https://bel.sputnik.by/20240229/putsn-vyznachy-asnonyya-napramk-razvtstsya-ras-1084105837.html

Пуцін вызначыў асноўныя напрамкі развіцця Расіі

Пуцін вызначыў асноўныя напрамкі развіцця Расіі

Sputnik Беларусь

У сваім штогадовым пасланні Федэральнаму сходу прэзідэнт РФ закрануў найважнейшыя пытанні бяспекі, суверэнітэту і ўмацавання краіны. 29.02.2024, Sputnik Беларусь

2024-02-29T17:57+0300

2024-02-29T17:57+0300

2024-02-29T18:01+0300

уладзімір пуцін

пасланне прэзідэнта расіі федэральнаму сходу

расія

палітыка

эканоміка

грамадства

бяспека

у свеце

спецаперацыя

навіны

https://cdnn11.img.sputnik.by/img/07e8/02/1d/1084087146_0:0:3170:1784_1920x0_80_0_0_7eab48d614149b76407a09df98a3f4a0.jpg

Сёння прэзідэнт Расіі Уладзімір Пуцін выступіў з пасланнем Федэральнаму сходу. Размова доўжылася 2 гадзіны 6 хвілін, а пасланне стала 19-м па ліку, агучаным Пуціным у якасці кіраўніка дзяржавы.У сваім выступленні расійскі лідар закрануў шырокі спектр пытанняў далейшага развіцця Расіі. Яны датычыліся арміі, вытворчасці новай зброі, спецаперацыі ва Украіне, эканомікі, сацпалітыкі і нацыянальных праектаў. Сваё адлюстраванне ў пасланні таксама знайшлі інтэграцыйныя працэсы, удзел Расіі ў ШАС, ЕАЭС і БРІКС.У розных гарадах РФ пасланне Пуціна паказвалі ў кінатэатрах, у бізнес-цэнтрах, трансліравалі на экранах на фасадах будынкаў.Sputnik Беларусь сабраў асноўныя тэзісы з паслання прэзідэнта РФ Федэральнаму сходу.Ядзерная зброя"У стане поўнай гатоўнасці да гарантаванага выкарыстання знаходзяцца стратэгічныя ядзерныя сілы", - сказаў Пуцін падчас паслання.Гэта стала адной з галоўных заяў расійскага прэзідэнта падчас цяперашняга паслання. Таксама Пуцін назваў умовы, пры якіх Масква гатова весці перагаворы з Вашынгтонам па глабальных пытаннях бяспекі."…Неабходна рабіць гэта толькі ў адзіным комплексе. Натуральна, у тым ліку ўсе тыя аспекты, якія закранаюць нашы нацыянальныя інтарэсы і прама ўплываюць на бяспеку нашай краіны, бяспеку Расіі", - растлумачыў ён.На думку Пуціна, Захаду трэба зразумець, што ў Расіі ёсць зброя, якая можа паражаць цэлі на тэрыторыі заходніх краін. А заявы амерыканскіх улад аб зацікаўленасці ў перагаворах па пытаннях стратстабільнасці расійскі лідар назваў дэмагогіяй у чаканні прэзідэнцкіх выбараў у ЗША.Ён адзначыў, што заходнія краіны жадаюць уцягнуць Маскву ў гонку ўзбраенняў. Мэта такой палітыкі – выматаць РФ і паўтарыць сітуацыю канца 1980-х, калі аналагічная стратэгія паспяхова спрацавала супраць СССР.Інфармацыю аб планах Расіі па размяшчэнні ядзернай зброі ў космасе Пуцін назваў укідам і хітрасцю, праз якую ЗША хочуць уцягнуць РФ у перагаворы на ўмовах, выгадных толькі Вашынгтону."Сармат", "Цирконы" и "Кинжалы"Распавёў прэзідэнт РФ і аб новых узорах узбраенняў, якія паступілі ці хутка паступяць у расійскую армію. Ён паведаміў, што ўжо мела месца баявое выкарыстанне гіпергукавога ракетнага комплексу марскога базіравання "Циркон". Нагадаў таксама аб тым, што ў баявых дзеяннях ужо выкарыстоўваліся ракеты "Кинжал".Падыходзяць да канца выпрабаванні крылатай ракеты "Буревестник" і сістэмы "Посейдон". Па словах Пуціна, працягваецца праца над шэрагам іншых "перспектыўных сістэм узбраення".