Аперацыя "Баграціён": зводка Саўінфармбюро за 24 ліпеня 1944 года
Артылерыйская батарэя старшага лейтэнанта Осіпава вядзе агонь па ворагу. 1-ы Беларускі фронт
© Sputnik / Марк Марков-Гринберг
Падпісацца
Тэрыторыю сучаснай Беларусі вызвалілі ў рамках наступальнай аперацыі "Баграціён" (часам яе называюць проста Беларускай аперацыяй). Sputnik Беларусь штодня публікуе зводкі Савецкага інфармбюро аб тым, як праходзіла гэтая аперацыя.
На Брэсцкім кірунку нашы войскі, адбіваючы контратакі пяхоты і танкаў праціўніка, працягвалі весці наступальныя баі, падчас якіх занялі больш за 80 населеных пунктаў, сярод іх буйныя населеныя пункты Радзевічы, Войска, Дзяменчыцы, Чарнаўчыцы, Кастамлоты, Пішчац, Палоскі, Хатылуў, Кашолы, Гушча і чыгуначная станцыя Хатылуў.
За 23 ліпеня нашы войскі на ўсіх франтах падбілі і знішчылі 172 нямецкія танкі. У паветраных баях і агнём зенітнай артылерыі збіта 36 самалётаў праціўніка.
Страты праціўніка і трафеі 1-га Прыбалтыйскага, 1-га, 2-га і 3-га Беларускіх франтоў за час наступальных аперацый з 23 чэрвеня па 23 ліпеня гэтага года
Войскі 1-га Прыбалтыйскага фронту за час наступальных аперацый з 23 чэрвеня па 23 ліпеня г/г нанеслі праціўніку наступныя страты ў жывой сіле і тэхніцы:
Знішчана: самалётаў – 162, танкаў і самаходных гармат – 39, гармат розных калібраў – 525, мінамётаў – 227, кулямётаў – 1.444, аўтамашын – 3.946. Праціўнік страціў толькі забітымі – 56.410 салдат і афіцэраў.
За гэты ж час войскі 1-га Прыбалтыйскага фронту захапілі наступныя трафеі: танкаў – 31, гармат розных калібраў – 685, мінамётаў – 194, кулямётаў – 1.456, вінтовак і аўтаматаў – 12.740, аўтамашын – 3.921, паравозаў – 15, чыгуначных вагонаў і платформ – 610, коней – 969, складоў з боепрыпасамі, узбраеннем, рыштункам і харчаваннем – 238.
Узята ў палон – 8.249 салдат і афіцэраў праціўніка.
Тэхніка і награбленая маёмасць, кінутыя адыходзячай нямецкай арміяй, 1944 год
© Sputnik / Василий Савранский
Такім чынам, агульныя страты немцаў па галоўных відах баявой тэхнікі і жывой сіле за месяц наступальных баёў 1-га Прыбалтыйскага фронту складаюць: палоннымі і забітымі – 64.659 чалавек, самалётаў – 162, танкаў і самаходных гармат – 427, гармат розных калібраў – 1.210, мінамётаў – 421, кулямётаў – 2.900, аўтамашын – 7.867.
* * *
Войскі 3-га Беларускага фронту за час наступальных аперацый, праведзеных з 23 чэрвеня па 23 ліпеня г/г, нанеслі праціўніку наступныя страты ў жывой сіле і тэхніцы.
Знішчана: самалётаў – 153, танкаў і самаходных гармат – 546, гармат розных калібраў – 1.405, мінамётаў – 408, кулямётаў – 3.344, аўтамашын – 8.213. Праціўнік пакінуў на полі бою больш за 105.000 трупаў сваіх салдат і афіцэраў.
За гэты ж час войскі 3-га Беларускага фронту захапілі наступныя трафеі: танкаў і самаходных гармат – 288, гармат розных калібраў – 1.386, мінамётаў – 822, кулямётаў – 3.566, вінтовак і аўтаматаў – 34.382, радыёстанцый – 202, аўтамашын – 9.492, матацыклаў – 437, трактароў і цягачоў – 136, павозак з ваеннымі грузамі – 2.637, паравозаў – 36, вагонаў – 2.958, коней – 6.015, складоў з боепрыпасамі, рыштункам і харчаваннем – 504.
Узята ў палон – 56.277 салдат і афіцэраў праціўніка.
