Ізраіль нанёс больш за 800 ракетных удараў па цэлях у Газе

У суботу, 7 кастрычніка, ізраільская тэрыторыя трапіла пад масіраваны ракетны абстрэл з боку Палесціны, палесцінскія баевікі ўварваліся на ізраільскую тэрыторыю. У адказ Армія абароны Ізраіля пачала аперацыю ў сектары Газа, які кантралюе палесцінскі рух ХАМАС. Аперацыя атрымала назву "Жалезныя мячы".

На фота: пасля ізраільскага авіяўдару ў горадзе Газа.

Ваеннае крыло палесцінскага руху ХАМАС у суботу аб’явіла аб правядзенні аперацыі "Патоп Аль-Аксы" супраць Ізраіля. У ХАМАС заявілі, што ваенная аперацыя з’яўляецца рэакцыяй на агрэсіўныя дзеянні ізраільскага боку ў адносінах да адной з асноўных святынь ісламу – мячэці Аль-Акса ў цэнтры Іерусаліма.

На фота: палесцінскае дзіця ідзе з роварам па абломках будынка, які пацярпеў ад ізраільскага авіяўдару, у горадзе Газа.

У нядзелю, 8 кастрычніка, урад Ізраіля ўпершыню пасля араба-ізраільскага канфлікту 1973 года аб’явіў аб пераходзе краіны "ў стан вайны".

На фота: пасля авіяўдару Ізраіля па Нацыянальным банку ў горадзе Газа.

Паводле апошніх звестак, у выніку эскалацыі канфлікту загінулі больш за 400 палесцінцаў, 2,3 тысячы паранены, у Ізраілі загінулі звыш 700 чалавек, больш за 2,2 тысячы атрымалі раненні.

На фота: абломкі будынкаў, якія пацярпелі ў выніку ракетных удараў УС Ізраіля па Газе.

Як паведамляе The Times of Israel са спасылкай на прадстаўніка ЦАХАЛ Рычарда Хехта, па стане на раніцу панядзелка, 9 кастрычніка, баявыя дзеянні паміж сіламі Ізраіля і рухам ХАМАС працягваюцца прыблізна на васьмі ўчастках ізраільскай тэрыторыі ўздоўж мяжы з сектарам Газа.

На фота: брыгада палесцінскай грамадзянскай абароны аглядае дом, які пацярпеў у выніку ізраільскага авіяўдару, у Хан-Юнісе, на поўдні сектара Газа.

Рычард Хехт выказаў надзею, што ізраільскія вайскоўцы вернуць поўны кантроль над сваёй тэрыторыяй да ночы аўторка.

На фота: стоўп дыму ўзнімаецца над будынкамі ў горадзе Газа падчас авіяўдару Ізраіля 8 кастрычніка 2023 года.

"Мы думалі раней, што атрымаем поўны кантроль яшчэ да нядзелі. Спадзяюся, да канца сённяшняга дня ў нас гэта атрымаецца", - дадаў прадстаўнік ЦАХАЛ.

На фота: абломкі будынкаў, якія пацярпелі ў выніку ракетных удараў УС Ізраіля па Газе.

Выданне "Гаарэц" перадае, што значная колькасць баевікоў ХАМАС працягвае пранікаць на тэрыторыю Ізраіля.

На фота: абстрэл будынкаў у палесцінскім горадзе Газа.

Брыгады "Аль-Касам" (ваеннае крыло ХАМАС) заяўлялі, што ўзялі ў палон дзесяткі ізраільскіх салдат і афіцэраў.

На фота: палесцінцы аглядаюць абломкі будынка пасля ізраільскага авіяўдару ў горадзе Газа.

Пазней член палітбюро руху ХАМАС Муса Абу-Марзук заявіў, што больш за 100 грамадзян Ізраіля, у тым ліку высокапастаўленых вайскоўцаў, былі ўзяты ў палон і ўтрымліваюцца ў сектары Газа.

На фота: руіны вышыннага будынка, разбуранага ў выніку ізраільскіх авіяўдараў у горадзе Газа.

Паводле ацэнак прадстаўніка ЦАХАЛа контр-адмірала Даніэля Хагары, да цяперашняга часу ЦАХАЛ знішчыла 425 палесцінскіх тэрарыстаў у сектары Газа і яшчэ сотні на ізраільскай тэрыторыі. Падчас удараў па сектары Газа былі знішчаны 1 148 цэлей.

На фота: дым узнімаецца над будынкамі падчас авіяўдару Ізраіля ў горадзе Газа, 9 кастрычніка 2023 года

Як паведаміла выданне "Гаарэц", Ізраіль ужо нанёс больш за 800 удараў па цэлях у Газе, уключаючы авіяўдары, у выніку якіх была разбурана большая частка горада Бейт-Ханун.

На фота: ракета ўзрываецца ў горадзе Газа падчас ізраільскага паветранага ўдару.