Акрамя таго, на баявое дзяжурства пастаўлены гіпергукавыя блокі міжкантынентальнай далёкасці "Авангард" і лазерныя комплексы "Пересвет". Ваенныя атрымалі і першыя серыйныя ўзоры іншай сур’ёзнай зброі – балістычных ракет "Сармат". Пуцін паабяцаў, што хутка будзе дэманстрацыя гэтага стратэгічнага ўзбраення ў раёнах базіравання на баявым дзяжурстве.СВАПрэзідэнт РФ звярнуў увагу, што абсалютная большасць расіян падтрымала правядзенне спецаперацыі."Нягледзячы на ​​ўсе выпрабаванні, горыч страт, людзі непахісныя ў гэтым выбары. Пастаянна пацвярджаюць гэта імкненнем зрабіць як мага больш для краіны і для агульнай карысці", - сказаў Пуцін.Ён дадаў, што людзі адпраўляюць на фронт пісьмы і пасылкі, цёплыя рэчы, маскіровачныя сеткі, пералічваюць грошы."Такая дапамога неацэнная, гэта ўклад кожнага ў агульную перамогу. Нашы героі на перадавой, у акопах, там, дзе найцяжэй, ведаюць, што з імі ўся краіна", - адзначыў расійскі лідар.Ён таксама звярнуў увагу на тое, што дзякуючы СВА, армія РФ атрымлівае каласальны вопыт. З’явілася цэлая плеяда таленавітых камандзіраў, якія берагуць байцоў, пісьменна выконваюць свае задачы, выкарыстоўваючы новую тэхніку.Пуцін запэўніў, што Расія зробіць усё, каб скончыць вайну ў Данбасе, а таксама "выкараніць нацызм, вырашыць усе задачы СВА".Падчас свайго паслання ён аб’явіў хвіліну маўчання ў памяць аб загінулых удзельніках СВА.Бяспека ЕўразііНадышоў час ствараць новы контур еўразійскай бяспекі. Гэта яшчэ адзін тэзіс Пуціна. Паводле яго слоў, РФ гатова весці дыялог з усімі зацікаўленымі краінамі і міжнароднымі аб’яднаннямі.Ён падкрэсліў, што без моцнай Расіі ніякі трывалы светапарадак немагчымы.Пры гэтым кіраўнік расійскай дзяржавы абверг інфармацыю аб нібыта планах арміі РФ напасці на еўрапейскія краіны. Распаўсюджванне такіх чутак – гэта правакацыі калектыўнага Захаду."Цяпер вось без усялякай збянтэжанасці заяўляюць, што Расія нібыта мае намер напасці на Еўропу. Ну проста мы ж з вамі разумеем: гэта нясуць трызненне проста нейкае", - сказаў прэзідэнт РФ.ЭканомікаУ сваім пасланні Федэральнаму сходу Пуцін таксама закрануў тэму БРІКС і заявіў, што доля аб’яднання ў глабальным ВУП па парытэце пакупніцкай здольнасці да 2028 года павялічыцца да 36,6%. Роля G7 (Вялікай сямёркі) у сусветнай эканоміцы, наадварот, стане значна меней. Аналагічны паказчык гэтых краін да 2028 года складзе 27,8%.Для параўнання: доля БРІКС у 1992 годзе была 19,3%, а ў G7 – 45,7%. Ужо па выніках 2022 года з’явілася перавага на карысць БРІКС (34,4%), а значэнне G7 зменшылася (30,3%)."Нікуды ад гэтага не падзецца. Гэта аб’ектыўная рэальнасць. Так і будзе", - заявіў прэзідэнт.Лагістыка і транспартРасія, паводле слоў Пуціна, будзе і надалей ствараць бяспечныя лагістычныя калідоры разам з партнёрамі па ШАС, БРІКС і ЕАЭС.Ён таксама чарговы раз узняў тэму высакахуткасных чыгуначных магістралей. Першая будзе пабудавана паміж Масквой і Санкт-Пецярбургам. Яна пройдзе праз Цвер і Вялікі Ноўгарад.Затым будуць пракладзены такія ж магістралі ў Казань, на Урал, у Растоў-на-Доне, на Чарнаморскае ўзбярэжжа і ў Мінск.Адзін з прыярытэтаў – гэта і развіццё Паўночнага марскога шляху. Пуцін прапанаваў замежным кампаніям і іншым краінам актыўна выкарыстоўваць магчымасці гэтага глабальнага транспартнага калідора.