https://bel.sputnik.by/20231026/novyya-pravly-atrymannya-gramadzyanstva-shto-chakae-zhadayuchykh-atrymats-pashpart-rf-1080653630.html
Новыя правілы атрымання грамадзянства: што чакае жадаючых атрымаць пашпарт РФ
Новыя правілы атрымання грамадзянства: што чакае жадаючых атрымаць пашпарт РФ
Sputnik Беларусь
Абноўлены закон аб грамадзянстве заменіць аднайменны прававы акт, які прымяняўся больш за дваццаць гадоў. 26.10.2023, Sputnik Беларусь
2023-10-26T17:45+0300
2023-10-26T17:45+0300
2023-10-26T17:45+0300
пашпарт
грамадзянства
грамадства
расія
навіны
палітыка
закон
https://cdnn11.img.sputnik.by/img/104304/36/1043043638_0:200:3231:2017_1920x0_80_0_0_e74dcddc70a64ac944d91857d69d4287.jpg
Новы Федэральны закон ад 2023/04/28 г. №138-ФЗ "О гражданстве Российской Федерации" набывае моц 26 кастрычніка 2023 года. Якія змены чакаюць жадаючых атрымаць расійскі пашпарт і па якіх прычынах грамадзянства РФ можа быць спынена – разбіраўся карэспандэнт Sputnik Міхаіл Вераб’ёў.Хто часцей атрымлівае пашпарты РФУ 2022 годзе грамадзянства Расіі прынялі 691 тыс замежнікаў, вынікае з даных МУС РФ. Самымі актыўнымі атрымальнікамі расійскіх пашпартоў былі грамадзяне Украіны – 43% ад агульнай колькасці выдадзеных за гэты перыяд дакументаў. Другімі па колькасці новых расійскіх грамадзян тады сталі выхадцы з Таджыкістана (25%).У першым паўгоддзі 2023 пашпарты РФ атрымалі 205 тыс замежнікаў. У параўнанні з двума папярэднімі паўгоддзямі рэзка знізілася колькасць пашпартоў РФ, выдадзеных грамадзянам Украіны, а паказчыкі па астатніх краінах істотна не змяніліся.Згодна з новымі правіламі, для атрымання грамадзянства РФ трэба будзе ведаць не толькі рускую мову (да гэтага часу гэтыя веды правяраліся спецыяльным тэстам), але і гісторыю Расіі, а таксама асновы заканадаўства краіны. Аднак не пазначана, якім чынам спатрэбіцца пацвярджаць наяўнасць гэтых ведаў.Спрошчаны парадакПадвергся зменам пералік асоб, якія маюць права на атрыманне грамадзянства РФ у спрошчаным парадку. У яго ўключылі выпускнікоў расійскіх ВНУ, якія скончылі іх з адзнакай. А таксама тых, хто мае сваякоў па прамой узыходзячай лініі, якія пастаянна пражывалі на тэрыторыі, якая адносілася да Расійскай Імперыі або СССР у дзяржаўных межах РФ.Новым законам выключана магчымасць атрымання грамадзянства ў спрошчаным парадку за інвестыцыі і прадпрымальніцтва, распавёў карэспандэнту Sputnik дацэнт дэпартамента міжнароднага і публічнага права Фінансавага ўніверсітэта пры ўрадзе РФ Міхаіл Гацко.Раней існавала магчымасць атрымаць пашпарт у спрошчаным парадку, калі чалавек знаходзіцца ў шлюбе з грамадзянінам РФ не менш за тры гады. У новых правілах крытэрый працягласці шлюбу ўбралі, але ўзнікла абавязковая ўмова аб наяўнасці агульнага дзіцяці. Як адзначаецца на сайце Крамля, гэта мера была прынята для выключэння практыкі заключэння фіктыўных шлюбаў.Па новых правілах атрымаць грамадзянства ў спрошчаным парадку можна пры наяўнасці дзіцяці – грамадзяніна РФ. Пры гэтым не важна колькі яму гадоў. Раней патрабавалася, каб чалавек спярша дасягнуў паўналецця.Як і раней, дзіця замежнікаў, якое нарадзілася ў РФ, становіцца грамадзянінам Расіі ў выпадку, калі яно не атрымала па нараджэнні грамадзянства іншай дзяржавы. "Аднак цяпер дзіця, якое нарадзілася на водным або паветраным судне, якое мае нацыянальную прыналежнасць РФ, і не набыло грамадзянства замежнай дзяржавы па нараджэнні, атрымлівае расійскі пашпарт, нават калі яго бацькі – не грамадзяне РФ", - дадала ў размове з карэспандэнтам Sputnik член Асацыяцыі юрыстаў Расіі Анастасія Грамакова.Раней атрымаць расійскае грамадзянства ў спрошчаным парадку маглі грамадзяне СССР, якія нарадзіліся на тэрыторыі Беларускай ССР. Па новым законе такая магчымасць ёсць і ў тых, хто ўвесь час там пражываў.