Хрэнін: прамое сутыкненне з НАТА магчыма ў будучыні
© Sputnik / Алексей Майшев
/ Падпісацца
Проксі-вайна ва Украіне паставіла планету на мяжу Трэцяй сусветнай, адзначыў кіраўнік беларускага абароннага ведамства.
МІНСК, 15 жні – Sputnik. Магчымасць прамога ваеннага сутыкнення з НАТА ў будучым становіцца вельмі відавочнай, заявіў міністр абароны Беларусі Віктар Хрэнін, выступаючы ў аўторак на Маскоўскай канферэнцыі па міжнароднай бяспецы.
"На сённяшні дзень усе маскі скінуты, сапраўдныя планы Захаду ўжо адкрыта гучаць з вуснаў высокапастаўленых службовых асоб", - сказаў ён.
Кіраўнік беларускага ваеннага ведамства нагадаў аб словах былога канцлера Германіі Ангелы Меркель у дачыненні да Мінскіх пагадненняў – аб тым, што яны выкарыстоўваліся для падрыхтоўкі агрэсіі супраць Расіі. Таксама ён указаў на заяву кіраўніка нямецкага МЗС Аналены Бербок, якая прызналася, што НАТА цяпер ужо фактычна ваюе з Расіяй.
"Адзінае, што стрымлівае ўладныя структуры краін "залатога мільярда" ад развязвання буйнамаштабнай вайны, гэта пагроза ядзернага адказу на іх дзеянні", - падкрэсліў Хрэнін.
Паводле яго слоў, менавіта таму Беларусь разглядае вяртанне на сваю тэрыторыю тактычнай ядзернай зброі як дзейсны фактар стратэгічнага стрымлівання.
Беларусь не хоча вайны
Міністр абароны рэспублікі адзначыў, што Беларусь – міралюбівая краіна і заўсёды адкрыта для дыялогу. Аднак у гэтай абстаноўцы дзяржава вымушана карэкціраваць сваю ваенную палітыку.
"У бліжэйшы час будзе прынята новая рэдакцыя Канцэпцыі нацыянальнай бяспекі краіны. Паралельна мы актыўна працуем над актуалізацыяй палажэнняў дзеючай Ваеннай дактрыны. Ужо сёння праз праекты гэтых знакавых для дзяржавы дакументаў чырвонай ніткай праходзіць тэзіс, што мы зробім усё, каб ніхто нават не спрабаваў указваць беларусам, як жыць на сваёй зямлі. Наша армія гатова даць адпор любому, хто паспрабуе паквапіцца на незалежнасць, суверэнітэт, тэрытарыяльную цэласнасць і канстытуцыйны лад беларускай дзяржавы і яе саюзнікаў", - заявіў Хрэнін
Таксама, яшчэ раз удакладніў кіраўнік беларускага Мінабароны, рэспубліка не хоча і не плануе ні на каго нападаць і заўсёды гатова да прадметнага дыялогу.
Расія супраць НАТА
Намеснік старшыні Савета бяспекі РФ Дзмітрый Мядзведзеў раней заяўляў, што супраць Расіі сёння практычна адкрыта ваюе ўся сістэма НАТА.
У сваю чаргу расійскі прэзідэнт Уладзімір Пуцін адзначаў, што Расія не хоча прамога ваеннага сутыкнення з краінамі альянсу, аднак калі нехта пажадае гэтага, Масква будзе гатова.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лукашэнка: размяшчэнне ядзернай зброі не адмяняе мірныя ініцыятывы Беларусі
Польшча нарошчвае ваенны кантынгент каля мяжы з Беларуссю – фота
