Боевая работа расчетов ЗРК Стрела-10 ЦВО на Авдеевском направлении - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Прэм’ер Польшчы: канфлікт ва Украіне – шанс начарціць новую карту Еўропы

© Sputnik / Алексей Витвицкий / Перайсці ў медыябанкПрэм'ер-міністр Польшчы Матэуш Маравецкі
Прэм'ер-міністр Польшчы Матэуш Маравецкі - Sputnik Беларусь, 1920, 02.06.2023
Падпісацца
Такі шанс, паводле слоў Маравецкага, "адзін на сто гадоў", з часам Еўрасаюз зможа "ўцягнуць" не толькі Украіну, але і Беларусь "у арбіту еўрапейскіх структур".
МІНСК, 2 чэр – Sputnik. Прэм’ер-міністр Польшчы Матэуш Маравецкі заявіў, што падзеі ва Украіне даюць Еўрасаюзу "гістарычны" шанс пашырыць свае межы да геаграфічных меж Еўропы, і мэта Варшавы – "змяніць геапалітычную траекторыю".
Дадзеную думку кіраўнік польскага ўрада агучыў, выступаючы ў пятніцу на кангрэсе "Польшча – вялікі праект".
"Перад намі адкрыўся гістарычны шанс – Украіна атрымае суверэнітэт, свабоду, Польшча бяспеку на сваіх межах, а Еўропа – стагоддзі міру, без пагрозы расійскага імперыялізму", - сказаў Маравецкі.
Ён выказаў перакананасць у тым, што краіны Еўрасаюза павінны імкнуцца да таго, каб межы аб’яднання супалі з геаграфічнымі межамі еўрапейскага кантынента.

"Гэта шанс адзін на сотні гадоў, каб Усход перамясціць на Усход, пашырыць Еўропу, змяніць палітычную геаграфію нашага кантынента, стварыць новую архітэктуру бяспекі, начарціць новую карту Еўропы, свабодную ад пастаяннай пагрозы з боку Расіі", - заявіў польскі прэм’ер.

Ён таксама дадаў, што падзеі ва Украіне даюць Еўрасаюзу шанс "уцягнуць Украіну, а магчыма, праз нейкі час і Беларусь у арбіту еўрапейскіх структур".
"З гэтага канфлікту народзіцца новы геапалітычны парадак", - сказаў на заканчэнне польскі прэм’ер, падкрэсліўшы, што Варшава сёння робіць стаўку "на змяненне геапалітычнай траекторыі".

Пастаўкі ўзбраенняў

Шэраг краін пастаўляе зброю ва Украіну з самага пачатку расійскай спецаперацыі.
У сувязі з гэтым Масква накіравала ноту краінам НАТА. Прэс-сакратар прэзідэнта Расіі Дзмітрый Пяскоў адзначаў, што нашпігоўванне Украіны зброяй не спрыяе поспеху расійска-ўкраінскіх перагавораў і нясе толькі негатыўны эфект.
Пяскоў таксама заявіў, што пастаўкі Захадам зброі Украіне прынцыпова нічога змяніць не змогуць, яны не здольны сарваць працэс дасягнення мэт спецаперацыі Расіі, і зробяць толькі горш украінскаму народу.
Прэс-сакратар прэзідэнта Расіі таксама ўдакладняў, што краіны НАТА, ператварыўшыся ва ўдзельнікаў украінскага канфлікту, выступаюць адзіным блокам не як умоўныя праціўнікі Масквы, а як ворагі.

Варшава наперадзе

У пачатку мая пастаяннае прадстаўніцтва Польшчы пры Еўрапейскім саюзе заявіла, што рэспубліка ўжо перадала Кіеву 14 знішчальнікаў МіГ-29, пры тым, што ўсяго краінамі НАТА Кіеву перададзены 28 гэтых баявых машын.
У паведамленні польскай структуры таксама падкрэслівалася, што больш за палову ад усіх пастаўленых альянсам танкаў Кіеў атрымаў таксама ад Варшавы – 325 з 575-і.
Польскія дыпламаты ўдакладнілі, што на другім месцы па танках апынуліся Нідэрланды – імі пастаўлена 85 машын, Германія займае трэцюю пазіцыю – 80 танкаў, а на апошнім радку знаходзяцца ЗША – імі пастаўлена ва Украіну ўсяго толькі 76 танкаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лаўроў назваў планы Захаду па раздзяленні Расіі "жартамі з агнём"
Бортнікаў: Захад стварае доўгайграючы канфлікт ва Украіне
Генеральны сакратар АДКБ: бяспека Еўропы залежыць ад ходу спецаперацыі РФ ва Украіне
Стужка навiн
0