Першы электробус для аэрапортаў у РФ будзе беларускай вытворчасці

© Photo : Минский автомобильный заводЭлектробус МАЗ-271Е01
Электробус МАЗ-271Е01 - Sputnik Беларусь, 1920, 22.05.2023
Падпісацца
Аэрапорт "Пулкава" (Санкт-Пецярбург) прыме ў доследную эксплуатацыю новую мадэль, якая сабрана холдынгам "БЕЛАВТОМАЗ".
МІНСК, 22 мая – Sputnik. Тэхніка МАЗ была прадстаўлена на IV Міжнародным транспартным фестывалі "SPbTransportFest 2023", паведамілі ў холдынгу "БЕЛАВТАМАЗ".
На гэтай выставе таксама паказалі новы электробус МАЗ-271Е01. Гэта машына пероннага тыпу, гэта значыць прызначана для падвозу пасажыраў у аэрапортах. Новы беларускі ўзор ужо вырашана прыняць у доследную эксплуатацыю ў пецярбургскім аэрапорце "Пулкава". Бакі падпісалі пагадненне аб гэтым. Пры гэтым беларуская мадэль стане першым перонным электробусам ва ўсёй Расіі.
Раней "БЕЛАВТОМАЗ" прапаноўваў іншы электробус і нават перадаваў адзін з узораў "на спробу" ў Санкт-Пецярбург, але ў лістападзе 2022 года першы намеснік міністра прамысловасці Беларусі Аляксандр Агароднікаў паведаміў, што ад вытворчасці той мадэлі прыйшлося адмовіцца.
Прычынай сталі санкцыі, з-за якіх вытворца не можа больш атрымліваць некаторыя камплектуючыя. Таму холдынг вырашыў распрацаваць новы "антысанкцыйны" ўзор. На МАЗ-271Е01 паставілі цягавы электрарухавік з каробкай перадач EV105 магутнасцю 180 кВт.

Чаму Пулкава

Беларусь зацікаўлена ў выхадзе на рынак Санкт-Пецярбурга, таму што там праходзіць рэформа гарадскога транспарту. Паўночная сталіца абнаўляе парк тэхнікі. Прыкладна чацвёртая частка новай тэхнікі – аўтобусы МАЗ. Акрамя таго, горад на Няве мае патрэбу і ў іншых відах тэхнікі. У тым ліку гэта камунальныя спэцмашыны.
Беларускі бок таксама зацікаўлены ў закупках вырабаў прадпрыемстваў Санкт-Пецярбурга. У прыватнасці, гэта камплектуючыя для вытворчасці транспарта, напрыклад, рухавікі. Сальда ўзаемнага тавараабароту, паводле даных на восень 2022 года, складалася на карысць Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
РФ абдумвае стварэнне ў Беларусі пляцовак для рамонту сваіх самалётаў
Дзяржкамваенпрам падпісаў на MILEX кантракты на рэкордную суму – Пантус
Пастаўкі ўзбраенняў з Беларусі ў РФ павялічыліся на фоне СВА
Стужка навiн
0