Што пабудавана ў Беларусі за 30 гадоў прэзідэнцтва Лукашэнкі – фота

Мінскі чыгуначны вакзал

Новы будынак чыгуначнага вакзала адкрылі напярэдадні 2001 года – 30 снежня 2000 года.

Ён можа прыняць больш за 7 тысяч пасажыраў.

Аляксандр Лукашэнка на адкрыцці новага будынка Мінскага чыгуначнага вакзала.

Барацьба з даўгабудамі

З гэтай праблемай Аляксандру Лукашэнку за гады прэзідэнцтва прыйшлося сутыкацца не адзін раз. Мабыць, адным з самых знакавых стала завяршэнне будаўніцтва Палаца Рэспублікі.

Будаўніцтва пачалося яшчэ ў 1985-м, але пазней прыпынена з-за недахопу фінансавання. Поўнасцю ўсе работы былі завершаны ў 2001 годзе.

На здымку: Аляксандр Лукашэнка 19 красавіка 1997 года прыняў удзел у рэспубліканскім суботніку.

Аграгарадкі

Аграгарадкі сталі масава з’яўляцца ў рамках Дзяржаўнай праграмы адраджэння і развіцця вёскі на 2005-2010 гады. Язёры ў Магілёўскай вобласці першымі атрымалі гэты статус з амаль паўтары тысячы вёсак.

Галоўнае адрозненне аграгарадка ад пасёлка – інфраструктура. Па задуме стваральнікаў, аграгарадок – гэта магчымасць жыць у сельскай мясцовасці і пры гэтым карыстацца ўсімі дабротамі горада.

Паводле даных на 1 студзеня 2024 года: у Брэсцкай вобласці – 214 аграгарадкоў, у Віцебскай – 245, Гомельскай – 230, Гродзенскай – 226, Мінскай – 307, Магілёўскай – 204.

У адным з такіх аграгарадкоў – "Азярыцкі-Агра" – у 2015 годзе пабываў Жэрар Дэпардзье.

Аляксандр Лукашэнка рэгулярна бывае ў аграгарадку Александрыя на сваёй малой радзіме.

На фота: Аляксандр Лукашэнка з сынамі падчас суботніка каля Трафімавай крыніцы ў аграгарадку Александрыя.

Нацыянальная бібліятэка Беларусі

7 сакавіка 2002 года Аляксандр Лукашэнка падпісаў указ "Аб будаўніцтве будынка дзяржаўнай установы "Нацыянальная бібліятэка Беларусі". Урачыстая цырымонія адкрыцця адбылася 16 чэрвеня 2006-га.

У будынку, які мае форму ромбакубаэктаэдра (за знешняе падабенства з аграненым брыльянтам яго часта называюць проста "алмаз"), 17 чытальных залаў, фондасховішча разлічана на 14 мільёнаў адзінак захоўвання.

Аляксандр Лукашэнка на адкрыцці новага будынка Нацыянальнай бібліятэкі.

Рэканструкцыя Вялікага тэатра Беларусі

Маштаб работ уражваў, рэстаўрацыя і рэканструкцыя пачалася ў 2006-м, заняла тры гады. Аднаўленне праводзілася па фатаграфіях 1940-50-х гадоў і эскізах Іосіфа Лангбарда.

Пасля пераўтварэння ў будынку з’явіліся яшчэ тры паверхі, на галоўнай алеі каля тэатра адкрыўся каскадны фантан, які паўтарае сілуэт тэатра. Таксама ў тэатры з’явілася “Камерная зала імя Ларысы Аляксандраўскай”.

На здымку: адкрыццё рэканструяванага будынка Вялікага тэатра оперы і балета, 8 сакавіка 2009 года.

Лядовыя палацы

Першай ластаўкай стаў Мінскі лядовы палац спорту (зараз называецца Лядовы палац спорту Мінскай вобласці), разлічаны на 1 823 гледачы і адкрыты ў 1999 годзе. Пазней у сталіцы з’явіліся яшчэ "Мінск-арэна" (адкрылася ў 2010-м, гэта самая вялікая пляцоўка, яна можа прыняць больш за 15 тысяч чалавек, акрамя спаборніцтваў на лёдзе ў комплексе праводзяць канцэрты, ёсць тут і велатрэк) і "Чыжоўка-арэна" (разлічана на 8 807 чалавек, адкрылася ў 2013 годзе).