Спыненне грамадзянстваПрацэдуры адмены рашэння аб набыцці грамадзянства больш няма. Яна заменена спыненнем грамадзянства.Спісак злачынстваў, якія з’яўляюцца падставай для спынення грамадзянства, павялічыўся амаль у чатыры разы, з 18 да 64 артыкулаў крымінальнага кодэкса, расказаў Міхаіл Гацко. Паводле яго слоў, пералік дубліруюе дзеянні, указаныя ў папярэднім законе аб грамадзянстве. У іх ліку тэрарызм, захоп заложнікаў, арганізацыя незаконных узброеных фарміраванняў, гвалтоўны захоп улады і замах на жыццё дзяржаўнага дзеяча, нападзенне на асоб або ўстановы, якія карыстаюцца міжнароднай абаронай, узброены мяцеж і дыверсіі.Згодна з новаўвядзеннямі, спыненне грамадзянства РФ таксама будзе ажыццяўляцца за:"Акрамя таго, спыненне расійскага грамадзянства прадугледжана за невыкананне абавязкаў, прадугледжаных законам аб замежных агентах, за ўдзел у непажаданай замежнай або міжнароднай няўрадавай арганізацыі, а таксама за парушэнне ўстаноўленага парадку арганізацыі або правядзення сходу, мітынгу, дэманстрацыі, шэсця або пікетавання, калі гэтае дзеянне здзейснена неаднаразова", - дадаў Міхаіл Гацко.У выніку сказаць, што атрымаць расійскі пашпарт стала прасцей ці складаней, нельга, кардынальных змен не адбылося, лічыць дацэнт РАНГіДС Сяргей Андрэйца."Трэба першыя некалькі месяцаў пачакаць і паглядзець, якія з’явяцца загады МУС, як будзе складацца правапрымяняльная практыка, ці будуць нейкія судовыя рашэнні. Цяпер можна ацэньваць толькі тэкст, а ацэнку рэалізацыі закона можна будзе даць пасля Новага года", - растлумачыў эксперт.
https://bel.sputnik.by/20230710/u-belarus-stupae--slu-zakon-ab-pazbalenn-gramadzyanstva-1077380759.html
расія
Sputnik Беларусь
media@sputniknews.com
+74956456601
MIA „Rossiya Segodnya“
2023
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
пашпарт, грамадзянства, грамадства, расія, навіны , палітыка, закон
пашпарт, грамадзянства, грамадства, расія, навіны , палітыка, закон
Новыя правілы атрымання грамадзянства: што чакае жадаючых атрымаць пашпарт РФ
Абноўлены закон аб грамадзянстве заменіць аднайменны прававы акт, які прымяняўся больш за дваццаць гадоў.
Новы
Федэральны закон ад 2023/04/28 г. №138-ФЗ "О гражданстве Российской Федерации" набывае моц 26 кастрычніка 2023 года. Якія змены чакаюць жадаючых атрымаць расійскі пашпарт і па якіх прычынах грамадзянства РФ можа быць спынена – разбіраўся карэспандэнт Sputnik Міхаіл Вераб’ёў.
Хто часцей атрымлівае пашпарты РФ
У 2022 годзе грамадзянства Расіі прынялі 691 тыс замежнікаў, вынікае з даных МУС РФ. Самымі актыўнымі атрымальнікамі расійскіх пашпартоў былі грамадзяне Украіны – 43% ад агульнай колькасці выдадзеных за гэты перыяд дакументаў. Другімі па колькасці новых расійскіх грамадзян тады сталі выхадцы з Таджыкістана (25%).
У першым паўгоддзі 2023 пашпарты РФ атрымалі 205 тыс замежнікаў. У параўнанні з двума папярэднімі паўгоддзямі рэзка знізілася колькасць пашпартоў РФ, выдадзеных грамадзянам Украіны, а паказчыкі па астатніх краінах істотна не змяніліся.
Згодна з новымі правіламі, для атрымання грамадзянства РФ трэба будзе ведаць не толькі рускую мову (да гэтага часу гэтыя веды правяраліся спецыяльным тэстам), але і гісторыю Расіі, а таксама асновы заканадаўства краіны. Аднак не пазначана, якім чынам спатрэбіцца пацвярджаць наяўнасць гэтых ведаў.
Падвергся зменам пералік асоб, якія маюць права на атрыманне грамадзянства РФ у спрошчаным парадку. У яго ўключылі выпускнікоў расійскіх ВНУ, якія скончылі іх з адзнакай. А таксама тых, хто мае сваякоў па прамой узыходзячай лініі, якія пастаянна пражывалі на тэрыторыі, якая адносілася да Расійскай Імперыі або СССР у дзяржаўных межах РФ.
