https://bel.sputnik.by/20230622/gryzlo-zverstvy-gtleratsa--kh-sayuznka-ne-moguts-mets-termnu-danasts-1076835817.html
Грызлоў: зверствы гітлераўцаў і іх саюзнікаў не могуць мець тэрміну даўнасці
Грызлоў: зверствы гітлераўцаў і іх саюзнікаў не могуць мець тэрміну даўнасці
Sputnik Беларусь
Дзень памяці і смутку адзначаецца 22 чэрвеня. Чытайце артыкул пасла Расіі ў Беларусі Барыса Грызлова, прысвечаны гэтай даце. 22.06.2023, Sputnik Беларусь
2023-06-22T11:17+0300
2023-06-22T11:17+0300
2023-06-22T11:17+0300
саюзная дзяржава беларусі і расіі
саюзная дзяржава
беларусь
расія
вялікая айчынная вайна
барыс грызлоў
пасол
грамадства
палітыка
бяспека
https://cdnn11.img.sputnik.by/img/07e7/05/05/1075203859_0:39:3072:1766_1920x0_80_0_0_da2f82720859229c35b0bbe4d65f5caa.jpg
Гэта адна з самых трагічных дат нашай гісторыі, якая сімвалізуе пачатак Вялікай Айчыннай вайны – бітвы савецкага народа за свабоду і незалежнасць не толькі сваёй краіны, але і ўсёй Еўропы.У чэрвені 1941 года абаронцы Брэсцкай крэпасці першымі далі адпор перавышаючым сілам праціўніка. Гарнізон, які апынуўся ў тыле ворага без сувязі, вады і медыкаментаў, гераічна трымаў абарону больш за месяц. Ва ўдзячнай памяці расіян і беларусаў Крэпасць-герой назаўжды застанецца сімвалам мужнасці, самаахвярнасці і нязломнай волі ў барацьбе за справядлівую справу – перамогу над агрэсарам.Панесеныя СССР людскія і матэрыяльныя страты былі каласальнымі. Гісторыя яшчэ не ведала такіх разбурэнняў, варварства і бесчалавечнасці, якімі адзначаны шлях нацыстаў па нашай зямлі. За пяць гадоў вайны загінулі амаль 27 мільёнаў жыхароў краіны. Разбурана 1 700 гарадоў і пасёлкаў, больш за 70 тысяч сёл і вёсак.Савецкі Саюз пазбавіўся трэці сваіх нацыянальных багаццяў – але выстаяў і перамог. Больш за тое, Чырвоная армія вярнула свабоду самой Германіі і іншым краінам Еўропы – у тым ліку і тым, чыя эканоміка гадамі працавала на патрэбы гітлераўскай арміі, карміла, апранала і ўзбройвала вермахт.Для расіян і беларусаў, двух брацкіх народаў, вайна 1941-1945 гадоў была менавіта Айчыннай. Бо нашы бацькі і дзяды цвёрда ведалі, што абараняюць агульную Радзіму.Задача нашчадкаў – пранесці праўду аб іх подзвігу скрозь стагоддзі. З гэтай прычыны праца па захаванні гістарычнай памяці, недапушчэнні спроб скажэння і перапісвання гісторыі мае вялікае значэнне.Намаганні Расіі і Беларусі на гэтым напрамку, перш за ўсё, у расследаванні незлічоных злачынстваў нацыстаў супраць мірнага насельніцтва і датычнасці да іх калабарантаў, сёння выключна запатрабаваны. Забойства дзяцей, жанчын і старых, мэтанакіраванае масавае знішчэнне яўрэяў і прадстаўнікоў іншых этнічных груп у лагерах смерці, паказальныя пакаранні смерцю і зверствы гітлераўцаў і іх саюзнікаў не могуць мець для нас тэрміну даўнасці. Іх неабходна расследаваць для абароны гістарычнай ісціны і процідзеяння тым, хто да гэтага часу спрабуе адрадзіць нацысцкую ідэалогію, бачачы ў ёй інструмент дасягнення сваіх карыслівых мэт.У гады Другой сусветнай вайны ЗША і Вялікабрытанія сур’ёзна хацелі рукамі фюрэра аслабіць або знішчыць Савецкі Саюз. Сёння гэтыя самаабвешчаныя "лідары дэмакратычнага свету" выкарыстоўваюць украінскі нацызм як зброю супраць Расіі. І зноў беспаспяхова.Заходнія палітыкі не вучацца на памылках папярэднікаў, лічаць гісторыю не больш як сродкам палітычнай барацьбы. Яны прывыклі ваяваць чужымі рукамі і не ведаюць сапраўдную цану Перамогі. Але для нашчадкаў герояў-вызваліцеляў гістарычная праўда безумоўная і святая. Нашы бацькі і дзяды абаранілі яе коштам уласнага жыцця са зброяй у руках, і сапраўды гэтак жа мы будзем яе абараняць. Таму што для нас дата 22 чэрвеня – не проста чарговы дзень календара.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Таксама на Sputnik:
беларусь
расія
Sputnik Беларусь
media@sputniknews.com
+74956456601
MIA „Rossiya Segodnya“
2023
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
саюзная дзяржава, беларусь, расія, вялікая айчынная вайна, барыс грызлоў, пасол, грамадства, палітыка, бяспека, меркаванне
саюзная дзяржава, беларусь, расія, вялікая айчынная вайна, барыс грызлоў, пасол, грамадства, палітыка, бяспека, меркаванне
Грызлоў: зверствы гітлераўцаў і іх саюзнікаў не могуць мець тэрміну даўнасці
Дзень памяці і смутку адзначаецца 22 чэрвеня. Чытайце артыкул пасла Расіі ў Беларусі Барыса Грызлова, прысвечаны гэтай даце.
