https://bel.sputnik.by/20240213/azerbaydzhan--armenya-abvnavatsl-adzn-adnago--abstrelakh-1083594380.html
Азербайджан і Арменія абвінавацілі адзін аднаго ў абстрэлах
Азербайджан і Арменія абвінавацілі адзін аднаго ў абстрэлах
Sputnik Беларусь
Дамоўленасць паміж Баку і Ерэванам аб спыненні агню была дасягнута ў мінулым годзе пры пасрэдніцтве расійскіх міратворцаў. 13.02.2024, Sputnik Беларусь
2024-02-13T10:13+0300
2024-02-13T10:13+0300
2024-02-13T10:13+0300
арменія
азербайджан
навіны
бяспека
мяжа
палітыка
у свеце
https://cdnn11.img.sputnik.by/img/07e8/02/0d/1083588481_9:0:1200:670_1920x0_80_0_0_c583b337b33c7a79c5af18272fed4498.png
МІНСК, 13 лют – Sputnik. Азербайджан і Арменія абмяняліся абвінавачваннямі ў абстрэлах.Напярэдадні вечарам азербайджанскае міністэрства замежных спраў заявіла, што 12 лютага пасля чарговай ваеннай правакацыі УС Арменіі атрымаў раненні ваеннаслужачы Дзяржпагранслужбы Азербайджана"."Гэтая правакацыя армянскага боку з’яўляецца сур’ёзным ударам па мірным працэсе паміж Азербайджанам і Арменіяй", - гаворыцца ў заяве.У Баку адзначылі, што на працягу апошніх 4-5 месяцаў адзначалася стабільнасць у адносінах паміж краінамі, таму такія правакацыйныя дзеянні супярэчаць мірным пасланням Арменіі.Па даных азербайджанскага боку, абстрэл адбыўся на тэрыторыях, якія знаходзяцца пад назіраннем місіі Еўрапейскага саюза ў Арменіі. Гэты факт, паводле слоў Баку, выклікае апасенні наконт мэт і задач місіі.У сваю чаргу міністэрства абароны Арменіі раніцай у аўторак паведаміла, што 13 лютага, пачынаючы з 5:30, азербайджанскія вайскоўцы "адкрылі агонь са стралковай зброі па армянскіх пазіцыях, размешчаных у раёне Неркін Ханд".У Мінабароны пазней удакладнілі, што з-за абстрэлу загінулі двое вайскоўцаў, таксама ёсць параненыя.Раней 1 лютага азербайджанскі прэзідэнт Ільхам Аліеў паведамляў, што паміж Баку і Ерэванам фактычна ўстанавіўся мір, і на межах краін некалькі месяцаў захоўваецца спакойнае становішча.Паводле яго слоў, для лагічнага завяршэння гэтага працэсу краінам трэба падпісаць мірны дагавор, каб пакласці канец тэрытарыяльным прэтэнзіям Арменіі да Азербайджана.Канфлікт Баку і ЕрэванаТэрытарыяльныя спрэчкі Арменіі і Азербайджана маюць даўнія карані. Так, адзін з узброеных канфліктаў у Нагорным Карабаху меў месца яшчэ ў 1918-1920 гадах. Пры савецкай уладзе праблему вырашалі, у тым ліку шляхам стварэння ў Азербайджанскай ССР карабахскай аўтаноміі.Пасля распаду СССР узброеныя сутыкненні аднавіліся. Чарговае абвастрэнне сітуацыі ў Нагорным Карабаху было ў верасні 2023 года, калі Мінабароны Азербайджана заявіла, што правядзе контртэрарыстычную аперацыю лакальнага характару.Пры пасрэдніцтве міратворцаў Расіі была дасягнута дамоўленасць аб спыненні агню. Баявыя фарміраванні непрызнанай Нагорна-Карабахскай рэспублікі склалі зброю. Бакі дамовіліся, што для жыхароў Карабаха, у тым ліку байцоў, якія раззброіліся, дадуць свабодны праезд па Лачынскім калідоры.У пачатку лістапада 2023 года ў былой сталіцы Карабаха Аліеў прыняў парад азербайджанскіх войск.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20240201/mzs-ras-pytanne-ab-vykhadze-armen-z-adkb-ne-stats-1083278046.html
арменія
азербайджан
Sputnik Беларусь
media@sputniknews.com
+74956456601
MIA „Rosiya Segodnya“
2024
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
арменія, азербайджан, навіны , бяспека, мяжа, палітыка, у свеце
арменія, азербайджан, навіны , бяспека, мяжа, палітыка, у свеце
Азербайджан і Арменія абвінавацілі адзін аднаго ў абстрэлах
Дамоўленасць паміж Баку і Ерэванам аб спыненні агню была дасягнута ў мінулым годзе пры пасрэдніцтве расійскіх міратворцаў.
