РК Искандер-М на учениях в России, архивное фото - Sputnik Беларусь, 1920
Ядзерная зброя ў Беларусі
25 сакавіка прэзідэнт Расіі Уладзімір Пуцін паведаміў аб тым, што Масква і Мінск дамовіліся размясціць на тэрыторыі Беларусі тактычную ядзерную зброю. Падрабязней пра гэта, а таксама пра тое, як Беларусь пасля распаду СССР выводзіла ядзерную зброю, чытайце ў матэрыялах Sputnik.

Пасольства РФ: Масква і Мінск маюць права прымаць меры ў ваенна-ядзернай сферы

© Sputnik / РИА Новости / Перайсці ў медыябанкАТРК "Искандер М"
АТРК Искандер М  - Sputnik Беларусь, 1920, 27.05.2023
Падпісацца на
Ва ўмовах развязанай ЗША гібрыднай вайны Беларусь і Расія будуць гарантаваць сваю бяспеку тымі спосабамі, якія лічаць неабходнымі, падкрэслілі ў дыпмісіі.
МІНСК, 27 мая – Sputnik. Злучаныя Штаты Амерыкі развязалі супраць Расіі і Беларусі гібрыдную вайну, і таму Масква і Мінск маюць права гарантаваць сваю бяспеку, у тым ліку і ў ваенна-ядзернай сферы, заявілі ў пасольстве РФ у Вашынгтоне.
Такім чынам там пракаменціравалі выказванні прэзідэнта ЗША Джо Байдэна аб тым, што ён негатыўна ставіцца да перамяшчэння расійскай ядзернай зброі на тэрыторыю Беларусі.
"Звярнулі ўвагу на заявы з Белага дома і дзярждэпартамента адносна супрацоўніцтва Расіі і Беларусі ў ваенна-ядзернай сферы, якія пачасціліся ў апошнія дні. Нас зноў абвінавачваюць у безадказных і правакацыйных паводзінах. Хацелі б падкрэсліць, што размова ідзе аб суверэнным праве Расіі і Беларусі гарантаваць сваю бяспеку тымі спосабамі, якія мы лічым неабходнымі ва ўмовах развязанай Вашынгтонам супраць нас шырокамаштабнай гібрыднай вайны", - гаворыцца ў паведамленні ў Telegram-канале расійскай дыпмісіі.
Там падкрэсліваецца, што меры, якія прымаюцца Мінскам і Масквой, не супярэчаць міжнародна-прававым абавязацельствам. А міністр абароны РФ Сяргей Шайгу заяўляў, што Расія не перадае Беларусі ядзерную зброю – кантроль над ёй і рашэнне аб выкарыстанні застаюцца за расійскім бокам.
У пасольстве РФ параілі Вашынгтону перш, чым наракаць на іншых, заняцца самааналізам, паколькі ЗША на працягу дзесяцігоддзяў трымаюць вялікі арсенал сваёй ядзернай зброі ў Еўропе. Акрамя таго, Штаты з саюзнікамі па НАТА праводзяць "сумесныя ядзерныя місіі", адпрацоўваючы сцэнарыі выкарыстання спецбоепрыпасаў супраць Расіі, звяртаецца ўвага ў каментарыі.

Ядзерная зброя ў Беларусі

У мінулы чацвер кіраўнік беларускай дзяржавы Аляксандр Лукашэнка заявіў аб пачатку перамяшчэння ядзерных боепрыпасаў у рамках дамоўленасцей з РФ аб размяшчэнні тактычнай ядзернай зброі ў рэспубліцы. У той жа дзень у Мінску міністры абароны дзвюх краін Віктар Хрэнін і Сяргей Шайгу падпісалі дакументы, якія вызначаюць парадак утрымання расійскай нестратэгічнай ядзернай зброі ў спецыяльным сховішчы на ​​тэрыторыі Беларусі.
Беларускія вайскоўцы ўжо прайшлі навучанне, якое ўключала і навыкі абыходжання з ТЯЗ. Армія Беларусі можа прымяняць яго з дапамогай комплексаў "Искандер" і самалётаў Су-25.
Першапачаткова аб планах размясціць тактычную ядзерную зброю ў Беларусі паведаміў прэзідэнт Расіі Уладзімір Пуцін. Гэта стала адказам на аналагічную практыку краін НАТА.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Ядзерныя пагрозы НАТА вымушаюць Расію і Беларусь прымаць меры – Шайгу
Дзе ў Беларусі стаялі "Тополи" – інфаграфіка
Беларусы прайшлі падрыхтоўку на Су-25, здольных несці ядзерныя зарады – відэа
Стужка навiн
0