https://bel.sputnik.by/20240213/svedka-pa-sprave-katruka-u-khatyn-zagnula-sya-syamya-maygo-batsk-1083614639.html
Сведка па справе Катрука: у Хатыні загінула ўся сям’я майго бацькі
Сведка па справе Катрука: у Хатыні загінула ўся сям’я майго бацькі
Sputnik Беларусь
У судзе мінчанка расказала трагічную гісторыю свайго бацькі, які цудам уцалеў падчас карнай аперацыі ў Хатыні. 13.02.2024, Sputnik Беларусь
2024-02-13T17:45+0300
2024-02-13T17:45+0300
2024-05-06T16:32+0300
генацыд
хатынь
крымінальная справа
суд
вярхоўны суд рб
навіны
сведкі
бяспека
грамадства
вялікая айчынная вайна
https://cdnn11.img.sputnik.by/img/103435/62/1034356278_0:508:4928:3280_1920x0_80_0_0_965ad73155cbb2cca67944268d8141d8.jpg
МІНСК, 13 лют – Sputnik. Вярхоўны суд Беларусі працягвае слухаць паказанні сведкаў па крымінальнай справе ў дачыненні да ката Хатыні Уладзіміра Катрука, перадае Sputnik.Усяго па дадзенай справе праходзяць амаль 50 сведак, частка з іх ужо дала паказанні ў Вярхоўным судзе. У аўторак 13 лютага ў суд прыйшла мінчанка Іна Крыванос, якая са слоў свайго бацькі распавяла пра трагічныя падзеі 22 сакавіка 1943 года.Свае паказанні ў судзе яна пачала даваць са слоў: "Хатынь – гэта мая малая радзіма". Па словах Крыванос, у 1943 годзе яе бацьку было сем гадоў.Жанчына таксама паведаміла, што, калі пачалося расследаванне крымінальнай справы аб генацыдзе беларускага народа, яна перадала пісьмовыя ўспаміны свайго бацькі пракурорам.У судзе яна падрабязна выказала свае паказанні – распавяла пра падзеі 22 сакавіка, калі ў вёску прыйшлі карнікі. Сведка адзначыла, што неаднаразова чула ўспаміны свайго бацькі аб тым, як ён сямігадовым хлопчыкам разам з бацькам пайшоў на поле за сенам."Пакуль дзядуля рэзаў сечку, мой бацька катаўся на арэльках. Недалёка, у стозе сена, быў партызан, які назіраў за тым, што адбываецца вакол, каб не было чужых, карнікаў. Калі закрычалі: "Немцы!", дзядуля ўзяў майго бацьку за руку і павёў дадому. Яны паспрабавалі схавацца разам з сям’ёй у склепе", - распавяла Крыванос.Паводле яе слоў, акрамя дзядулі з бацькам, была яшчэ маці і два браты, а таксама малодшая сястра маці.Крыванос паведаміла: калі людзі паспрабавалі ўцячы з палаючага хлява, у іх стралялі, хтосьці згарэў зажыва.Потым, па словах Крыванос, яго забралі на суседні хутар. "Ад перажытага стрэсу ён не памятаў ні бацькі, ні маці. Ён не ведаў, колькі яму гадоў. Дзень нараджэння яму далі ў дзіцячым доме – 7 лістапада", - паведаміла яна.У судзе на гэтым тыдні працягваюць заслухоўваць паказанні сведак, а таксама абвяшчаць паказанні карнікаў са 118-га батальёна, якія яны давалі ў сярэдзіне 1970-х.Справа аб генацыдзеДва з паловай гады таму Генеральная пракуратура Беларусі пачала расследаванне крымінальнай справы аб генацыдзе беларускага народа ў гады Вялікай Айчыннай вайны. Цяпер у справе ўжо больш за 500 тамоў.Амаль усе пасляваенныя справы нацысцкіх злачынцаў рассакрэчаны ў Беларусі. У асобную крымінальную вытворчасць выдзелена справа нацысцкага злачынца Уладзіміра Катрука, які памёр у Канадзе ў 2015 годзе. У адносінах да яго пачалі крымінальную справу па артыкуле генацыд.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20240213/svedka-pa-sprave-kata-khatyn-babulyu-rasstralyal-na-ganku-1083600735.html
хатынь
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2024
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
генацыд, хатынь, крымінальная справа, суд, вярхоўны суд рб, навіны , сведкі, бяспека, грамадства, вялікая айчынная вайна, гісторыя, у беларусі, беларусь
генацыд, хатынь, крымінальная справа, суд, вярхоўны суд рб, навіны , сведкі, бяспека, грамадства, вялікая айчынная вайна, гісторыя, у беларусі, беларусь
Сведка па справе Катрука: у Хатыні загінула ўся сям’я майго бацькі
17:45 13.02.2024 (абноўлена: 16:32 06.05.2024) У судзе мінчанка расказала трагічную гісторыю свайго бацькі, які цудам уцалеў падчас карнай аперацыі ў Хатыні.
