https://bel.sputnik.by/20240412/belarusy--kosmase--nfagrafka-1085417862.html
Беларусы ў космасе – інфаграфіка
Беларусы ў космасе – інфаграфіка
Sputnik Беларусь
За ўсю гісторыю асваення космасу ў ім пабывалі чацвёра беларусаў – Пётр Клімук, Уладзімір Кавалёнак, Алег Навіцкі, Марына Васілеўская, а таксама Валянціна... 12.04.2024, Sputnik Беларусь
2024-04-12T10:25+0300
2024-04-12T10:25+0300
2024-04-12T10:25+0300
інфаграфіка
інфаграфіка
космас
даследаванне космаса
грамадства
беларусы
беларусь
пётр клімук
уладзімір кавалёнак
валянціна церашкова
https://cdnn11.img.sputnik.by/img/07e8/04/0b/1085393489_0:0:3640:2048_1920x0_80_0_0_5dc84b284b6df9fae76783974f6c64a1.png
Многія не ведаюць, але Валянціну Церашкову можна лічыць беларускай: яе бацька нарадзіўся ў Магілёўскай вобласці, а маці родам з Віцебскай. Сама ж будучая жанчына-касманаўт нарадзілася ў Яраслаўскай вобласці.Да залічэння ў атрад касманаўтаў Церашкова працавала на заводзе – спачатку закройшчыцай на Яраслаўскім шынным, потым роўнічніцай на камбінаце тэхнічных тканін. У 1959 годзе дзяўчына занялася парашутным спортам і да моманту залічэння ў касманаўты ў сакавіку 1962-га ўжо выканала 163 скачкі.Церашкова стала першай жанчынай-касманаўтам у свеце, здзейсніўшы свой адзіны палёт на караблі "Восток-6" у чэрвені 1963 года. Яе місія заняла амаль трое сутак – касмічны апарат выканаў 48 віткоў вакол Зямлі.Пётр Клімук афіцыйна лічыцца першым беларускім касманаўтам. У атрад ЦПК ён быў залічаны ўжо пасля палёту Гагарына, Цітова, Церашковай – у 1965 годзе. Але на тое, каб здзейсніць свой першы касмічны палёт, Клімуку спатрэбілася яшчэ восем гадоў.Першая яго экспедыцыя адбылася ў снежні 1973 года і заняла крыху менш за 8 сутак. Другая "камандзіроўка" – да арбітальнай станцыі "Салют-4" у 1975 годзе – працягвалася два месяцы. А трэці палёт у 1978-м быў такой жа працягласці, як і першы – амаль восем дзён. Усе тры місіі Клімук здзейсніў у якасці камандзіра карабля.Уладзімір Кавалёнак, якога называлі "беларускім касманаўтам №2", таксама здзейсніў тры палёты – у 1977, 1978 і 1981 гадах. Падчас сваёй другой экспедыцыі Кавалёнак прымаў на борце арбітальнай станцыі "Салют-6" свайго калегу Клімука, які тады здзяйсняў трэці палёт. Абодва касманаўта ўдастоены вышэйшага дзяржаўнага звання – Герой Савецкага Саюза (двойчы).У сучаснай гісторыі Беларусі космас пакарыўся ўраджэнцу нашай краіны Алегу Навіцкаму. Ён здзейсніў чатыры палёты на Міжнародную касмічную станцыю, а падчас трэцяй місіі ў якасці акцёра прыняў удзел у здымках расійскага фільма "Вызов" – першай у гісторыі стужкі, знятай у космасе. Сярод беларусаў Навіцкі больш за ўсіх прабыў на арбіце – 545 сутак. Удастоены звання Героя Расіі."Навічок" сярод касманаўтаў з Беларусі – Марына Васілеўская. Яна стала ўдзельніцай палёту на МКС у выніку конкурснага адбору, які праходзіў у рэспубліцы ў 2022 годзе. Запуск карабля "Союз МС-25" з экіпажам з трох чалавек (Алег Навіцкі, Марына Васілеўская, Трэйсі Дайсан), адбыўся на касмадроме Байканур 23 сакавіка 2024 года. Васілеўская правяла на борце Міжнароднай касмічнай станцыі 12 сутак, дзе здзейсніла шэраг навуковых даследаванняў, і вярнулася на Зямлю 6 красавіка.Напярэдадні Дня касманаўтыкі прэзідэнт краіны Аляксандр Лукашэнка ўдастоіў Васілеўскую звання Герой Беларусі.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2024
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
інфаграфіка, космас, даследаванне космаса, грамадства, беларусы, беларусь, пётр клімук, уладзімір кавалёнак, валянціна церашкова, алег навіцкі, марына васілеўская, инфографика
інфаграфіка, космас, даследаванне космаса, грамадства, беларусы, беларусь, пётр клімук, уладзімір кавалёнак, валянціна церашкова, алег навіцкі, марына васілеўская, инфографика
Беларусы ў космасе – інфаграфіка
За ўсю гісторыю асваення космасу ў ім пабывалі чацвёра беларусаў – Пётр Клімук, Уладзімір Кавалёнак, Алег Навіцкі, Марына Васілеўская, а таксама Валянціна Церашкова, якая мае беларускія карані. Больш падрабязна – у інфаграфіцы Sputnik.
