МЗСы Беларусі і Расіі расказалі аб сітуацыі з правамі чалавека ў 43 краінах
© AP / Pamela SmithЛюдзі на вуліцы Нью-Йорка
![Людзі на вуліцы Нью-Йорка Людзі на вуліцы Нью-Йорка - Sputnik Беларусь, 1920, 20.06.2024](https://cdnn11.img.sputnik.by/img/07e8/06/14/1087315385_0:0:3071:1728_1920x0_80_0_0_c2134bffdb87c280f4643f9c66dd7643.jpg)
© AP / Pamela Smith
Падпісацца
Знешнепалітычныя ведамствы дзвюх краін прадставілі вялікае даследаванне, якое дэталёва раскрывае інфармацыю аб фактах парушэння праў чалавека ў краінах Еўропы, а таксама ЗША, Канадзе, Японіі, Аўстраліі і Новай Зеландыі.
Заходнія краіны аб’явілі "крыжовы паход" супраць рускага свету, гаворыцца ў сумесным дакладзе аб правах чалавека міністэрстваў замежных спраў Беларусі і Расіі, які быў апублікаваны 20 мая.
Падвойныя стандарты
Аўтары даследавання адзначаюць, што калектыўны Захад усё больш актыўна прымяняе палітыку падвойных стандартаў для нагнятання канфрантацыі і аказання націску на суверэнныя дзяржавы. Тэма праў чалавека выкарыстоўваецца ім у якасці інструмента для ўмяшання ва ўнутраныя справы непажаданых ім краін. Прыклады таму – нібыта масавыя парушэнні праў чалавека ў Беларусі і Расіі.
"Нашы краіны нязменна зыходзяць з таго, што адной з самых сур’ёзных праблем застаецца практыка прымянення так званых падвойных стандартаў пры ацэнцы тых ці іншых праваабарончых сітуацый і з’яў", - паведамляецца ў прадмове даклада.
Прапаганда расізму
На міжнародных праваабарончых форумах прадстаўнікі Расіі і Беларусі не раз згадвалі пра прапаганду расісцкіх ідэй, якая вядзецца ў свеце.
"Узнімаюць галаву нацыянал-радыкалы. І гэта адбываецца, нягледзячы на прававыя механізмы, якія функцыянуюць у рамках ААН, АБСЕ і шэрагу іншых міжнародных арганізацый, нацэленыя на супрацьдзеянне гераізацыі нацызму, расізму, ксенафобіі і звязанай з імі нецярпімасці", - гаворыцца ў сумесным дакуменце.
Узмацняюцца спробы раскалоць грамадства па нацыянальных і моўных прыкметах, у шэрагу краін адзначаны ўстойлівы рост колькасці ксенафобскіх і расісцкіх праяў, усплёскаў агрэсіўнага нацыяналізму, шавінізму, іншых форм расавай і рэлігійнай нецярпімасці.
Перапісванне гісторыі
Асобна аўтары даследавання адзначаюць намаганні Захаду і саюзнікаў перапісаць гісторыю Другой сусветнай вайны, асабліва ў частцы яе вынікаў. Некаторыя краіны і зусім дайшлі да таго, што пачалі ўсхваляць нацыстаў і іх памагатых – тых, хто ўвасабляў на практыцы тэорыю расавай перавагі.
"У ход ідзе ўсё: скажэнне гістарычных фактаў, нападкі на культуру і традыцыйныя каштоўнасці, "вайна" з помнікамі і мемарыяламі, нават праследаванне традыцыйных, кананічных рэлігійных арганізацый", - пералічваюць даследчыкі.
Аўтары дэталёва разабралі сітуацыю з правамі чалавека ў 43 краінах. Сярод іх – Аўстралія, Вялікабрытанія, Іспанія, Германія, Францыя, Італія, Літва, Латвія, ЗША, Японія, Канада і іншыя.
Абапіраючыся на факталагічную інфармацыю, дадзеную міжнароднымі структурамі і няўрадавымі арганізацыямі, знешнепалітычныя ведамствы Беларусі і Расіі робяць наступную выснову.
"У новым свеце, які фарміруецца і ў аснову якога павінна быць пакладзена больш справядлівая сістэма міжнародных адносін, вельмі неабходна поўная рэалізацыя прынцыпу суверэннай роўнасці дзяржаў, гістарычных, культурных, рэлігійных і нацыянальных асаблівасцей кожнай краіны", - адзначаецца ў дакладзе.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"