https://bel.sputnik.by/20230530/nekalk-besplotnka-trapl--zhylyya-damy--maskve-1076089988.html

Некалькі ўкраінскіх беспілотнікаў трапілі ў жылыя дамы ў Маскве

Некалькі ўкраінскіх беспілотнікаў трапілі ў жылыя дамы ў Маскве

Sputnik Беларусь

Беспілотнікі пашкодзілі фасады і шкленне шматпавярховак, паводле звестак улад расійскай сталіцы, сур’ёзна ніхто не пацярпеў. 30.05.2023, Sputnik Беларусь

2023-05-30T09:14+0300

2023-05-30T09:14+0300

2023-05-30T10:13+0300

ваенная спецаперацыя рф у данбасе

беспілотнікі

здарэнні

тэракт

бяспека

грамадства

спецаперацыя

масква

расія

навіны

https://cdnn11.img.sputnik.by/img/07e7/05/1e/1076090479_0:85:2786:1652_1920x0_80_0_0_4013f52ef70cbbd860fc1f613812eaee.jpg

МІНСК, 30 мая – Sputnik. Беспілотнікі трапілі ў два жылыя дамы ў Маскве, пра гэта паведамляе агенцтва РІА Навіны.Інцыдэнты адбыліся на Прафсаюзнай вуліцы і на вуліцы Атласава ў Новай Маскве. Адзначаецца, што пацярпелых у выніку здарэння няма.Адзін БПЛА патрапіў у верхнія паверхі жылога дома №98 па вуліцы Прафсаюзнай. Разбураны фасад і шкленне дома. У прэфектуры Паўднёва-Заходняй акругі Масквы паведамілі аб эвакуацыі трох пад’ездаў гэтага дома. Удакладняецца, што пасля заканчэння працы спецслужбаў жыхары змогуць вярнуцца ў свае кватэры.Таксама разбураны фасады і шкленне верхніх паверхаў 24-павярховага жылога дома на вуліцы Атласава.Мэр расійскай сталіцы Сяргей Сабянін у сваім Telegram-канале паведаміў, што на дадзены момант у выніку атакі БПЛА ў Маскве ніхто сур’ёзна не пацярпеў. Паводле яго слоў, усе экстраныя службы горада знаходзяцца на месцах здарэнняў, абставіны здарэння высвятляюцца.Па словах мэра, па медыцынскую дапамогу звярнуліся два чалавекі, шпіталізацыя ім не спатрэбілася.Таксама аб тым, што на падлёце да расійскай сталіцы збіты некалькі беспілотнікаў, паведаміў і губернатар вобласці Андрэй Вераб’ёў."Сёння раніцай жыхары некаторых раёнаў Маскоўскай вобласці маглі чуць гукі выбухаў – гэта працуе наша СПА. На падлёце да Масквы былі збіты некалькі беспілотнікаў", - напісаў ён у сваім Telegram-канале.Кіеўскі рэжым атакуеУ прэс-службе Мінабароны РФ паведамілі, што ў аўторак сталіцу Расіі атакавалі 8 украінскіх беспілотнікаў.Ваенныя расказалі, што тры беспілотнікі ўдалося падавіць з дапамогай сродкаў радыёэлектроннай барацьбы. Па гэтай прычыне БПЛА страцілі кіравальнасць, збіліся з намечанага курсу і цэлей."Яшчэ пяць беспілотных лятальных апаратаў збіты зенітным ракетна-гарматным комплексам "Панцирь-С" у Падмаскоўі", - раскрылі падрабязнасці ў Мінабароны.У ведамстве назвалі тое, што адбылося, тэрарыстычным нападзеннем.Нагадаем, што ў пачатку мая была спроба з дапамогай беспілотнікаў нанесці ўдар па крамлёўскай рэзідэнцыі прэзідэнта Расіі Уладзіміра Пуціна. У Крамлі расцанілі гэтае нападзенне як спланаваны тэракт і замах на кіраўніка дзяржавы. Там таксама паведамілі, што за тэрактам стаялі ўкраінскія спецслужбы.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Чытайце таксама:

масква

расія

2023

Навіны

ru_BY

беспілотнікі, здарэнні, тэракт, бяспека, грамадства, спецаперацыя, масква, расія, навіны