РК Искандер-М на учениях в России, архивное фото - Sputnik Беларусь, 1920
Ядзерная зброя ў Беларусі
25 сакавіка прэзідэнт Расіі Уладзімір Пуцін паведаміў аб тым, што Масква і Мінск дамовіліся размясціць на тэрыторыі Беларусі тактычную ядзерную зброю. Падрабязней пра гэта, а таксама пра тое, як Беларусь пасля распаду СССР выводзіла ядзерную зброю, чытайце ў матэрыялах Sputnik.

Беларусь прадпрымае вымушаныя меры па ўмацаванні бяспекі – МЗС

© Sputnik / Виктор ТолочкоБудынак МЗС Беларусі
Будынак МЗС Беларусі - Sputnik Беларусь, 1920, 28.03.2023
Падпісацца
Размяшчэнне ядзерных боезарадаў на тэрыторыі рэспублікі без перадачы Мінску кантролю за імі не супярэчыць Дагавору аб нераспаўсюджанні ядзернай зброі, падкрэслілі ў беларускім знешнепалітычным ведамстве.
МІНСК, 28 сак – Sputnik. Беларусь прадпрымае вымушаныя дзеянні ў адказ па ўмацаванні ўласнай бяспекі і абараназдольнасці, заявілі ў прэс-службе МЗС, каменціруючы заявы аб размяшчэнні расійскай ядзернай зброі на тэрыторыі рэспублікі.
Там нагадалі, што апошнія два з паловай года краіна падвяргаецца палітычнаму, эканамічнаму і інфармацыйнаму націску з боку калектыўнага Захаду. На думку дыпламатаў, гэта прамое і грубае ўмяшанне ва ўнутраныя справы незалежнай дзяржавы.
Пры гэтым, дадалі ў ведамстве, аднабаковыя санкцыі ў палітычнай і эканамічнай сферах суправаджаюцца нарошчваннем на тэрыторыі суседніх краін-членаў НАТА ваенных пагроз паблізу ад беларускай мяжы.
"Улічваючы названыя абставіны і законныя заклапочанасці і рызыкі ў сферы нацыянальнай бяспекі, якія вынікаюць з іх, Беларусь прадпрымае вымушаныя дзеянні ў адказ па ўмацаванні ўласнай бяспекі і абараназдольнасці", - падкрэслілі ў МЗС.

Не супярэчыць ДНЯЗ

У знешнепалітычным ведамстве адзначылі, што ваеннае супрацоўніцтва Беларусі і Расіі вядзецца ў строгай адпаведнасці з міжнародным правам. Размяшчэнне ядзерных боезарадаў на тэрыторыі рэспублікі без перадачы Мінску кантролю за імі не супярэчаць Дагавору аб нераспаўсюджанні ядзернай зброі.
Тое ж самае тычыцца навучання пілотаў беларускіх бамбардзіроўшчыкаў, здольных несці ядзерную зброю, і мадэрнізацыі такіх самалётаў.

Дыялог дзеля міру

Беларускія дыпламаты нагадалі, што краіны НАТА праводзяць сумесныя ядзерныя місіі, а іх самалёты сертыфікаваныя для палётаў з ядзернай зброяй. У некаторых еўрапейскіх краінах захоўваюцца больш за 150 адзінак тактычнай ядзернай зброі ЗША.
"Беларускі бок перакананы, што на змену канфрантацыйнай рыторыцы і спіралі гонкі ўзбраенняў, якая раскручваецца, павінен прыйсці канструктыўны і ўзаемапаважлівы дыялог, накіраваны на ўмацаванне архітэктуры глабальнай і рэгіянальнай бяспекі, шматбаковых механізмаў раззбраення, нераспаўсюджвання і кантролю над узбраеннямі, у тым ліку ў ядзернай сферы", - рэзюміравалі ў МЗС Беларусі.

Ядзерная зброя ў Беларусі

Нагадаем, прэзідэнт Расіі Уладзімір Пуцін на мінулым тыдні заявіў, што на беларускай тэрыторыі ўзводзіцца сховішча для размяшчэння тактычнай ядзернай зброі, яно будзе гатова да 1 ліпеня 2023 года.
Многія заходнія краіны прыйшлі да высновы, што гэта парушае міжнародныя абавязацельствы і падрывае стратэгічную стабільнасць у рэгіёне. Аднак у Крамлі падкрэслілі, што рэакцыя Захаду ніяк не паўплывае на планы Расіі размясціць тактычную ядзерную зброю ў Беларусі.
На думку ваеннага эксперта Аляксандра Алесіна, краіна застанецца бяз’ядзернай дзяржавай, паколькі юрыдычна Масква не перадае гэтую зброю Мінску. Паводле яго слоў, беларускі бок можа адказваць за ахову аб’екта, пры гэтым расійскія вайскоўцы будуць несці адказнасць за захаванасць боепрыпасаў і падтрыманне неабходных умоў у сховішчы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Пасол РФ адказаў на папрокі ЗША з-за размяшчэння ядзернай зброі ў Беларусі
Кіеў заявіў аб магчымасці адкрыцця другога фронту з Беларуссю
Пяскоў: на планы РФ размясціць ядзерную зброю ў Беларусі ніхто не паўплывае
Стужка навiн
0