Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Пуцін: Беларусь першы гандлёвы партнёр РФ у СНД і чацвёрты ў свеце

© Sputnik / Виктор ТолочкоРасійскі і беларускі флагі на плошчы Перамогі ў Мінску
Расійскі і беларускі флагі на плошчы Перамогі ў Мінску - Sputnik Беларусь, 1920, 28.06.2023
Падпісацца на
Паводле слоў прэзідэнта Расіі, тавараабарот дзвюх краін павялічыўся на 12% у мінулым годзе, і цяпер тэндэнцыя захоўваецца: за студзень – красавік яшчэ плюс 11%.
МІНСК, 28 чэр – Sputnik. Узаемавыгадныя шматпланавыя кантакты падтрымліваюць паміж сабой практычна ўсе суб’екты РФ і ўсе вобласці Беларусі, заявіў прэзідэнт Расіі Уладзімір Пуцін у відэазвароце да ўдзельнікаў X Форуму рэгіёнаў Расіі і Беларусі.
"Беларусь з’яўляецца першым па аб’ёме гандлю партнёрам Расіі сярод удзельнікаў Садружнасці Незалежных Дзяржаў і чацвёртым – ва ўсім свеце. У мінулым годзе тавараабарот павялічыўся на 12% і перавысіў 3 трлн рублёў. Такая пазітыўная тэндэнцыя ўмацоўваецца: за студзень – красавік узаемны гандаль дадаў яшчэ 11%", - адзначыў Пуцін.
Ён звярнуў увагу, што экспарт у Расію з Беларусі павялічыўся больш як на 70 млрд расійскіх рублёў (каля 2,5 млрд беларускіх). Гэта адбылося за кошт росту паставак машын і абсталявання, прадуктаў харчавання, хімічнай, тэкстыльнай і іншай прадукцыі, якая раней ішла на Захад.
Паводле яго слоў, зараз больш актыўна выбудоўваюць партнёрства з беларускімі калегамі Далёкі Усход, Сібір, Рэспубліка Крым і Севастопаль.
"Зацікаўленасць у падключэнні да міжрэгіянальнага ўзаемадзеяння праяўляюць і новыя рэгіёны Расіі", - падкрэсліў прэзідэнт РФ.
Ён дадаў, што на Х Форуме рэгіёнаў Расіі і Беларусі прайшлі карысныя і ажыўленыя дыскусіі. У тым ліку абмяркоўваліся такія тэмы, як паглыбленне прамысловай кааперацыі, рэалізацыя аграрных праектаў, укараненне перадавых інфармацыйных тэхналогій, пашырэнне гуманітарных сувязей і турыстычных абменаў і іншае.
На форуме падпісана больш за сто пагадненняў аб супрацоўніцтве і камерцыйных кантрактаў.
"Гэта ўражальны вынік, які, безумоўна, будзе садзейнічаць далейшаму эканамічнаму развіццю Расіі і Беларусь і ўмацаванню ўзаемазвязанасці эканомік дзвюх краін", - лічыць Пуцін.

Імпарт і санкцыі

Ён запэўніў, што Расія і Беларусь зробяць усё для забеспячэння ўстойлівасці сваіх эканомік, іх імунітэту да негатыўнага ўздзеяння санкцый. Пры неспрыяльных знешніх умовах, на фоне закрыцця рынкаў недружалюбных дзяржаў рэгіёны Беларусі Расіі інтэнсіўна развіваюць сустрэчны гандаль.
"І гэта дапамагае захаваць вытворчасці, пераарыентавацца на пастаўкі спажыўцам дзвюх нашых краін", - падкрэсліў расійскі лідар.
Таксама ў Беларусі пры падтрымцы РФ стартавалі новыя праекты па замяшчэнні імпарту на агульную суму 80 мільярдаў расійскіх рублёў (прыкладна 2,8 млрд беларускіх). Размова ідзе аб такіх галінах, як машынабудаванне, станкабудаванне, мікраэлектроніка і іншых.
"Ствараецца поўны цыкл канкурэнтных высокатэхналагічных вытворчасцей", - падкрэсліў прэзідэнт РФ.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Кантакты рэгіёнаў Беларусі і Расіі дапамагаюць трымаць удар Захаду – Лукашэнка
Пуцін звярнуўся да ўдзельнікаў Форуму рэгіёнаў Расіі і Беларусі – відэа
Качанава прапанавала правесці інвентарызацыю прамысловасці Беларусі і РФ
Стужка навiн
0