https://bel.sputnik.by/20230414/partyzany-dal-agnyu-na-palgone-atamaty-shylka--vyadoma-tank-1074411026.html

"Партызаны" далі агню на палігоне: аўтаматы, Шылка і, вядома, танкі

"Партызаны" далі агню на палігоне: аўтаматы, Шылка і, вядома, танкі

Sputnik Беларусь

Праверка баявой гатоўнасці праходзіць у беларускай арміі. Як механізаванае злучэнне пераходзіць на службу з мірнага на ваенны час, ацаніў карэспандэнт Sputnik. 14.04.2023, Sputnik Беларусь

2023-04-14T17:58+0300

2023-04-14T17:58+0300

2023-04-14T17:58+0300

бяспека

ваенныя вучэнні

міністэрства абароны рб

у беларусі

беларусь

рэпартаж

узброеныя сілы рэспублікі беларусь

апалчэнне

https://cdnn11.img.sputnik.by/img/07e7/04/0e/1074388636_0:48:2904:1681_1920x0_80_0_0_6fb593142b15bc9d25b1a2bb92b278da.jpg

У Беларусі вырашана раптоўна праверыць гатоўнасць нашай арміі выконваць задачы ва ўмовах абстаноўкі, якая хутка змяняецца. Дзеля гэтага на зборы выклікалі рэзервістаў.Дзякуючы гэтаму ўдалося давесці колькасць механізаванага злучэння да шасці тысяч чалавек. У Заходнім аператыўным камандаванні не толькі выклікалі партызан, але і знялі тэхніку з захоўвання, а недзе скарысталіся грамадзянскай.Цяпер рэзервісты займаюцца агнявой падрыхтоўкай, інжынернай, вучацца асновам тактычнай медыцыны. Не проста ўспамінаюць, як гэта – быць салдатам, але і набіраюцца новых ведаў. Усё гэта, вядома, у палявых умовах. Людзей не толькі хутка сабралі па ваенкаматах, але і на маршы даставілі ў прызначаныя раёны, дзе разгарнулі ўсё неабходнае для збораў.Танчык з пісталетамЦяпер на адным з палігонаў у Брэсцкай вобласці рэзервісты праходзяць этап баявога зладжвання. Гаворачы простай мовай, яны ўспамінаюць, як трэба ўзаемадзейнічаць, пачынаючы з узроўня аддзялення і заканчваючы цэлым злучэннем.У арміі сур’ёзная ўвага надаецца і медыцынскай падрыхтоўцы. Дзеля гэтага на зборы заклікалі прафесійных медыкаў сярэдняга і вышэйшага звяна. Так ужо атрымалася, што ў ахове здароўя працуе шмат дзяўчат. На гэты раз на зборах аказалася 50 жанчын."Усе веды, якія мы атрымалі падчас ваеннай падрыхтоўкі, нам моцна спатрэбіліся непасрэдна на палігоне", - расказала аперацыйная медсястра Вікторыя Танчык.Паводле яе слоў, яны ўжо адпрацавалі экстраную эвакуацыю, правядзенне імабілізацыі. Натуральна, прайшлі курс аказання першай дапамогі."У палявых умовах усё павінна быць хутка", - звярнула ўвагу аперацыйная медсястра.Пасля чаго дадала, што ўсе навыкі, атрыманыя на зборах, спатрэбяцца ў далейшым.Агонь па ўсіх напрамкахПалігон пасля пачатку збораў літаральна пераараны цяжкай бронетэхнікай. На вуліцах імправізаванай Чужоўкі поўна партызан: нехта атрымлівае боекамплект, нехта слухае інструктаж.Баявая вучоба кіпіць і на агнявых рубяжах. Там учарашнія інжынеры, спартсмены, трактарысты вядуць агонь не па чым не трэба, а строга па мішэнях. Афіцэры сочаць за стрэльбамі, бо тэхніку бяспекі пры стральбе баявымі патронамі ніхто не адмяняў.Эфектныя моманты на палігоне, вядома, здараюцца, калі прыходзіць чарга экіпажам танкаў Т-72Б і Шылкі.Паводле яго слоў, галоўнае адрозненне заключаецца ў падрыхтоўцы, таму ёй на зборах надаюць ключавую ўвагу."За тыдзень мы паспелі шмат прарабіць: ад прыбыцця да падрыхтоўкі тэхнікі. Марш – гэта вельмі прыгожае мерапрыемства. Асабліва, калі ты бачыш гэтыя палі і лугі", - апісвае зборы танкіст.Аляксей Вяршынін прызнаецца, што адчувае вельмі моцныя эмоцыі, таму што сёння ў яго па плане падрыхтоўкі была стральба са штатнай гарматы танка. Сяржант рад, што сустрэў на зборах сваіх таварышаў па службе, з некаторымі з іх ён знаходзіцца ў адным падраздзяленні."Экіпаж танка сабраўся. Адстраляліся на выдатна", - пахваліўся ён.Праверка раптоўная, аналіз глыбокіМіністр абароны Віктар Хрэнін звярнуў увагу журналістаў, што раптоўная праверка баявой гатоўнасці арміі ў нашай краіне ў такім маштабе праводзіцца ўпершыню. Паводле яго слоў, на першым этапе ішла пастаўка ваеннаабавязаных у асобную брыгаду, з захоўвання здымалася тэхніка. Затым адбыўся выхад у раён баявога зладжвання.Затым злучэнне будзе прыводзіцца да гатоўнасці выконваць задачы па прамым прызначэнні. Пасля завяршэння ўсіх этапаў падрыхтоўкі запланавана брыгаднае тактычнае вучэнне. Па яго выніках зробяць вывады аб тым, наколькі злучэнне гатова выконваць задачы.Віктар Хрэнін таксама адзначыў, што ўсе гэтыя мерапрыемствы дазволяць выявіць праблемы і памылкі. Дзеля гэтага будзе праведзены сур’ёзны аналіз."Праца будзе праведзена вельмі скрупулёзная", - запэўніў ён.Пасля чаго дадаў, што такія праверкі абавязкова будуць праведзены ва ўсіх злучэннях."Мы ўжо бачым першыя вынікі. Прыйшлі матываваныя людзі з разуменнем. Слабыя патугі асобных экстрэмістаў разбіваюцца аб грамадзянскую пазіцыю, патрыятызм і матывацыю людзей", - рэзюміраваў міністр абароны.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Таксама на Sputnik:

беларусь

2023

Навіны

ru_BY

бяспека, ваенныя вучэнні, міністэрства абароны рб, у беларусі, беларусь, рэпартаж, узброеныя сілы рэспублікі беларусь, апалчэнне