https://bel.sputnik.by/20230902/mnskaya-rymska-kataltskaya-eparkhya-adznachae-225-goddze-1079099031.html

Мінская рымска-каталіцкая епархія адзначае 225-годдзе

Мінская рымска-каталіцкая епархія адзначае 225-годдзе

Sputnik Беларусь

Кіраўнікі ўсіх асноўных канфесій Беларусі прыйшлі ў Архікафедральны сабор у Мінску на маштабны гістарычны сімпозіум. 02.09.2023, Sputnik Беларусь

2023-09-02T12:34+0300

2023-09-02T12:34+0300

2023-09-02T14:51+0300

рэлігія

рымска-каталіцкая царква

ркц

у беларусі

беларусь

мінская дыяцэзія

юбілей

навіны

https://cdnn11.img.sputnik.by/img/07e7/09/02/1079095745_0:181:1280:901_1920x0_80_0_0_8811de607e54c44e2fee54b2963349f3.jpg

МІНСК, 2 вер – Sputnik. Рымска-каталіцкая царква ў Беларусі адзначае 225 гадоў з дня заснавання Мінскай рымска-каталіцкай епархіі.У гістарычным сімпозіуме, які праходзіць сёння ў Архікафедральным саборы Імя Найсвяцейшай Панны Марыі (Белы касцёл) на плошчы Свабоды ў Мінску, бралі ўдзел кіраўнік БПЦ мітрапаліт Мінскі і Заслаўскі Веніямін, старшыня Мусульманскага рэлігійнага аб’яднання Беларусі муфтый Абу-Бекір Шабановіч, кіраўнік Іудзейскага рэлігійнага аб’яднання ў Беларусі Рыгор Абрамовіч.У Мінск прыбылі каталіцкія біскупы з усёй Беларусі.На мерапрыемстве прысутнічалі прадстаўнікі дзяржавы, у прыватнасці намеснік упаўнаважанага па справах рэлігій і нацыянальнасцей Сяргей Герасіменя.Адкрываючы гістарычны сімпозіум, кіраўнік Рымска-каталіцкай царквы ў Беларусі архібіскуп Юзаф Станеўскі падзякаваў кіраўнікам канфесій за тое, што яны аказалі гонар і прыбылі на мерапрыемства.Ён таксама павіншаваў муфтыя Шабановіча з тым, што напярэдадні ён стаў ганаровым жыхаром горада Іўе, у якім ужо больш за 600 гадоў пражывае шмат мусульман-татараў.Традыцыйныя каштоўнасці і канфесійная згодаЯк адзначыў кіраўнік БПЦ мітрапаліт Мінскі і Заслаўскі Веніямін, гісторыя каталіцкай царквы ў Беларусі і праваслаўя вельмі падобныя. Пры гэтым ён падкрэсліў важнасць разам думаць аб будучыні краіны."Нам трэба разам будаваць будучыню, (...) захаваць і выхаваць маладое пакаленне, каб яны абапіраліся на традыцыйныя каштоўнасці", - сказаў кіраўнік БПЦ.Пра важнасць захавання канфесійнай згоды, якая заўсёды была ў Беларусі, казалі муфтый Шабановіч і галоўны рабін Рэлігійнага аб’яднання абшчын прагрэсіўнага іудаізму ў Беларусі Рыгор Абрамовіч.Прэзентацыя герба Мінска-Магілёўскай архідыяцэзіі і гашэнне маркіУ рамках мерапрыемства адбылася прэзентацыя герба Мінска-Магілёўскай архідыяцэзіі.Сёння таксама павінна прайсці гашэнне юбілейнай паштовай маркі.Рымска-каталіцкая царква ў Беларусі – адна з асноўных рэлігійных канфесій у краіне, другая па колькасці пасля праваслаўя.Як вынікае з інфармацыі на сайце Апарату ўпаўнаважанага па справах рэлігій і нацыянальнасцей, у беларускіх каталікоў чатыры дыяцэзіі, у якіх каля 500 парафій. У Беларусі дзейнічае шэсць духоўных каталіцкіх навучальных устаноў, 11 місій і дзевяць манастыроў. У рэспубліцы больш за 500 касцёлаў, яшчэ амаль 30 будуюцца.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Чытайце таксама:

беларусь

2023

Навіны

ru_BY

рэлігія, рымска-каталіцкая царква, ркц, у беларусі, беларусь, мінская дыяцэзія, юбілей, навіны