МІНСК, 13 лют – Sputnik. Вярхоўны суд Беларусі працягвае слухаць паказанні сведкаў па крымінальнай справе ў дачыненні да ката Хатыні Уладзіміра Катрука, перадае Sputnik.
Усяго па дадзенай справе праходзяць амаль 50 сведак, частка з іх ужо дала паказанні ў Вярхоўным судзе. У аўторак 13 лютага ў суд прыйшла мінчанка Іна Крыванос, якая са слоў свайго бацькі распавяла пра трагічныя падзеі 22 сакавіка 1943 года.
"У вёсцы Хатынь загінула ўся сям’я майго бацькі – маці, бацька, два браты і сястра", - адзначыла яна.
Свае паказанні ў судзе яна пачала даваць са слоў: "Хатынь – гэта мая малая радзіма". Па словах Крыванос, у 1943 годзе яе бацьку было сем гадоў.
Жанчына таксама паведаміла, што, калі пачалося расследаванне крымінальнай справы аб генацыдзе беларускага народа, яна перадала пісьмовыя ўспаміны свайго бацькі пракурорам.
У судзе яна падрабязна выказала свае паказанні – распавяла пра падзеі 22 сакавіка, калі ў вёску прыйшлі карнікі. Сведка адзначыла, што неаднаразова чула ўспаміны свайго бацькі аб тым, як ён сямігадовым хлопчыкам разам з бацькам пайшоў на поле за сенам.
"Пакуль дзядуля рэзаў сечку, мой бацька катаўся на арэльках. Недалёка, у стозе сена, быў партызан, які назіраў за тым, што адбываецца вакол, каб не было чужых, карнікаў. Калі закрычалі: "Немцы!", дзядуля ўзяў майго бацьку за руку і павёў дадому. Яны паспрабавалі схавацца разам з сям’ёй у склепе", - распавяла Крыванос.
Паводле яе слоў, акрамя дзядулі з бацькам, была яшчэ маці і два браты, а таксама малодшая сястра маці.
"Яны паспрабавалі схавацца ў склепе, зачынілі дзверы ў хату, але прыйшлі карнікі. Выламалі дзверы, дасталі са склепа і з усімі жыхарамі вёскі пагналі іх у хлеў. Мама майго бацькі трымала яго руку, яны стаялі бліжэй за ўсё да дзвярэй. Бацька бачыў, як загналі ўсіх жыхароў у хлеў, абклалі саломай, аблілі бензінам і падпалілі, а вакол стаялі кулямётчыкі", - расказвае сведка ўспаміны свайго бацькі.
Крыванос паведаміла: калі людзі паспрабавалі ўцячы з палаючага хлява, у іх стралялі, хтосьці згарэў зажыва.
"Маці майго бацькі схапіла яго за руку і паспрабавала бегчы, але пачалі страляць. Яе прашыла аўтаматная чарга, яна ўпала прама на яго, накрыўшы сабой. Маці бацькі загінула, а бацьку параніла ў плячо. Так ён ляжаў пад маці да таго часу, пакуль карнікі не сышлі з вёскі", - распавяла сведка.
Потым, па словах Крыванос, яго забралі на суседні хутар. "Ад перажытага стрэсу ён не памятаў ні бацькі, ні маці. Ён не ведаў, колькі яму гадоў. Дзень нараджэння яму далі ў дзіцячым доме – 7 лістапада", - паведаміла яна.
У судзе на гэтым тыдні працягваюць заслухоўваць паказанні сведак, а таксама абвяшчаць паказанні карнікаў са 118-га батальёна, якія яны давалі ў сярэдзіне 1970-х.
Два з паловай гады таму Генеральная пракуратура Беларусі пачала расследаванне крымінальнай справы аб генацыдзе беларускага народа ў гады Вялікай Айчыннай вайны. Цяпер у справе ўжо больш за 500 тамоў.
Амаль усе пасляваенныя справы нацысцкіх злачынцаў рассакрэчаны ў Беларусі. У асобную крымінальную вытворчасць выдзелена справа нацысцкага злачынца Уладзіміра Катрука, які памёр у Канадзе ў 2015 годзе. У адносінах да яго пачалі крымінальную справу па артыкуле генацыд.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
