Боевая работа РСЗО Град группировки Центр на Авдеевском направлении СВО - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Пуцін абмеркаваў з Орбанам магчымыя шляхі ўрэгулявання ўкраінскага канфлікту

© Sputnik / Валерий Шарифулин / POOL / Перайсці ў медыябанкПрэзідэнт РФ Уладзімір Пуцін і прэм'ер-міністр Венгрыі Віктар Орбан
Прэзідэнт РФ Уладзімір Пуцін і прэм'ер-міністр Венгрыі Віктар Орбан - Sputnik Беларусь, 1920, 05.07.2024
Падпісацца
Расія і Венгрыя працягваюць дыялог у цяперашняй няпростай геапалітычнай сітуацыі. Размову з Орбанам Пуцін назваў адкрытай і карыснай.
МІНСК, 5 ліп – Sputnik. Прэзідэнт РФ Уладзімір Пуцін расказаў, што абмеркаваў з прэм’ер-міністрам Венгрыі Віктарам Орбанам магчымыя шляхі ўрэгулявання ўкраінскага канфлікту.
У пятніцу венгерскі прэм’ер-міністр прыбыў у Маскву з візітам, падчас якога адбылася яго сустрэча з расійскім лідарам. Перагаворы працягнуліся больш за дзве з паловай гадзіны. Як распавёў журналістам памочнік расійскага прэзідэнта Юрый Ушакоў, адно з цэнтральных месцаў у перагаворах заняло пытанне ўкраінскага крызісу.
Па словах Уладзіміра Пуціна, перагаворы былі насычанымі, а дыялог – адкрытым і карысным.
"Безумоўна, адбыўся дастаткова грунтоўны, прамы і сумленны абмен думкамі па актуальных міжнародных пытаннях, у тым ліку і па ўкраінскім канфлікце. Пагаварылі і аб магчымых шляхах яго ўрэгулявання", - сказаў расійскі лідар.
У прыватнасці, Віктар Орбан распавёў аб сустрэчах у Кіеве, дзе ён прапанаваў украінскаму кіраўніцтву спыненне агню, каб забяспечыць умовы для пачатку мірных перагавораў.
Аднак, канстатаваў Уладзімір Пуцін, у Кіеве заяўляюць, што не жадаюць вырашаць пытанні менавіта такім спосабам.
"Спонсары Украіны працягваюць спрабаваць выкарыстоўваць гэтую краіну і яе народ у якасці тарана, ахвяры ў супрацьстаянні з Расіяй", - дадаў ён.
Уладзімір Пуцін таксама адзначыў, што, улічваючы пачутае ад Віктара Орбана, можна прыйсці да высновы, што ў Кіеве "не гатовы адмовіцца ад вядзення вайны да пераможнага канца".
На яго думку, прычына гэтага крыецца яшчэ і ў тым, што ў такім выпадку не будзе прычыны прадаўжаць ваеннае становішча, а значыць, давядзецца праводзіць выбары. Расійскі лідар растлумачыў, што размова аб прэзідэнцкіх выбарах, якія не былі праведзены ў належныя тэрміны. Пасля чаго дадаў, што шансы на перамогу ў цяперашняга кіраўніцтва Украіны блізкі да нуля.
Прэзідэнт РФ падкрэсліў, што Масква заўсёды адкрыта для абмеркавання ўрэгулявання сітуацыі ва Украіне палітычна-дыпламатычным шляхам.
"У цэлым, перагаворы былі вельмі своечасовымі і, думаю, карыснымі для абодвух бакоў", - рэзюміраваў Уладзімір Пуцін і падзякаваў Віктару Орбану за наведванне Масквы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Прэм’ер-міністр Венгрыі Віктар Орбан - Sputnik Беларусь, 1920, 02.07.2024
Ваенная спецаперацыя РФ у Данбасе
Орбан прапанаваў Зяленскаму спыніць агонь і пачаць перагаворы
Стужка навiн
0