Гэта адна з самых трагічных дат нашай гісторыі, якая сімвалізуе пачатак Вялікай Айчыннай вайны – бітвы савецкага народа за свабоду і незалежнасць не толькі сваёй краіны, але і ўсёй Еўропы.
У чэрвені 1941 года абаронцы Брэсцкай крэпасці першымі далі адпор перавышаючым сілам праціўніка. Гарнізон, які апынуўся ў тыле ворага без сувязі, вады і медыкаментаў, гераічна трымаў абарону больш за месяц. Ва ўдзячнай памяці расіян і беларусаў Крэпасць-герой назаўжды застанецца сімвалам мужнасці, самаахвярнасці і нязломнай волі ў барацьбе за справядлівую справу – перамогу над агрэсарам.
Панесеныя СССР людскія і матэрыяльныя страты былі каласальнымі. Гісторыя яшчэ не ведала такіх разбурэнняў, варварства і бесчалавечнасці, якімі адзначаны шлях нацыстаў па нашай зямлі. За пяць гадоў вайны загінулі амаль 27 мільёнаў жыхароў краіны. Разбурана 1 700 гарадоў і пасёлкаў, больш за 70 тысяч сёл і вёсак.
Савецкі Саюз пазбавіўся трэці сваіх нацыянальных багаццяў – але выстаяў і перамог. Больш за тое, Чырвоная армія вярнула свабоду самой Германіі і іншым краінам Еўропы – у тым ліку і тым, чыя эканоміка гадамі працавала на патрэбы гітлераўскай арміі, карміла, апранала і ўзбройвала вермахт.
Для расіян і беларусаў, двух брацкіх народаў, вайна 1941-1945 гадоў была менавіта Айчыннай. Бо нашы бацькі і дзяды цвёрда ведалі, што абараняюць агульную Радзіму.
Задача нашчадкаў – пранесці праўду аб іх подзвігу скрозь стагоддзі. З гэтай прычыны праца па захаванні гістарычнай памяці, недапушчэнні спроб скажэння і перапісвання гісторыі мае вялікае значэнне.
Намаганні Расіі і Беларусі на гэтым напрамку, перш за ўсё, у расследаванні незлічоных злачынстваў нацыстаў супраць мірнага насельніцтва і датычнасці да іх калабарантаў, сёння выключна запатрабаваны. Забойства дзяцей, жанчын і старых, мэтанакіраванае масавае знішчэнне яўрэяў і прадстаўнікоў іншых этнічных груп у лагерах смерці, паказальныя пакаранні смерцю і зверствы гітлераўцаў і іх саюзнікаў не могуць мець для нас тэрміну даўнасці. Іх неабходна расследаваць для абароны гістарычнай ісціны і процідзеяння тым, хто да гэтага часу спрабуе адрадзіць нацысцкую ідэалогію, бачачы ў ёй інструмент дасягнення сваіх карыслівых мэт.
У гады Другой сусветнай вайны ЗША і Вялікабрытанія сур’ёзна хацелі рукамі фюрэра аслабіць або знішчыць Савецкі Саюз. Сёння гэтыя самаабвешчаныя "лідары дэмакратычнага свету" выкарыстоўваюць украінскі нацызм як зброю супраць Расіі. І зноў беспаспяхова.
Заходнія палітыкі не вучацца на памылках папярэднікаў, лічаць гісторыю не больш як сродкам палітычнай барацьбы. Яны прывыклі ваяваць чужымі рукамі і не ведаюць сапраўдную цану Перамогі. Але для нашчадкаў герояў-вызваліцеляў гістарычная праўда безумоўная і святая. Нашы бацькі і дзяды абаранілі яе коштам уласнага жыцця са зброяй у руках, і сапраўды гэтак жа мы будзем яе абараняць. Таму што для нас дата 22 чэрвеня – не проста чарговы дзень календара.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" "I неба гуло ад грымот…":
вершы пра вайну
