https://bel.sputnik.by/20230514/kopya-kalozhskay-tsarkvy-buduetstsa--grodne-1075410464.html

Копія Каложскай царквы будуецца ў Гродне

Копія Каложскай царквы будуецца ў Гродне

Sputnik Беларусь

Новы храм паўторыць не сучасны выгляд Каложы, адна са сцен якой была страчана і заменена драўлянай, а той, які быў ёй уласцівы пасля будаўніцтва ў XII... 14.05.2023, Sputnik Беларусь

2023-05-14T12:58+0300

2023-05-14T12:58+0300

2023-05-14T12:58+0300

каложская царква

каложа

царква

рэлігія

гродна

архітэктура

помнікі архітэктуры

культура

спадчына

у беларусі

https://cdnn11.img.sputnik.by/img/07e7/05/0a/1075381202_0:21:1281:741_1920x0_80_0_0_b7e94960da03636696a5568ea7fe480f.jpg

ГРОДНА, 14 мая – Sputnik, Іна Грышук. Копію старажытнейшага ў Беларусі праваслаўнага храма – Каложскай царквы – узводзяць у Гродне. У падмурак сцен заклалі памятную капсулу і асвяцілі пачатак будаўніцтва храма, які названы ў гонар князя Аляксандра Неўскага.Як паведамляюць у Гродзенскай праваслаўнай епархіі, чын асвячэння закладной капсулы ў падмурак Аляксандра-Неўскага храма правёў архіепіскап Гродзенскі і Ваўкавыскі Антоній у нядзелю, 7 мая. Таксама на месцы будаўніцтва царквы прайшоў малебен у прысутнасці духавенства і вернікаў.Будаўнічыя работы па ўзвядзенні другой Каложы пачаліся некалькі месяцаў таму ў мікрараёне Вішнявец на скрыжаванні Індурскай шашы і вуліцы Малахавіцкай. Вясной перасталі заліваць падмурак і пачалі ўзводзіць сцены храма.Новы храм стане рэплікай першапачатковага выгляду Каложскай царквы і пакажа, як яна магла выглядаць адразу пасля будаўніцтва ў канцы XII стагоддзя. Ён спраектаваны ў стылістыцы старажытнарускага дойлідства з арыентацыяй на візантыйскую і раманскую архітэктуру. Менавіта Каложская царква ў Гродне стала адным са стылістычных прататыпаў гэтага праекта, паведамляюць распрацоўшчыкі праекта, майстэрня "Прахрам".Паводле інфармацыі распрацоўшчыкаў, сцены "другой Каложы" будуць выкананы з цэглы, аздобленай звонку плінфай або клінкернай пліткай, якая імітуе плінфу. Фасады будуць упрыгожаны характэрнымі для Каложскай царквы ўстаўкамі з паліраваных каляровых валуноў і паліванай керамічнай пліткай – маёлікай з арнаментам у выглядзе крыжоў. Шклопакеты з вонкавага боку зачыняць традыцыйнымі каменнымі накладкамі са светлавымі праёмамі ў выглядзе дэкаратыўных кругоў і дробных трохвугольнікаў.На тэрыторыі Аляксандра-Неўскага храма таксама будзе прыходскі дом, капліца, уваходная група са званіцай, гараж-майстэрня, паркоўкі. Агульная плошча храма – каля 500 квадратных метраў, а агульная плошча ўсёй забудовы на ўчастку – каля 1 300 квадратных метраў.Каложская царкваКаложская царква ў Гродне была пабудавана ў канцы XII стагоддзя. Мур сцен выкананы з валуноў і плінфы (абпаленай глінянай цэглы), у іх умураваны гліняныя збаны-галаснікі, якія паляпшаюць акустыку.У сярэдзіне і канцы XIX стагоддзя частка заходняй і ўся паўднёвая сцены разбурыліся – з’ехалі разам са схілам гары, які часткова абрушыўся. Каменную сцяну замянілі на драўляную, якая праслужыла больш за стагоддзе.У 2018 годзе ў Каложы правялі капрамонт – замянілі струхлелую сцяну і правялі важныя работы ўнутры храма. Пасля абнаўлення царква стала цяплейшай, а новая афарбоўка сцяны выглядае больш гарманічна на фоне старажытнага цаглянага мура.Каложа лічыцца адным з самых старых дзеючых храмаў краіны, ахоўваецца дзяржавай як помнік архітэктуры. У 2004 годзе храм быў уключаны ў лік кандыдатаў на ўнясенне ў спісак сусветнай спадчыны ЮНЕСКА.У красавіку 2023 года ў Гродне пачалі рыхтаваць пакет дакументаў і праводзіць мерапрыемствы, неабходныя для ўключэння Каложскай царквы ў спісак ЮНЕСКА. У прыватнасці, рыхтуецца намінацыйнае дасье, а таксама распрацоўваецца план кіравання храмам, які павінен забяспечыць захаванасць гістарычнага помніка і яго каштоўнасцей.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Таксама на Sputnik:

гродна

беларусь

2023

Навіны

ru_BY

каложская царква, каложа, царква, рэлігія, гродна, архітэктура, помнікі архітэктуры, культура, спадчына, у беларусі, беларусь, навіны