https://bel.sputnik.by/20230617/bolsh-za-tysyachu-vakansy-yak-shkolnk--studenty-moguts-padzarabts-letam-1076547610.html

Больш за тысячу вакансій: як школьнікі і студэнты могуць падзарабіць летам

Больш за тысячу вакансій: як школьнікі і студэнты могуць падзарабіць летам

Sputnik Беларусь

Сталічныя ўлады склалі спісак працоўных месцаў, якія чакаюць рабят на канікулах: заробак вар’іруецца прыкладна ад 500 да 1,5 тыс рублёў. 17.06.2023, Sputnik Беларусь

2023-06-17T10:46+0300

2023-06-17T10:46+0300

2023-06-17T10:46+0300

дзеці

моладзь

праца

працаўладкаванне

лета

грамадства

зарплата

у беларусі

беларусь

навіны

https://cdnn11.img.sputnik.by/img/101929/68/1019296847_0:14:3456:1958_1920x0_80_0_0_afabd5c2ebb866fdc0a674dcd3d3f990.jpg

МІНСК, 17 чэр – Sputnik. Моладзі, якая вучыцца, прапануюць падзарабіць больш як у 80 дзяржаўных і прыватных кампаніях, вынікае з даных Камітэта па працы і сацабароне Мінгарвыканкама.У пераліку камітэта больш за 1,3 тыс вакансій. Зарплата, як правіла, пачынаецца з 500 рублёў, але ў некаторых выпадках яна здзельная, напрыклад, у фастфудзе, таму можа быць менш. Адзін з самых вялікіх заробкаў – 1 480 рублёў у месяц – прапануюць на лініі разліву Мінскага завода безалкагольных напояў (МЗБН). Сярод малааплатных работ – убіранне тэрыторыі атэля "Еўропа" – ад 277 рублёў.На заводПапрацаваць на канікулах моладзь завуць не толькі на МЗБН, але і на іншыя прамысловыя прадпрыемствы. Перавагі ў тых, хто мае дыплом фрэзероўшчыка або токара. Некаторыя заводы без яго ўвогуле не бяруць. Напрыклад, на ААТ "Рэмід", якое выпускае запчасткі для сельгастэхнікі, малыя архітэктурныя формы для ўпрыгожвання горада і іншае.Без дакументаў аб рабочай прафесіі не атрымаецца ўладкавацца і на "Амкадор-Белвар". Пры наяўнасці патрэбнай кваліфікацыі атрымаецца заняцца слясарнай апрацоўкай дэталей, зборкай святлатэхнікі на канвееры, аплата складзе 600-700 рублёў у месяц.Мінскі завод шасцерань гатоў браць і непаўналетніх для такарных работ, шліфоўкі і да таго падобнага. Дакладнага цэнніка няма – аплата працы здзельная. Токарам, фрэзероўшчыкам, слесарам механазборачных работ можна пайсці і на МАЗ: абяцаюць 554 рублі.Няхітрая падсобная праца чакае моладзь на Заводзе эфектыўных прамысловых канструкцый. Здзельная аплата абяцаецца за разгрузку друзу, пяску, цэменту і керамзіту, а таксама за чыстку стужачных канвеераў.Калі на большасці прадпрыемстваў для моладзі ёсць па некалькі дзесяткаў вакансій, то ў Мінскага трактарнага завода цэлая сотня вольных месцаў. Чакаюць токараў, фрэзероўшчыкаў, электразваршчыкаў, электраманцёраў, тэрмістаў, прыбіральшчыкаў памяшканняў і гэтак далей. Плаціць абяцаюць ад 800 рублёў.Ёсць і падобныя з заводамі прапановы: напрыклад, убіранне мастоў і пуцеправодаў, афарбоўка парэнчаў і зафарбоўка графіці – гэта занятак ад дзяржкампаніі "Гораўтамост", за які абяцаюць ад 750 рублёў у месяц.Паслугі і гандальУ невытворчай сферы вакансіі самыя разнастайныя. Напрыклад, можна ў пральню аператарам прасавання бялізны на катках – аплата здзельная. Ёсць і нямала прапаноў ад грамадскага харчавання. Адзін з франчайзі сеткі KFC за 4,5 рубля ў гадзіну прапануе прыбіраць свае ўстановы, у тым ліку прыбіральні, а таксама прымаць і выдаваць заказы.Іншы франчайзі гатоў узяць у рэстаранныя брыгады прыкладна два дзесяткі чалавек, але не на лета, а больш працяглы перыяд: мінімальны тэрмін афармлення – 4 месяцы. Плаціць будуць 554 рублі за месяц.Столькі ж абяцаюць кухоннаму рабочаму ва ўнівермагу "Беларусь" і ў падраздзяленні "Газпрам трансгаз Беларусь", якое адказвае за харчаванне. Стаўка за мыццё посуду ў рэстаране-бровары "Сябры" – 700 рублёў. А вось у паштальёна зарплата вышэй – каля 760 рублёў.Можна пайсці і ў рытэйл: раздробная сетка "Санта" чакае грузчыкаў, прадаўцоў, пекараў, касіраў і абяцае ад 1 тыс рублёў у месяц. У ProStore касір атрымае ад 1,1 тыс. Ёсць там і іншыя пазіцыі. Самая высокая па аплаце – гэта ўкладчык-упакоўшчык, які можа зарабіць ад 1 250 рублёў. У "Суседзях" ёсць праца для мерчандайзераў па 2,94 рубля за гадзіну.У спіску шмат прапаноў і ад бюджэтнага сектара. Як правіла, патрабуюцца санітары ў бальніцы ці нянечкі ў дзіцячыя сады. Зарплата ў такім выпадку звычайна роўная 554 рублям.Пытанне ўзростуУ Беларусі ўзроставы цэнз для працы, як правіла, 14 гадоў. У гэтым узросце заключаць дагавор падлетак можа толькі па пісьмовай згодзе аднаго з бацькоў. З 16 гадоў дазваляецца не пытаць тату і маму.Да 16 гадоў падлетак можа працаваць толькі ў вольны ад вучобы час і толькі на пэўных пазіцыях, якія ёсць у спецыяльным спіску Мінпрацы. Напрыклад, гэта работа ў грамадскім харчаванні: сервіроўка сталоў і збор бруднага посуду. Дазваляюцца таксама пераплёт кніг, ручной мыццё машын, расклейка аб’яў, некаторыя сельгасработы і нават праца ў СМІ у якасці карэспандэнта.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Чытайце таксама:

беларусь

2023

Навіны

ru_BY

дзеці, моладзь, праца, працаўладкаванне, лета, грамадства, зарплата, у беларусі, беларусь, навіны