Таўшчыня да 20 см: попелапад пасля вывяржэння вулкана на Камчатцы працягваецца
© Пресс-служба камчатского филиала ФИЦ ЕГС РАН
/ Падпісацца
З-за вывяржэння вулкана на Камчатцы пасёлкі і лясы апынуліся пад тоўстым пластом попелу, людзям рэкамендавана без асаблівай патрэбы не пакідаць памяшканні.
МІНСК, 12 кра – Sputnik. Пласт попелу, які выпаў пасля вывяржэння вулкана Шывелуч на Камчатцы, месцамі дасягае 20 см, пра гэта паведаміў намеснік старшыні ўрада Камчацкага краю Раман Васілеўскі.
Паводле яго слоў, часткова попел прыносіцца ветрам з лесу. Акрамя таго, попелапад працягваўся ноччу і раніцай у сераду.
Аўтамабіль, пакрыты попелам у выніку вывяржэння вулкана Шывелуч
© Пресс-служба камчатского филиала ФИЦ ЕГС РАН
/ Жыхарам населеных пунктаў Ключы, Козыраўск і Майскае выдаюць медыцынскія маскі і ваду. Сёння плануецца пачаць расчыстку пасёлкаў ад сумесі попелу і снегу.
Вывяржэнне Шывелуча на Камчатцы пачалося раніцай у аўторак, вулкан выкінуў слуп попелу на вышыню да 20 кіламетраў. Попелавая хмара накрыла некалькі пасёлкаў на ўсходзе паўвострава. Жыхарам было рэкамендавана без асаблівай неабходнасці не пакідаць памяшканні.
Дарога, пакрытая попелам у выніку вывяржэння вулкана
© Пресс-служба камчатского филиала ФИЦ ЕГС РАН
/ Паводле ацэнкі вучоных, попелапад у пасёлку Ключы стаў мацнейшым за 60 гадоў. Там таўшчыня попелавага пласта дасягала 8 см.
У сераду Шывелуч выкінуў попел яшчэ некалькі разоў.
Вывяржэнне вулкана Шывелуч на Камчатцы
© Пресс-служба камчатского филиала ФИЦ ЕГС РАН
/ Шивелуч – адзін з найбуйных вулканаў Камчаткі, ён можа выкідваць попел з газам і шлакам да 10 раз у год. Гэтымі днямі перапынкі паміж вывяржэннямі складаюць усяго 20 хвілін, вышыня слупоў попелу і дыму можа вар’іравацца ад 100 метраў да 10 тысяч метраў.
Снег, пакрыты попелам, пасля вывяржэння вулкана Шывелуч
© Пресс-служба камчатского филиала ФИЦ ЕГС РАН
/ Па даных навукоўцаў, катастрофы з паўнавартасным вывяржэннем вулкана і струменямі лавы могуць адбывацца не часцей чым раз у 200 гадоў.
У Інстытуце вулканалогіі і сейсмалогіі ДВА РАН мяркуюць, што вывяржэнне Шывелуча магло справакаваць моцны землятрус, які адбыўся на паўвостраве 3 красавіка. Інтэнсіўнасць штуршка ў Петрапаўлаўску-Камчацкім, паводле звестак навукоўцаў, склала тады больш за 6 балаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Усё ў попеле: вывяржэнне вулкана адбылося на Камчатцы
Забраць дакументы і патушыць святло: як людзі перажываюць разводдзе ў Гомелі
Дачы затапіла па вокны: пад Гомелем прарвала дамбу – відэа
