Пасол Расіі Барыс Грызлоў азнаёміўся з прамысловым патэнцыялам Оршы
© Sputnik / Виктор Толочко
Падпісацца
Беларускія ўлады прыкладаюць намаганні, каб у рэгіёнах прадпрыемствы мадэрнізаваліся і развівалі дзелавыя кантакты з расійскімі партнёрамі.
ОРША, 30 жні – Sputnik. У Оршы здолелі захаваць кампетэнцыі ў прамысловасці з савецкіх часоў, сказаў пасол Расіі ў Беларусі Барыс Грызлоў падчас рабочага візіту ў Віцебскую вобласць, перадае карэспандэнт Sputnik.
Па словах пасла, гэта ўжо трэці візіт у Віцебскую вобласць. Сёння адбылося наведванне трох прадпрыемстваў у Оршы.
Кантракты на гады наперад
"На аршанскім заводзе "Чырвоны барацьбіт" пасля развалу Савецкага Саюза здолелі захаваць кампетэнцыі ў галіне станкабудавання. Гэта прынцыпова важна", - падкрэсліў расійскі дыпламат.
Грызлоў звярнуў асаблівую ўвагу на той факт, што гэта было цяжка зрабіць, асабліва захаваць спецыялістаў.
"Сёння партфель заказаў завода "Чырвоны барацьбіт" сфарміраваны ўжо на два гады наперад. Значыць прадукцыя максімальна запатрабавана, тэхналогіі высокія: 80% вырабленай прадукцыі пастаўляецца ў Расійскую Федэрацыю", - адзначыў пасол.
Пасля чаго дадаў, што гэта той завод, з якім Расія максімальна цесна супрацоўнічае.
Запатрабаваны паўночны шоўк
Грызлоў нагадаў, што ў далёкім мінулым лён быў адным з асноўных артыкулаў экспарту яшчэ царскай Расіі.
У далёкім мінулым лён быў адным з асноўных артыкулаў экспарту
© Sputnik / Виктор Толочко
"Нам неабходна аднавіць аб’ёмы пасеваў лёну. Сёння гэта вельмі запатрабаваная прадукцыя", - лічыць ён.
Паводле яго слоў, Аршанскі льнокамбінат – гэта высокатэхналагічнае прадпрыемства.
"Калектыў камбіната працуе з задавальненнем, таму што вырашаюцца і сацыяльныя пытанні", - расказаў расійскі дыпламат.
Магчымасці для супрацоўніцтва
Асобную ўвагу Грызлоў удзяліў Аршанскаму інструментальнаму заводу, таму што яго прадукцыя максімальна запатрабавана, у тым ліку, і ў галіне станкабудавання.
Пасол Расіі ў Беларусі Барыс Грызлоў наведвае Аршанскі інструментальны завод
© Sputnik / Виктор Толочко
"Уражанні самыя добрыя. Ёсць аптымізм і разуменне, што ў прадпрыемстваў Віцебскай вобласці ёсць магчымасць узаемадзейнічаць з Расійскай Федэрацыяй", - упэўнены ён.
У завяршэнне пасол Расіі асабліва адзначыў, што прадукцыя мясцовых прамысловых прадпрыемстваў будзе запатрабавана на расійскім рынку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Тавараабарот паміж Беларуссю і Расіяй вырас на 16,9% – Мезенцаў
Мінск і Масква поўнасцю выканалі 10 саюзных праграм – Мінэканомікі
Грыц: Саюзная дзяржава Беларусі і Расіі – гэта інтэграцыйнае ядро ЕАЭС
