Пятроў пост: традыцыі і прыкметы
10:37 01.07.2024 (абноўлена: 10:48 02.07.2024)
© Sputnik / Ольга ДеменчукПраваслаўны пост
![Праваслаўны пост Праваслаўны пост - Sputnik Беларусь, 1920, 01.07.2024](https://cdnn11.img.sputnik.by/img/07e5/04/05/1047303902_0:271:960:811_1920x0_80_0_0_389e5a5d2a8b997b0bda0175969e6fba.jpg)
© Sputnik / Ольга Деменчук
Падпісацца
Гісторыя ўзнікнення, традыцыі, правілы і народныя прыкметы – усё, што трэба ведаць пра Пятроў пост у даведцы Sputnik.
Праз сем дзён пасля свята Сёмухі (выпала сёлета на 23 чэрвеня) пачынаецца Пятроў пост, у памяць пра двух апосталаў Пятра і Паўла, якія ўваходзілі ў лік вучняў Ісуса Хрыста. У бягучым годзе Пятроў пост пачынаецца 1 ліпеня. Sputnik распавядае чытачам пра традыцыі, забароны і гісторыю гэтага посту – аднаго з чатырох, якія Царква заклікае выконваць штогод.
Хто такія апосталы
Падчас Пятрова посту праваслаўныя вернікі ўспамінаюць пра апосталаў – вядомых прапаведнікаў, якія змаглі разнесці хрысціянства далёка па ўсім свеце і далучыць да веры мільёны людзей. Першыя апосталы і ёсць "першавярхоўныя", гэта значыць першыя з вярхоўных.
© Sputnik / Перайсці ў медыябанкПадчас Пятрова посту праваслаўныя вернікі ўспамінаюць пра першых апосталаў – Пятра і Паўла
![Репродукция картины Эль Греко Апостолы Петр и Павел Репродукция картины Эль Греко Апостолы Петр и Павел - Sputnik Беларусь, 1920, 05.06.2023](https://cdnn11.img.sputnik.by/img/102972/65/1029726555_0:0:1813:2048_1920x0_80_0_0_5aa8eb4ecf73044fc60d588a58b4e3ed.jpg)
Падчас Пятрова посту праваслаўныя вернікі ўспамінаюць пра першых апосталаў – Пятра і Паўла
© Sputnik
/ Як вучаць у царкве, святыя апосталы Пётр і Павел у адзін дзень – 12 ліпеня (29 чэрвеня па старым стылі) – прынялі святое пакутніцтва: Пётр быў укрыжаваны, а Павел – абезгалоўлены. Гэтыя падзеі пазначаны нават у самых старажытных календарах.
У дзень памяці апосталаў прынята ўспамінаць іх добрыя справы і маліцца за іх – бо менавіта з Пятра і Паўла, па сутнасці, і пачалася ўся Царква, а з ёй – і масавае распаўсюджванне хрысціянскага веравучэння.
Гісторыя Пятрова посту
Пятроў пост – адзін з першых, які быў уведзены Праваслаўнай царквой.
Упершыню ён быў устаноўлены пасля ўзвіжання храмаў у гонар святых апосталаў Пятра і Паўла ў Рыме і Канстанцінопалі – зрабіў гэта каля 324 года імператар Канстанцін Вялікі. Асвяцілі гэтыя вялікія будынкі 12 ліпеня – у дзень памяці Пятра і Паўла, а з таго часу сярод вернікаў прынята рыхтавацца да гэтага вялікага свята постам і малітваю.
Пятроў пост з тых часоў выконваюць многія праваслаўныя вернікі – гэты летні пост дапамагае вызваліць і ачысціць не толькі плоць, але і дух. Важна і тое, што завяршаўся пост да пачатку збору ўраджаю – гэта значыць ніяк не перашкаджаў нашым продкам працаваць на зямлі.
© Sputnik / Юрий Кавер / Перайсці ў медыябанкСярод вернікаў прынята рыхтавацца да дня памяці Пятра і Паўла постам і малітваю
![Юная прихожанка в храме Юная прихожанка в храме - Sputnik Беларусь, 1920, 05.06.2023](https://cdnn11.img.sputnik.by/img/102763/78/1027637882_0:0:3018:2048_1920x0_80_0_0_15c97157ba3df4242643453ba8ae2280.jpg)
Сярод вернікаў прынята рыхтавацца да дня памяці Пятра і Паўла постам і малітваю
© Sputnik / Юрий Кавер
/ Гэты летні пост раней называлі постам Пяцідзесятніцы, таксама ён насіў назвы Апостальскага і Петрапаўлаўскага: па імёнах абодвух апосталаў, у гонар якіх праводзіцца, аднак паступова яго назва была скарочана да Пятрова посту. З тых часоў так і павялося, і нават у штодзённай гаворцы вернікаў часцей за ўсё можна пачуць менавіта гэту назву.