У 2000 годзе адкрыліся Палац спорту "Магілёў", Гомельскі і Брэсцкі лядовыя палацы спорту, у 2006-м – Лядовы палац "Металург" у Жлобіне, у 2007-м – Лядовы палац спорту ў Пружанах, у 2008-м – "Бабруйск-арэна", Спартыўна-відовішчны комплекс у Салігорску, Лядовая арэна УСК "Хваля" ў Пінску і Лядовы каток у Раўбічах. Тры лядовыя палацы спорту адкрыліся ў 2009-м: у Баранавічах, Кобрыне і Бярозе, у 2010-м, акрамя "Мінск-арэны" ў сталіцы адкрыўся Лядовы палац у Лідзе, у 2011-м лядовыя палацы з’явіліся ў Маладзечне, Лунінцы і Івацэвічах, 2012-м – у Горках. А ў 2013-м, акрамя "Чыжоўка-арэны" ў Мінску наведвальнікаў прыняла яшчэ Лядовая арэна ў Оршы.

На фота: "Мінск-арэна".

Аляксандр Лукашэнка прыняў удзел у рэспубліканскім суботніку на “Мінск-Арэне”, 11 красавіка 2009 года.

Але сказаць, што будаваліся толькі лядовыя палацы, будзе несправядліва. З’яўляліся і іншыя спартыўныя аб’екты.

На здымку: 22 красавіка 2017 года падчас рэспубліканскага суботніка працаваў на будаўніцтве Цэнтра алімпійскай падрыхтоўкі па мастацкай гімнастыцы.

Многія былі рэканструяваны, адзін з самых знакавых – стадыён "Дынама" ў Мінску.

На фота: Аляксандр Лукашэнка на суботніку – падчас рэканструкцыі стадыёна "Дынама" 23 красавіка 2016 года.

Студэнцкая вёска

Будаўніцтва пачалося ў 2009 годзе. У комплекс уваходзяць восем інтэрнатаў, разлічаных на больш за 9 000 студэнтаў. Ёсць бібліятэка, крамы, кафэ, пральня, памяшканні для заняткаў спортам і творчасцю, тэрапеўтычны, стаматалагічны і працэдурны кабінеты, лядовы палац і дзіцячы садок.

Падчас правядзення Чэмпіянату свету па хакеі 2014 года ў Мінску ў студэнцкай вёсцы размяшчалася "фан-вёска". Тут жа пражывалі ўдзельнікі II Еўрапейскіх гульняў у 2019 годзе.

На здымку: студэнцкая вёска падчас ІІ Еўрапейскіх гульняў у Мінску.

Знакавым для Мінска стала будаўніцтва аквапарку.

На фота: Аляксандр Лукашэнка на рэспубліканскім суботніку на ўзвядзенні будынка аквапарку ў Мінску, 21 красавіка 2012 года.

Палац Незалежнасці

Палац Незалежнасці размясціўся на праспекце Пераможцаў, ён прыняў першых высокіх гасцей 24 кастрычніка 2013 года.

У лютым 2015 года тут адбыўся саміт "нармандскай чацвёркі". Для ўдзелу ў перагаворах, якія доўжыліся больш за 15 гадзін, у Мінск прыбылі палітычныя лідары Германіі, Расіі, Украіны і Францыі.

Палац Незалежнасці ўяўляе сабой трохузроўневы прамавугольны будынак са бакамі 120 на 140 метраў у стылі постмадэрнізму. Яго агульная плошча – 53 778,6 кв. м. Тут рэгулярна праводзяцца экскурсіі.

Прэзідэнты Расіі і Беларусі Уладзімір Пуцін і Аляксандр Лукашэнка ў Палацы Незалежнасці перад пачаткам пасяджэння Вышэйшага Еўразійскага эканамічнага савета на ўзроўні кіраўнікоў дзяржаў 24 кастрычніка 2013 года.