Новым законам выключана магчымасць атрымання грамадзянства ў спрошчаным парадку за інвестыцыі і прадпрымальніцтва, распавёў карэспандэнту Sputnik дацэнт дэпартамента міжнароднага і публічнага права Фінансавага ўніверсітэта пры ўрадзе РФ Міхаіл Гацко.
Раней існавала магчымасць атрымаць пашпарт у спрошчаным парадку, калі чалавек знаходзіцца ў шлюбе з грамадзянінам РФ не менш за тры гады. У новых правілах крытэрый працягласці шлюбу ўбралі, але ўзнікла абавязковая ўмова аб наяўнасці агульнага дзіцяці. Як адзначаецца на сайце Крамля, гэта мера была прынята для выключэння практыкі заключэння фіктыўных шлюбаў.
Па новых правілах атрымаць грамадзянства ў спрошчаным парадку можна пры наяўнасці дзіцяці – грамадзяніна РФ. Пры гэтым не важна колькі яму гадоў. Раней патрабавалася, каб чалавек спярша дасягнуў паўналецця.
Як і раней, дзіця замежнікаў, якое нарадзілася ў РФ, становіцца грамадзянінам Расіі ў выпадку, калі яно не атрымала па нараджэнні грамадзянства іншай дзяржавы. "Аднак цяпер дзіця, якое нарадзілася на водным або паветраным судне, якое мае нацыянальную прыналежнасць РФ, і не набыло грамадзянства замежнай дзяржавы па нараджэнні, атрымлівае расійскі пашпарт, нават калі яго бацькі – не грамадзяне РФ", - дадала ў размове з карэспандэнтам Sputnik член Асацыяцыі юрыстаў Расіі Анастасія Грамакова.
Раней атрымаць расійскае грамадзянства ў спрошчаным парадку маглі грамадзяне СССР, якія нарадзіліся на тэрыторыі Беларускай ССР. Па новым законе такая магчымасць ёсць і ў тых, хто ўвесь час там пражываў.
Працэдуры адмены рашэння аб набыцці грамадзянства больш няма. Яна заменена спыненнем грамадзянства.
Спісак злачынстваў, якія з’яўляюцца падставай для спынення грамадзянства, павялічыўся амаль у чатыры разы, з 18 да 64 артыкулаў крымінальнага кодэкса, расказаў Міхаіл Гацко. Паводле яго слоў, пералік дубліруюе дзеянні, указаныя ў папярэднім законе аб грамадзянстве. У іх ліку тэрарызм, захоп заложнікаў, арганізацыя незаконных узброеных фарміраванняў, гвалтоўны захоп улады і замах на жыццё дзяржаўнага дзеяча, нападзенне на асоб або ўстановы, якія карыстаюцца міжнароднай абаронай, узброены мяцеж і дыверсіі.
Згодна з новаўвядзеннямі, спыненне грамадзянства РФ таксама будзе ажыццяўляцца за:
распаўсюджванне фэйкавай інфармацыі аб Узброеных Сілах РФ і дыскрэдытацыю расійскай арміі;
заклікі да ўвядзення санкцый і развязвання агрэсіўнай вайны;
публічныя заклікі да ажыццяўлення экстрэмісцкай дзейнасці;
замах на парушэнне тэрытарыяльнай цэласнасці Расіі;
ухіленне ад праходжання ваеннай службы і выканання яе абавязкаў;
выдаванне дзяржаўнай тайны;
злачынствы супраць палавой недатыкальнасці;
дзеянні, звязаныя з незаконным абаротам наркотыкаў і зброі;
арганізацыю злачыннай суполкі.
"Акрамя таго, спыненне расійскага грамадзянства прадугледжана за невыкананне абавязкаў, прадугледжаных законам аб замежных агентах, за ўдзел у непажаданай замежнай або міжнароднай няўрадавай арганізацыі, а таксама за парушэнне ўстаноўленага парадку арганізацыі або правядзення сходу, мітынгу, дэманстрацыі, шэсця або пікетавання, калі гэтае дзеянне здзейснена неаднаразова", - дадаў Міхаіл Гацко.
У выніку сказаць, што атрымаць расійскі пашпарт стала прасцей ці складаней, нельга, кардынальных змен не адбылося, лічыць дацэнт РАНГіДС Сяргей Андрэйца.
"Трэба першыя некалькі месяцаў пачакаць і паглядзець, якія з’явяцца загады МУС, як будзе складацца правапрымяняльная практыка, ці будуць нейкія судовыя рашэнні. Цяпер можна ацэньваць толькі тэкст, а ацэнку рэалізацыі закона можна будзе даць пасля Новага года", - растлумачыў эксперт.