Многія не ведаюць, але Валянціну Церашкову можна лічыць беларускай: яе бацька нарадзіўся ў Магілёўскай вобласці, а маці родам з Віцебскай. Сама ж будучая жанчына-касманаўт нарадзілася ў Яраслаўскай вобласці.
Да залічэння ў атрад касманаўтаў Церашкова працавала на заводзе – спачатку закройшчыцай на Яраслаўскім шынным, потым роўнічніцай на камбінаце тэхнічных тканін. У 1959 годзе дзяўчына занялася парашутным спортам і да моманту залічэння ў касманаўты ў сакавіку 1962-га ўжо выканала 163 скачкі.
Церашкова стала першай жанчынай-касманаўтам у свеце, здзейсніўшы свой адзіны палёт на караблі "Восток-6" у чэрвені 1963 года. Яе місія заняла амаль трое сутак – касмічны апарат выканаў 48 віткоў вакол Зямлі.
Пётр Клімук афіцыйна лічыцца першым беларускім касманаўтам. У атрад ЦПК ён быў залічаны ўжо пасля палёту Гагарына, Цітова, Церашковай – у 1965 годзе. Але на тое, каб здзейсніць свой першы касмічны палёт, Клімуку спатрэбілася яшчэ восем гадоў.
Першая яго экспедыцыя адбылася ў снежні 1973 года і заняла крыху менш за 8 сутак. Другая "камандзіроўка" – да арбітальнай станцыі "Салют-4" у 1975 годзе – працягвалася два месяцы. А трэці палёт у 1978-м быў такой жа працягласці, як і першы – амаль восем дзён. Усе тры місіі Клімук здзейсніў у якасці камандзіра карабля.
Уладзімір Кавалёнак, якога называлі "беларускім касманаўтам №2", таксама здзейсніў тры палёты – у 1977, 1978 і 1981 гадах. Падчас сваёй другой экспедыцыі Кавалёнак прымаў на борце арбітальнай станцыі "Салют-6" свайго калегу Клімука, які тады здзяйсняў трэці палёт. Абодва касманаўта ўдастоены вышэйшага дзяржаўнага звання – Герой Савецкага Саюза (двойчы).
У сучаснай гісторыі Беларусі космас пакарыўся ўраджэнцу нашай краіны Алегу Навіцкаму. Ён здзейсніў чатыры палёты на Міжнародную касмічную станцыю, а падчас трэцяй місіі ў якасці акцёра прыняў удзел у здымках расійскага фільма "Вызов" – першай у гісторыі стужкі, знятай у космасе. Сярод беларусаў Навіцкі больш за ўсіх прабыў на арбіце – 545 сутак. Удастоены звання Героя Расіі.
"Навічок" сярод касманаўтаў з Беларусі – Марына Васілеўская. Яна стала ўдзельніцай палёту на МКС у выніку конкурснага адбору, які праходзіў у рэспубліцы ў 2022 годзе. Запуск карабля "Союз МС-25" з экіпажам з трох чалавек (Алег Навіцкі, Марына Васілеўская, Трэйсі Дайсан), адбыўся на касмадроме Байканур 23 сакавіка 2024 года. Васілеўская правяла на борце Міжнароднай касмічнай станцыі 12 сутак, дзе здзейсніла шэраг навуковых даследаванняў, і вярнулася на Зямлю 6 красавіка.
Напярэдадні Дня касманаўтыкі прэзідэнт краіны Аляксандр Лукашэнка ўдастоіў Васілеўскую звання Герой Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