Новы будынак Беларускага дзяржаўнага музея гісторыі Вялікай Айчыннай вайны

Капсулу часу з пасланнем нашчадкам на месцы будучага будынка музея Аляксандр Лукашэнка заклаў падчас рэспубліканскага суботніка 24 красавіка 2010 года.

А 2 ліпеня 2014-га, напярэдадні 70-годдзя вызвалення Беларусі, экспазіцыя музея адкрылася ў новым будынку.

На здымку: зала Перамогі ў Беларускім дзяржаўным музеі гісторыі Вялікай Айчыннай вайны.

Аляксандр Лукашэнка і Уладзімір Пуцін на адкрыцці новага будынка музея гісторыі Вялікай Айчыннай вайны.

Мемарыяльны комплекс "Трасцянец"

У гады Другой сусветнай вайны лагер смерці Трасцянец, створаны восенню 1941 года на паўднёвым усходзе ад Мінска, стаў найбуйнейшым у Беларусі і на той тэрыторыі Савецкага Саюза, што была акупіравана немцамі. Па колькасці ахвяр фашызму Трасцянец стаў чацвёртым пасля Асвенцыма, Майданека і Трэблінкі.

22 чэрвеня 2015 года на месцы канцлагера быў адкрыты мемарыяльны комплекс "Трасцянец" з 10-метровым цэнтральным манументам "Брама памяці" – ён стаў працягам мемарыяла, пабудаванага тут у 1960-я гады.

На фота: скульптурная кампазіцыя "Масіў імён" у мемарыяльным комплексе "Трасцянец".

Аляксандр Лукашэнка на мітынгу-рэквіеме, прысвечаным адкрыццю мемарыяльнага комплексу "Трасцянец".

Але і мемарыялы ранейшых гадоў не забыты. Так, на пачатку 2000-х вялікую рэканструкцыю правялі ў комплексе "Хатынь".

На фота: Аляксандр Лукашэнка ў час рэспубліканскага суботніка 24 красавіка 2004 года прыняў удзел у работах па аднаўленні Дзяржаўнага мемарыяльнага комплексу "Хатынь".

Аляксандр Лукашэнка 16 красавіка 2022 года ў дзень рэспубліканскага суботніка наведаў мемарыяльны комплекс "Хатынь" і прыняў удзел у работах па яго добраўпарадкаванні.

Паліклінікі, бальніцы

За 30 гадоў медустаноў было пабудавана нямала. У будаўніцтве некаторых Лукашэнка ўдзельнічаў асабіста – працаваў на будоўлі падчас рэспубліканскіх суботнікаў.

На здымку: Аляксандр Лукашэнка 12 красавіка 2014 года прыняў удзел у рэспубліканскім суботніку. Разам з ім на будаўніцтве новага акушэрска-гінекалагічнага корпуса 5-й гарадской клінічнай бальніцы працавалі чыноўнікі, студэнты Беларускага дзяржаўнага медуніверсітэта і трохразовая алімпійская чэмпіёнка, Герой Беларусі Дар’я Домрачава.

Аляксандр Лукашэнка падчас суботніка 18 красавіка 2015 года на будаўніцтве дзіцячай паліклінікі ў сталічным мікрараёне Каменная Горка.

Рэканструкцыя МКАД і будаўніцтва МКАД-2

МКАД-2 была адкрыта 22 снежня 2016 года. Яе агульная працягласць каля 160 кіламетраў. Пры праектаванні была ўлічана сетка аўтамабільных дарог, у выніку каля 72 кіламетраў МКАД – гэта раней існуючыя трасы, якія былі ў яе ўключаны. Яшчэ 88 кіламетраў былі працягнуты ў новым напрамку.

Трасу праклалі на максімальна магчымым аддаленні ад населеных пунктаў, садаводчых таварыстваў і без зносу будынкаў. Разліковая хуткасць руху па трасе 120 км/г.

