навукова-даследчым інстытуце.Вядомасць Граніну як пісьменніку прынёс раман "Искатели", апублікаваны ў 1955 годзе. Тады галоўнай тэмай яго творчасці сталі вучоныя, вынаходнікі, іх маральны кодэкс і грамадзянская пазіцыя. Гэтай тэме прысвечаны і многія іншыя творы.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьТаксама на Sputnik:
беларусь
расія
Sputnik Беларусь
media@sputniknews.com
+74956456601
MIA „Rossiya Segodnya“
2023
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
саюзная дзяржава, беларусь, расія, грамадства, школьнікі, рассупрацоўніцтва, конкурс, літаратура, беларуская літаратура, навіны , культура
саюзная дзяржава, беларусь, расія, грамадства, школьнікі, рассупрацоўніцтва, конкурс, літаратура, беларуская літаратура, навіны , культура
Беларускіх школьнікаў запрашаюць прыняць удзел у міжнародным літаратурным конкурсе
Санкт-Пецярбургскі дзяржаўны ўніверсітэт пры падтрымцы Прадстаўніцтва Рассупрацоўніцтва ў Беларусі арганізуе міжнародны конкурс навукова-даследчых работ у галіне літаратуры.
МІНСК, 20 сак – Sputnik. Санкт-Пецярбургскі дзяржаўны ўніверсітэт запрашае беларускіх і расійскіх школьнікаў прыняць удзел у Міжнародным конкурсе навукова-даследчых работ "Литературные судьбы Беларуси и России: от диалога к пониманию", паведамілі Sputnik арганізатары конкурсу.
У гэтым навучальным годзе конкурс прысвечаны вывучэнню творчасці двух знакамітых пісьменнікаў XX стагоддзя: Алеся Адамовіча і Данііла Граніна, якія вядомы як стваральнікі "Блокадной книги", унікальнай дакументальнай хронікі блакады Ленінграда ў гады Вялікай Айчыннай вайны.
Удзельнікі могуць прысвяціць сваё даследаванне як творчасці Адамовіча ці Граніна, так і іх сумеснаму праекту – "Блокадной книге".
Для ўдзелу трэба папярэдне азнаёміцца з
Палажэннем і
Рэгламентам. Пасля чаго падрыхтаваць навукова-даследчую працу па адной з прапанаваных тэм і зарэгістравацца,
даслаўшы анкету на электронны адрас
lit.competition@spbu.ru.
Адборачны этап працягнецца да канца сакавіка, а не пазней за 20 красавіка павінен адбыцца заключны этап, дзе школьнікі выступяць на публіцы з дакладамі аб выніках даследавання.
З больш падрабязнай інфармацыяй можна азнаёміцца на
старонцы конкурсу.
Хто такія Адамовіч і Гранін?
Алесь Адамовіч – беларускі савецкі пісьменнік, сцэнарыст, крытык, грамадскі дзеяч, удзельнік Вялікай Айчыннай вайны. Ён нарадзіўся ў сям’і ўрачоў, разам з бацькамі жыў у пасёлку Глуша Бабруйскага раёна, там жа і пахаваны.
Адамовіч пісаў на беларускай і рускай мовах, яго творы перакладзены на 21 мову. Неаднаразова друкаваўся ў "Літаратурнай газеце", газеце "Московские новости", часопісах "Пытанні літаратуры", "Знамя", "Новы свет", "Дружба народаў", "Грані". Ён шмат пісаў пра вайну і быў адным з першых, хто закрануў тэму наступстваў Чарнобыльскай катастрофы.
Адзін з самых пранізлівых твораў пра Вялікую Айчынную вайну Адамовіча – "Хатынская аповесць", дзе сабраны апавяданні цудам уцалелых жыхароў беларускай Хатыні і іншых вёсак, якія былі спалены разам з усімі жыхарамі.
Яго раман "Сыны сыходзяць у бой" экранізавалі: кінастудыя "Беларусьфільм" зняла двухсерыйныя фільмы "Вайна пад стрэхамі" і "Сыны сыходзяць у бой".
Данііл Гранін – савецкі пісьменнік, кінасцэнарыст, грамадскі дзеяч. Як і Адамовіч, быў удзельнікам Вялікай Айчыннай вайны.
У сваіх ранніх аўтабіяграфіях Гранін указваў дату нараджэння 1 студзеня 1918 года, а месца – горад Валынь Курскай вобласці. Аднак такога горада ў Курскай вобласці няма, ёсць сяло Валынка.
Першыя апавяданні пісьменніка – "Возвращение Рульяка" і "Родина", прысвечаныя Парыжскай камуне, былі апублікаваны ў часопісе "Резец" у 1937 годзе. Пасля вайны ён працаваў у Ленэнерга і навукова-даследчым інстытуце.
Вядомасць Граніну як пісьменніку прынёс раман "Искатели", апублікаваны ў 1955 годзе. Тады галоўнай тэмай яго творчасці сталі вучоныя, вынаходнікі, іх маральны кодэкс і грамадзянская пазіцыя. Гэтай тэме прысвечаны і многія іншыя творы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь 
