Падсыхае: навукоўцы распавялі, як змагацца з бяздожджыцай у Беларусі
15:49 14.06.2023 (абноўлена: 15:51 14.06.2023)
© Sputnik / Андрей Архипов
Падпісацца
Спецыялісты мяркуюць, што калі тэндэнцыя на адсутнасць ападкаў у рэспубліцы захаваецца, аграрыі страцяць каля 30-35% ураджаю збожжавых культур.
МІНСК, 14 чэр – Sputnik. Беларусь працягвае заставацца ў зоне рызыкоўнага земляробства, перыядычна ў краіне ўзнікаюць перыяды, якія негатыўна ўплываюць на вытворчасць сельгаспрадукцыі, расказаў дырэктар Інстытута меліярацыі НПЦ НАН Беларусі па земляробстве Аляксандр Анжэнкаў.
"У нас у першую чаргу адбываюцца дастаткова негатыўныя з’явы з пункту гледжання меліярацыі – гэта сур’ёзныя ваганні вільгацезабяспечанасці. Гэта значыць, за вясеннім перыядам лішку вільгаці ў нас ідуць перыяды адносна кароткатэрміновыя экстрэмальнага недахопу вільгаці", - адзначыў ён на прэс-канферэнцыі, прымеркаванай да Сусветнага дня барацьбы з апустыньваннем і засухай.
Вельмі мала ападкаў
Старшы навуковы супрацоўнік НПЦ НАН Беларусі па біярэсурсах Міхаіл Максіменкаў у сваю чаргу праінфармаваў, што ў студзені гэтага года выпала 90% ападкаў, у лютым – 106%, у сакавіку – 182%, у красавіку – 115%, а ў маі – усяго 6,5%.
"Уся вада, якая выпала ў сакавіку – гэта дзве нормы, якая магла працаваць супраць апустыньвання – на жаль, па большай частцы па каналах меліярацыйных сетак сышла", - падкрэсліў ён.
Што да недахопу вады, то, паводле слоў вучоных, у Беларусі ёсць амаль 3 млн асушальна-меліярацыйных сістэм, якія дазваляюць "гэты негатыўны момант пераадольваць". Меліяратары будуюць і рэстаўрыруюць асушальна-ўвільгатняльныя меліярацыйныя сістэмы, якіх у краіне больш за 700 тысяч гектараў.
"Восемдзесят сем тысяч тарфянікаў і балот, якія мы аднавілі, пачалі іграць функцыю воданазапашвання. У нас у працы знаходзіцца аб’ект "Паганянская-2", ён размешчаны на тэрыторыі Брагінскага і Хойніцкага раёнаў Гомельскай вобласці на тэрыторыі Палескага радыяцыйнага запаведніка. Гэты аб’ект мы плануем забалочваць, яго плошча 5,9 тыс гектараў, а аб’ём назапашвання вільгаці складзе 98,2 млн кубічных метраў. Гэта аналагічна запасу вады ў возеры Сялява", - звярнуў увагу Максіменкаў.
Вады ўсё менш
Па словах навукоўцаў, у сярэднім скарачэнне вільгацезабеспячэння за апошнія гады склала 10%. І тэндэнцыя на скарачэнне ападкаў будзе ўстойлівая да 2025 года.
"Па вопыту мінулых гадоў у засушлівыя перыяды аграрыі гублялі да 30-35% сельскагаспадарчай прадукцыі. Калі тэндэнцыя захаваецца (на адсутнасць ападкаў - Sputnik), то можам прыкладна ў тых жа аб’ёмах страціць. У першую чаргу гэта датычыцца збожжавых культур", - дадаў Анжэнкаў.
Спецыялісты таксама адзначылі, што рэйтынг зямель, якія найбольш дэградзіравалі ад засухі, у Беларусі ўзначальваюць Ганцавіцкі, Івацэвіцкі, Столінскі, Жыткавіцкі і Лельчыцкі раёны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Тэмпература павысіцца ў 2023-м і 2024-м гадах – чаму, растлумачыў кліматолаг
Беларусь лідзіруе сярод краін СНД па тэмпах пацяплення клімату
Суперкамп'ютэр спрагназіраваў час гібелі чалавецтва
