Цэнавая змова ў даменнай зоне BY была ў 2020 годзе – расследаванне МАРГ

© PexelsЭкран ноўтбука, архіўнае фота
Экран ноўтбука, архіўнае фота - Sputnik Беларусь, 1920, 06.04.2023
Падпісацца
У міністэрстве пасля праверкі фактаў вырашылі, што пяць кампаній змовіліся ўзняць кошт рэгістрацыі даменных імён у Беларусі.
МІНСК, 6 кра – Sputnik. Міністэрства антыманапольнага рэгулявання (МАРГ) пачне адміністрацыйны працэс у дачыненні да некалькіх кампаній, вынікае з апублікаваных даных расследавання МАРГ.
У матэрыялах сказана, што ведамства правярала інфармацыю аб змове шасці кампаній: "Надзейныя праграмы" (Hoster.by), "Актыўныя тэхналогіі" (ActiveCloud), "ТрыІнком" (HB.BY), "Супорт чэйн" (HostFly), "Беларускія воблачныя тэхналогіі" (beCloud) і "Адкрыты кантакт" (Дамен.by).
Па папярэдніх даных, у маі 2020 года яны вырашылі падняць цану рэгістрацыі або прадаўжэння даменных імён у зонах BY і БЕЛ да 33 рублёў.
"Гэтая інфармацыя паказвае на наяўнасць у дзеяннях вышэйназваных таварыстваў прыкмет узгодненых дзеянняў", - гаворыцца ў матэрыялах МАРГ.

Што сказала спецслужба

Міністэрства, праводзячы сваё расследаванне, адправіла запыты ў тым ліку ў адну са спецслужбаў – Аператыўна-аналітычны цэнтр (ААЦ). У прыватнасці, там адказалі, што ад Hoster.by у красавіку 2020 года прыходзіла пісьмо, дзе кампанія пыталася, ці можна падняць цану. У ААЦ пярэчанняў не мелі. Пры гэтым у спецслужбе, як адзначае МАРГ, падкрэсліваюць, што дадзенае ведамства не займаецца рэгуляваннем цэн на рэгістрацыю імён сайтаў. Пасля адказу з ААЦ Hoster.by узняў цану з 25,2 да 33 рублёў.
МАРГ не ўдакладняе, колькі раней каштавалі паслугі ActiveCloud. Частка інфармацыі расследавання не апублікавана, бо гэта камерцыйная тайна гэтай кампаніі. Але ў матэрыялах гаворыцца, што ActiveCloud вырашыла падняць цану з-за пандэміі каронавіруса, а таксама інфляцыі, якая з лютага 2016 года па красавік 2020-га склала 26,1%.

Довады кампаній

Кампанія "ТрыІнком" адной з прычын павышэння цаны назвала нізкую маржынальнасць паслугі. Старая цана ў матэрыялах расследавання таксама не прыводзіцца.
У HostFly да павышэння яна была 25,2 рублі. Сярод прычын павелічэння – падзенне курсу беларускага рубля, рост тарыфаў на паслугі дзяржарганізацый, дадатковыя выдаткі з-за змены парадку рэгістрацыі імён BY і БЕЛ.
У beCloud старая цана была 27,5 рубля. Падрабязна прычыны павышэння не апісаны. Ёсць рэмарка аб тым, што імёны ў зонах БЕЛ і падзоне GOV.BY для дзяржорганаў рэгістраваць трэба бясплатна.
Ранейшую цану паслуг Дамен.by МАРГ таксама не публікуе. У цэлым рост тарыфаў у маі 2020 года склаў 30,95%.
МАРГ адзначае, што пяць з шасці правераных кампаній не прадставілі эканамічных абгрунтаванняў павышэння цаны да 33 рублёў. У тым ліку таму ведамства вырашыла, што гэта змова кампаній, якая абмяжоўвае канкурэнцыю на рынку. Па меркаванні спецыялістаў міністэрства, у змове не ўдзельнічаў толькі правайдэр beCloud.

Хто стаіць за кампаніямі

Асноўны профіль beCloud – воблачныя тэхналогіі. Кампанія стваралася пры ўдзеле дзяржавы, гэта значыць Нацыянальнага цэнтра абмену трафікам. Таксама ў адкрытых крыніцах гаварылася, што ў яе ўклаўся расійскі бізнесмен Канстанцін Мікалаеў. Мяркуючы па дзяржрэестры, у канцы 2021 года замежны інвестар выйшаў з долі.
Hoster.by – гэта праект кампаніі памерлага ІТ-прадпрымальніка Юрыя Зісера. З 2010 года па канец 2021-га яго юрыдычная асоба "Надзейныя праграмы" была тэхнічным адміністратарам беларускай нацыянальнай даменнай зоны. З 2022 года гэтыя функцыі ўскладзены на beCloud.
Адзін з заснавальнікаў "ТрыІнком" – прадпрымальнік Роберт Ермакоў. Ён вядомы таксама па фінтэх-праектах. Звестак аб уладальніках або заснавальніках астатніх рэгістратараў даменных імён у адкрытых крыніцах няма.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка хоча даць ільготы ПВТ усім айцішнікам у краіне
Кампаніі РФ зрабілі заказы ў IT-сектара Беларусі на $300 млн
Лукашэнка вырашыў разабрацца "з гэтымі айцішнікамі"
Стужка навiн
0