Авярчук: за 7 месяцаў гандаль Расіі і Беларусі вырас на 10%
© Sputnik / Виктор Толочко
Падпісацца
Расійскія ўлады сумесна з беларускім бокам актыўна займаюцца пытаннямі прамысловай кааперацыі, каб паспяхова супрацьстаяць заходнім санкцыям.
МАГІЛЁЎ, 29 вер – Sputnik. У 2023 годзе тавараабарот Беларусі і Расіі склаў 3,5 трыльёна расійскіх рублёў, сказаў віцэ-прэм’ер РФ Аляксей Авярчук на пасяджэнні Групы высокага ўзроўню, перадае карэспандэнт Sputnik.
У пятніцу праходзіць ужо трэцяе ў бягучым годзе пасяджэнне Групы высокага ўзроўню Савета Міністраў Саюзнай дзяржавы.
"Па выніках 2022 года знешнегандлёвы абарот Расіі і Беларусі вырас на 13% і склаў рэкордныя 3,5 трыльёна расійскіх рублёў. Экспарт і імпарт збалансаваны. Расійскі экспарт склаў 1,7 трыльёна рублёў, а імпарт з Беларусі – 1,8 трыльёна", - адзначыў віцэ-прэм’ер.
Пасяджэнне Групы высокага ўзроўню Савета Міністраў Саюзнай дзяржавы ў Магілёве
© Sputnik / Виктор Толочко
Авярчук звярнуў увагу, што сёлета тэндэнцыя росту тавараабароту паміж нашымі краінамі захоўваецца. За 7 месяцаў 2023 года гандаль ужо дасягнуў 2,5 трыльёна расійскіх рублёў, што на 9,9% вышэй за паказчыкі аналагічнага перыяду мінулага года.
"Пры гэтым экспарт Расіі ў Беларусь склаў 1,2 трыльёна рублёў, а імпарт – 1,3 трыльёна", - канстатаваў ён.
Пасля чаго дадаў, што за апошнія два гады нашы краіны істотна рушылі наперад у рэалізацыі 28 саюзных праграм.
"Наша задача – забяспечыць максімальна цесную эканамічную сувязь паміж нашымі краінамі і ў жыцці рэалізаваць формулу "дзве краіны – адна эканоміка", - лічыць віцэ-прэм’ер.
Авярчук расказаў, што цяпер ідзе работа над праектам асноўных напрамкаў рэалізацыі палажэнняў дагавора аб стварэнні Саюзнай дзяржавы на наступны перыяд: з 2024 па 2026 гады. У хуткім часе плануецца выйсці на ўзгадненне дакументаў, ухваленне іх Саветам міністраў Саюзнай дзяржавы і зацвярджэнне дэкрэта Вышэйшага дзяржсавета.
Пасяджэнне Групы высокага ўзроўню Савета Міністраў Саюзнай дзяржавы ў Магілёве
© Sputnik / Виктор Толочко
"Сёння ў рамках пасяджэння Групы высокага ўзроўню ў нас насычаны парадак дня, шмат пытанняў. Будзем абмяркоўваць самыя разнапланавыя праблемы, якія характарызуюць увесь шырокі спектр сувязей і адносін, якія існуюць паміж намі", - праінфармаваў віцэ-прэм’ер Расіі.
Авярчук удакладніў, што, у прыватнасці, будуць абмяркоўвацца пытанні выраўноўвання чыгуначных тарыфаў, забеспячэння лічбавага суверэнітэту Саюзнай дзяржавы, развіцця авіяцыйных зносін, у тым ліку, паміж Беларуссю і Далёкім Усходам, бюджэт Саюзнай дзяржавы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лукашэнка і Пуцін накіравалі прывітанне ўдзельнікам Форуму гарадоў-пабрацімаў
Залатароў: Расія і Беларусь – найбольш надзейныя партнёры ў прамысловасці
Мінск абяцае паказаць у Маскве імпартазамешчаныя станкі