Сацыялка і нацпраектыУ Расіі запусцяць новы нацпраект "Семья". Для гэтага ўлады выдзеляць не менш як 75 млрд расійскіх руб (каля 2,64 млрд у перакладзе на беларускія). Гэты аб’ём фінансавання да 2030 года атрымаюць рэгіёны, дзе каэфіцыент нараджальнасці меншы за сярэднерасійскі."Вялікая шматдзетная сям’я павінна стаць нормай, філасофіяй жыцця грамадства, арыенцірам усёй дзяржаўнай стратэгіі", - заявіў Пуцін.Ён падкрэсліў, што Расія была і застаецца апорай традыцыйных каштоўнасцей, на якіх будуецца чалавечая цывілізацыя."Наш выбар падзяляе большасць людзей у свеце, у тым ліку мільёны грамадзян заходніх краін", - сказаў прэзідэнт РФ.Плануецца і запуск нацпраектаў па тэхналагічным развіцці. Пуцін даручыў зрабіць так, каб Расія атрымала ўсе тэхналагічныя ключы па такіх кірунках, як захаванне здароўя грамадзян і харчовая бяспека.Анансаваны і нацпраект "Экономика данных". На яго будзе выдзелена не менш як 700 млрд расійскіх рублёў (24,6 млрд у пераводзе на беларускія) у бліжэйшыя шэсць гадоў. Да 2030 года павінны з’явіцца лічбавыя платформы ва ўсіх ключавых галінах эканомікі.Таксама ў краіне вырашана пабудаваць некалькі дзесяткаў універсітэцкіх кампусаў. Яшчэ адзін праект – "Кадры", які дазволіць моладзі атрымаць кампетэнцыі, каб эфектыўна працаваць у эканоміцы.Акрамя таго, вырашана, што ўдзельнікі СВА будуць у прыярытэтным парадку атрымліваць вышэйшую адукацыю. З 1 сакавіка яны змогуць падаць заяўку на вучобу па спецыяльнай кадравай праграме "Время героев".Для іх абяцана і льготная іпатэка пад 2%. Прэзідэнт прапанаваў прадоўжыць і праграму сямейнай іпатэкі да 2030 года з захаваннем яе асноўных параметраў.Акрамя таго, Пуцін даручыў пашырыць праграму сацыяльнай газіфікацыі для садовых таварыстваў.Гісторыя пасланняўПершае пасланне Пуціна Федэральнаму сходу было ў сярэдзіне 2000 года. З таго часу ён звяртаецца з такой прамовай амаль кожны год падчас сваіх прэзідэнцкіх кадэнцый. Аднак пасланняў не было ў 2017 і 2022 гадах, а з 2008-га па 2011-ы з пасланнямі звяртаўся Дзмітрый Мядзведзеў, які займаў тады пасаду прэзідэнта.Практыка пасланняў Федэральнаму сходу пачалася яшчэ ў перыяд кіравання Барыса Ельцына. Яе ўстанавілі, прыняўшы новую Канстытуцыю РФ. У Расіі пасля палітычнага крызісу 1992-1993 гадоў перастаў існаваць Вярхоўны савет. Быў створаны двухпалатны парламент, які падобны да беларускага.Ён называецца Федэральным Сходам (у Беларусі – Нацыянальны Сход) і складаецца з Дзярждумы (аналаг Палаты прадстаўнікоў) і Савета Федэрацыі (аналаг Савета Рэспублікі). Менавіта да гэтых дзвюх палат у 1994 годзе ўпершыню звярнуўся Барыс Ельцын. Усяго ў яго было шэсць выступленняў. Апошняе – у 1999 годзе.Але больш за ўсіх у расійскай гісторыі са штогадовымі пасланнямі выступаў Уладзімір Пуцін. Цяперашняе – ужо 19-е па ліку. Традыцыйна такія пасланні прыцягваюць увагу не толькі ў РФ, але і за мяжой.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

расія

2024

Навіны

ru_BY

уладзімір пуцін, пасланне прэзідэнта расіі федэральнаму сходу, расія, палітыка, эканоміка, грамадства, бяспека, у свеце, спецаперацыя, навіны