Калі праходзіць Пятроў пост і колькі доўжыцца
Так павялося, што Пятроў пост – адзін з самых кароткіх і менш строгіх. Як вучыць вернікаў Царква, Пятроў пост пачынаецца з панядзелка тыдня усіх Святых, дата якога залежыць ад святкавання Вялікадня і наступнага рухомага свята – Дня Святой Тройцы.
А вось заканчваецца Пятроў пост заўсёды 12 ліпеня – у дзень памяці апосталаў Пятра і Паўла.
Такм чынам, у залежнасці ад святкавання Вялікадня Пятроў пост можа доўжыцца ад 8 да 42 дзён. У гэтым жа годзе Пятроў пост працягнецца толькі 11 дзён.
© Sputnik / Ларыса МятлеўскаяПятроў пост – адзін з самых кароткіх і менш строгіх, але ж і тут перавага аддаецца агародніне
![Бурачкі посныя - інгрыдыенты Бурачкі посныя - інгрыдыенты - Sputnik Беларусь, 1920, 05.06.2023](https://cdnn11.img.sputnik.by/img/102665/72/1026657211_0:0:3200:2400_1920x0_80_0_0_462ecac9971d050c72f7211d8422ccd5.jpg)
Пятроў пост – адзін з самых кароткіх і менш строгіх, але ж і тут перавага аддаецца агародніне
© Sputnik / Ларыса Мятлеўская
Чаго нельга ўжываць у Пятроў пост
Пятроўскі пост лічыцца адным з самых нястрогіх у годзе. Але ў гэтыя дні ўсё роўна вернікам забараняюць ужываць пэўны спісак прадуктаў, сярод якіх:
мяса,
мясныя прадукты,
малочныя прадукты,
яйкі.
Што можна есці падчас посту Пятра і Паўла
Вернікам па панядзелках у дні Пятрова посту дазволена гарачая ежа без алею.
У аўторак, чацвер, суботу і нядзелю праваслаўныя вернікі могуць ўжываць у ежу рыбу, грыбы, крупы з раслінным алеем. А ў суботу і нядзелю на Пятроў пост таксама дазволена ўжываць віно.
У сераду і пятніцу рэкамендавана сухаядзенне адзін раз у дзень пасля дзевятай гадзіны паводле сутачнага богаслужбовага круга.
Рэкамендуем вам звярнуць увагу на тое, што сухаядзенне вернікам прадпісваецца па серадах і пятніцах, якія ў праваслаўі лічацца самымі строгімі днямі з-за падзей зямнога жыцця Хрыста.
© Sputnik / Ларыса МятлеўскаяУ аўторак, чацвер, суботу і нядзелю праваслаўныя вернікі могуць ўжываць у ежу рыбу
![Стол для гасцей Стол для гасцей - Sputnik Беларусь, 1920, 05.06.2023](https://cdnn11.img.sputnik.by/img/07e6/01/1d/1059883790_0:0:2730:2048_1920x0_80_0_0_1036ad31a8724552c3a712ef5e69d5ca.jpg)
У аўторак, чацвер, суботу і нядзелю праваслаўныя вернікі могуць ўжываць у ежу рыбу
© Sputnik / Ларыса Мятлеўская
Што прыгатаваць на Пятроў пост
Згодна з традыцыямі, крупы, агародніну і рыбу на Пятроў пост неабходна гатаваць без дадання яек, малочных прадуктаў ці сметанковага масла – яго ў крайнім выпадку можна замяніць раслінным алеем: сланечнікавым, рапсавым або аліўкавым.
Таксама лічыцца, што пры падрыхтоўцы посных страў можна выкарыстоўваць свежую агародніну, зеляніну, а таксама грыбы, ягады і садавіну. У гэты летні час можна разнастаіць стол супамі – напрыклад, халадніком ды ахаладжальнымі напоямі.
Пятроў пост: прыкметы
Сэнс Пятрова посту – падрыхтоўка да свята ў гонар святых пакутнікаў Пятра і Паўла. Свяшчэннікі заўсёды падкрэсліваюць, што нельга расцэньваць пост як простае выкананне дыеты, а куды важней прытрымлівацца духоўнага посту.
Свяшчэннікі рэкамендуюць у дні Пятрова посту ўзмацняць малітву чытаннем Псалтыра і Бібліі.
© Sputnik / Вольга КараленкаПадчас Пятрова посту вернікам рэкамендуецца чытаць Псалтыр
![Віленскае выданне Псалтыра Віленскае выданне Псалтыра - Sputnik Беларусь, 1920, 05.06.2023](https://cdnn11.img.sputnik.by/img/102812/23/1028122323_0:0:1200:789_1920x0_80_0_0_5091032ee5544f007dceaae2195ab6d5.jpg)
Падчас Пятрова посту вернікам рэкамендуецца чытаць Псалтыр
© Sputnik / Вольга Караленка
Варта абавязкова паспавядацца і прычасціцца падчас посту. Вітаюцца паломніцкія паездкі да святых месцаў.
Але ж, як і ў любы іншы пост, галоўнае – гэта спакой у душы і захаванне канонаў праваслаўнай царквы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"