https://bel.sputnik.by/20240223/alyaksey-talay-trap-pad-sanktsy-es-za-dapamogu-dzetsyam-danbasa-1083901530.html

Аляксей Талай трапіў пад санкцыі ЕС за дапамогу дзецям Данбаса

Аляксей Талай трапіў пад санкцыі ЕС за дапамогу дзецям Данбаса

Sputnik Беларусь

Еўрасаюз увёў санкцыі ў адносінах да людзей, якія арганізавалі адпачынак дзяцей Данбаса ў Беларусі, за гвалтоўную дэпартацыю юных жыхароў ДНР і ЛНР, якая... 23.02.2024, Sputnik Беларусь

2024-02-23T18:37+0300

2024-02-23T18:37+0300

2024-02-23T18:37+0300

ваенная спецаперацыя рф у данбасе

спецаперацыя

аляксей талай

санкцыі

санкцыйны спісак

еўрасаюз

навіны

палітыка

грамадства

дзеці

https://cdnn11.img.sputnik.by/img/07e6/09/1e/1067409867_0:0:1201:676_1920x0_80_0_0_9e31987887d25d917edc3b4c4c9c2e4d.jpg

МІНСК, 23 лют – Sputnik. Беларускі паралімпіец і заснавальнік вядомага дабрачыннага фонду Аляксей Талай патрапіў пад санкцыі ЕС, вынікае з афіцыйна апублікаванага рашэння Савета Еўрасаюза.Савет Еўрасаюза лічыць, што Фонд Аляксея Талая, які таксама патрапіў пад санкцыі, займаецца "ідэалагічнай апрацоўкай украінскіх дзяцей"."Дзяцей прымушаюць наведваць адукацыйныя праграмы, якія актыўна падтрымліваюць расійскую дзяржаўную прапаганду…", - заявілі аўтары дакумента.Пры гэтым у санкцыйным рашэнні не сказана, што большасць дзяцей, якія наведалі Беларусь для адпачынку і аздараўлення, з’яўляюцца грамадзянамі Расіі.Санкцыі за дапамогуАкрамя Аляксея Талая за нібы гвалтоўную дэпартацыю дзяцей трапіла і Вольга Волкава з Макееўкі (ДНР), якая кіруе грамадскай арганізацыяй "Дельфины". Гэтая арганізацыя супрацоўнічае з Фондам Талая па праграме адпачынку і аздараўлення дзяцей Данбаса ў Беларусі.У дакуменце ЕС ёй ставяць у віну тое ж, што і Аляксею Талаю. Яе арганізацыя Дельфины" зараз таксама пад санкцыямі."Яе (Алены Волкавай - Sputnik) дзеянні парушаюць правы ўкраінскіх дзяцей, украінскі закон і адміністрацыйны парадак", - сказана ў дакуменце.Акрамя таго, у санкцыйны спісак уключаны мэр Наваполацка Дзмітрый Дзямідаў. Раней ён дапамог арганізаваць адпачынак дзяцей з Данбаса. У тым ліку дзеці з Горлаўкі і Лісічанска пры яго ўдзеле адсвяткавалі новы 2023 год у беларускіх сем’ях.Еўрапейскі саюз не прывёў ніякіх доказаў, што ўсе пералічаныя людзі маюць дачыненне да гвалтоўнай дэпартацыі. Не даказаны і самі факты дэпартацыі. Летам 2023 года Sputnik Беларусь апублікаваў рэпартаж аб паездцы Аляксея Талая і валанцёраў фонду яго імя ў ЛНР і ДНР.Тады валанцёры і генеральны сакратар Беларускага Таварыства Чырвонага Крыжа Дзмітрый Шаўцоў наведалі сем’і дзяцей, якія адпачылі ў Беларусі. Усе бацькі і апекуны пацвердзілі, што дзеці ездзілі ў Беларусь па добрай волі. Неабходныя дакументы для паездак афармляліся ў натарыусаў.АбаронкаАкрамя тых, хто дапамагаў арганізаваць адпачынак дзяцей у Беларусі, пад санкцыі ЕС трапілі і прадстаўнікі ваенна-прамысловага комплексу. Сярод іх два жыхары Расіі, якія нарадзіліся ў Беларусі.Гэта Васіль Шупранаў і Сяргей Астафураў. Яны кіруюць, адпаведна, Ніжагародскім машынабудаўнічым заводам (вытворца ўзбраенняў і боепрыпасаў) і АТ "НТЦ Прамтэхаэра" (выпускае аэранавігацыйныя сістэмы).Таксама ў спіску зараз кіраўнік Аршанскага авіярамонтнага завода Павел Случак і дырэктар ААТР "2566 завод па рамонце радыёэлектроннага ўзбраення" Валерый Шаціла. Акрамя таго, у санкцыйныя спіскі ЕС унесена беларускае абароннае прадпрыемства "Пеленг".>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

https://bel.sputnik.by/20231004/pradstank-kran-es-ne-pryekhal-na-sustrechu-z-dzetsm-danbasa--navapolatsku-1079971300.html

еўрасаюз

данбас

2024

Навіны

ru_BY

спецаперацыя, аляксей талай, санкцыі, санкцыйны спісак, еўрасаюз, навіны , палітыка, грамадства, дзеці, у свеце, данбас, днр, лнр