МІНСК, 13 лют – Sputnik. Азербайджан і Арменія абмяняліся абвінавачваннямі ў абстрэлах.
Напярэдадні вечарам азербайджанскае міністэрства замежных спраў заявіла, што 12 лютага пасля чарговай ваеннай правакацыі УС Арменіі атрымаў раненні ваеннаслужачы Дзяржпагранслужбы Азербайджана".
"Гэтая правакацыя армянскага боку з’яўляецца сур’ёзным ударам па мірным працэсе паміж Азербайджанам і Арменіяй", - гаворыцца ў заяве.
У Баку адзначылі, што на працягу апошніх 4-5 месяцаў адзначалася стабільнасць у адносінах паміж краінамі, таму такія правакацыйныя дзеянні супярэчаць мірным пасланням Арменіі.
Па даных азербайджанскага боку, абстрэл адбыўся на тэрыторыях, якія знаходзяцца пад назіраннем місіі Еўрапейскага саюза ў Арменіі. Гэты факт, паводле слоў Баку, выклікае апасенні наконт мэт і задач місіі.
У сваю чаргу міністэрства абароны Арменіі раніцай у аўторак паведаміла, што 13 лютага, пачынаючы з 5:30, азербайджанскія вайскоўцы "адкрылі агонь са стралковай зброі па армянскіх пазіцыях, размешчаных у раёне Неркін Ханд".
У Мінабароны пазней удакладнілі, што з-за абстрэлу загінулі двое вайскоўцаў, таксама ёсць параненыя.
Раней 1 лютага азербайджанскі прэзідэнт Ільхам Аліеў паведамляў, што паміж Баку і Ерэванам фактычна ўстанавіўся мір, і на межах краін некалькі месяцаў захоўваецца спакойнае становішча.
Паводле яго слоў, для лагічнага завяршэння гэтага працэсу краінам трэба падпісаць мірны дагавор, каб пакласці канец тэрытарыяльным прэтэнзіям Арменіі да Азербайджана.
Тэрытарыяльныя спрэчкі Арменіі і Азербайджана маюць даўнія карані. Так, адзін з узброеных канфліктаў у Нагорным Карабаху меў месца яшчэ ў 1918-1920 гадах. Пры савецкай уладзе праблему вырашалі, у тым ліку шляхам стварэння ў Азербайджанскай ССР карабахскай аўтаноміі.
Пасля распаду СССР узброеныя сутыкненні аднавіліся. Чарговае абвастрэнне сітуацыі ў Нагорным Карабаху было ў верасні 2023 года, калі Мінабароны Азербайджана заявіла, што правядзе контртэрарыстычную аперацыю лакальнага характару.
Пры пасрэдніцтве міратворцаў Расіі была дасягнута дамоўленасць аб спыненні агню. Баявыя фарміраванні непрызнанай Нагорна-Карабахскай рэспублікі склалі зброю. Бакі дамовіліся, што для жыхароў Карабаха, у тым ліку байцоў, якія раззброіліся, дадуць свабодны праезд па Лачынскім калідоры.
У пачатку лістапада 2023 года ў былой сталіцы Карабаха Аліеў прыняў парад азербайджанскіх войск.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