Пакрыццё МКАД-2 цэментабетоннае – больш даўгавечнае ў параўнанні з асфальтавым. Выдаткі на рамонт такога пакрыцця, па словах дарожнікаў, таксама прыкметна ніжэй.

Не менш значнай стала і рэканструкцыя МКАД-1 у 2001-2002 гадах, калі яе пашырылі да шасці палос.

На фота: будаўніцтва МКАД-2

Аляксандр Лукашэнка ў аўтобусе ў дзень адкрыцця МКАД-2.

Завод "БелДжы"

Прамысловасць – адна з найважнейшых сфер. Большасць буйных прадпрыемстваў за мінулыя 30 гадоў закранула маштабная рэканструкцыя і мадэрнізацыя вытворчасцей. А ў 2017 годзе ў Беларусі запусцілі вытворчасць легкавых аўтамабіляў.

На здымку: Аляксандр Лукашэнка 17 лістапада 2017 года на ўрачыстым адкрыцці новага завода СЗАТ "БелДжы".

БелАЭС

Будаўніцтва атамнай электрастанцыі недалёка ад горада Астравец з дзвюма рэактарнымі ўстаноўкамі ВВЭР-1200 сумарнай магутнасцю 2400 МВт стала самым буйным эканамічным праектам Расіі і Беларусі.

Узводзіць АЭС пачалі ў 2013 годзе сумесна з дзяржкарпарацыяй "Росатом". Першы энергаблок быў уведзены ў прамысловую эксплуатацыю ў чэрвені 2021 года, а ў лістападзе 2023-га ўрадам быў зацверджаны акт прыёмкі другога энергаблока.

Аляксандр Лукашэнка ўжо неаднаразова заяўляў, што хоча пабудаваць у рэспубліцы другую атамную станцыю.

На фота: трансфарматарнае аддзяленне БелАЭС, тут прыменены найноўшыя схемы і самае сучаснае абсталяванне.

Аляксандр Лукашэнка 7 лістапада 2020 года здзейсніў паездку ў Астравецкі раён, дзе наведаў Беларускую атамную электрастанцыю.

Метро

Актыўна развівалася падчас прэзідэнцтва Аляксандра Лукашэнкі і мінская падземка.

На здымку: праект станцыі метро “Аэрадромная”.

Аляксандр Лукашэнка 19 красавіка 1997 года прыняў удзел у рэспубліканскім суботніку. Кіраўнік дзяржавы разам з членамі ўрада, супрацоўнікамі Апарату Савета міністраў, Адміністрацыі прэзідэнта і сталічнай мэрыі працавалі на будаўніцтве станцыі метро "Партызанская".

Першая (“Маскоўская”) лінія павялічылася на шэсць станцый: “Уручча” і “Барысаўскі тракт” – 7 лістапада 2007, “Грушаўка”, “Міхалова”, “Пятроўшчына” – 7 лістапада 2012, “Малінаўка” – 3 чэрвеня 2014.

На фота: Аляксандр Лукашэнка на адкрыцці новага ўчастка першай лініі Мінскага метрапалітэна, які ўключае станцыі “Грушаўка”, “Міхалова” і “Пятроўшчына”.

Другая ("Аўтазаводская") лінія – плюс восем станцый: "Пушкінская" і "Маладзёжная" – 3 ліпеня 1995 года, "Партызанская" і "Аўтазаводская" – 7 лістапада 1997 года, "Магілёўская" – 5 верасня 2001 года, "Спартыўная" , "Кунцаўшчына", "Каменная Горка" – 7 лістапада 2005 года.

На здымку: адкрыццё новага ўчастка 2-й лініі Мінскага метро, ​​7 лістапада 2005 года.

Пабудавана трэцяя лінія – "Зеленалужская", першыя чатыры станцыі ("Юбілейная плошча", "Плошча Францішка Багушэвіча", "Вакзальная", "Кавальская Слабада") адкрыліся ў лістападзе 2020, яшчэ тры ("Аэрадромная", Немаршанскі сад", "Слуцкі Гасцінец") плануецца адкрыць 7 лістапада 2024 года.

На фота: Аляксандр Лукашэнка на адкрыцці трэцяй лініі метро.