1-ы Беларускі фронт. Разбітая нямецкая тэхніка
© Sputnik / Александр Капустянский
Такім чынам, агульныя страты немцаў па галоўных відах баявой тэхнікі і жывой сіле за месяц наступальных баёў 3-га Беларускага фронту складаюць: палоннымі і забітымі – 161.277 чалавек, самалётаў – 153, танкаў і самаходных гармат – 834, гармат розных калібраў – 2.791, мінамётаў – 1.230, кулямётаў – 6.910, аўтамашын – 17.705.
* * *
Войскі 2-га Беларускага фронту за час наступальных аперацый, праведзеных з 23 чэрвеня па 23 ліпеня г/г, нанеслі праціўніку наступныя страты ў жывой сіле і тэхніцы.
Знішчана: самалётаў – 51, танкаў і самаходных гармат – 649, гармат розных калібраў – 728, мінамётаў – 726, кулямётаў – 2.255, аўтамашын – 6.023. Праціўнік пакінуў на полі бою звыш 100.000 трупаў сваіх салдат і афіцэраў.
За гэты ж час войскі 2-га Беларускага фронту захапілі наступныя трафеі: танкаў і самаходных гармат – 67, гармат розных калібраў – 678, мінамётаў – 673, кулямётаў – 1.417, вінтовак і аўтаматаў – 19.788, аўтамашын – 7.237, трактароў і цягачоў – 361, павозак з ваеннымі грузамі – 4.202, паравозаў – 11, вагонаў – 521, коней – 5.567, складоў з боепрыпасамі, узбраеннем, рыштункам і харчаваннем – 65.
Узята ў палон – 31.718 салдат і афіцэраў праціўніка.
2-і Беларускі фронт. Разбітая нямецкая тэхніка пад Мінскам
© Sputnik / Борис Ярославцев
Такім чынам, агульныя страты немцаў па галоўных відах баявой тэхнікі і жывой сіле за месяц наступальных баёў 2-га Беларускага фронту складаюць: палоннымі і забітымі – 131.718 салдат і афіцэраў, самалётаў – 51, танкаў і самаходных гармат – 716, гармат розных калібраў – 1.406, мінамётаў – 1.399, кулямётаў – 3.672, аўтамашын – 13.260.
* * *
Войскі 1-га Беларускага фронту за час наступальных аперацый, праведзеных з 24 чэрвеня па 23 ліпеня г/г, нанеслі праціўніку наступныя страты ў жывой сіле і тэхніцы:
Знішчана: самалётаў – 265, танкаў і самаходных гармат – 408, гармат розных калібраў – 1.463, мінамётаў – 1.544, кулямётаў – 3.844, аўтамашын – 9.120. Праціўнік пакінуў на полі бою звыш 120.000 трупаў сваіх салдат і афіцэраў.
За гэты ж час войскі 1-га Беларускага фронту захапілі наступныя трафеі: танкаў і самаходных гармат – 350, гармат розных калібраў – 1.832, мінамётаў – 1.101, кулямётаў – 5.745, вінтовак і аўтаматаў – 22.108, радыёстанцый – 393, аўтамашын – 9.200, трактароў і цягачоў – 275, павозак з ваеннымі грузамі – 5.160, паравозаў – 23, чыгуначных вагонаў – 2.300, коней – 18.889, складоў з боепрыпасамі, узбраеннем, рыштункам і харчаваннем – 568.
Узята ў палон – 62.236 салдат і афіцэраў праціўніка.
Такім чынам, агульныя страты немцаў па галоўных відах баявой тэхнікі і жывой сіле за трыццаць дзён наступальных баёў 1-га Беларускага фронту складаюць: палоннымі і забітымі – 182.236, самалётаў – 265, танкаў і самаходных гармат – 758, гармат розных калібраў – 3.295, мінамётаў – 2.645, кулямётаў – 9.589, аўтамашын – 18.320.
У выніку наступальных аперацый, якія былі праведзены з 23 чэрвеня па 23 ліпеня г/г у цесным узаемадзеянні чатырох франтоў – 1-га Прыбалтыйскага, 1-га, 2-га і 3-га Беларускіх і завяршыліся разгромам на савецка-германскім фронце цэнтральнай групоўкі войск праціўніка, вызваленнем сталіцы Савецкай Беларусі горада Мінск, сталіцы Савецкай Літвы горада Вільнюс і найважнейшых гарадоў – Віцебска, Магілёва, Вілейкі, Баранавіч, Пінска, Полацка, Оршы, Бабруйска, Барысава, Жлобіна, Ковеля, Асіповіч, Маладзечна, Гродна, Ліды, Слоніма, Ваўкавыска, Панявежыса, страты немцаў па галоўных відах баявой тэхнікі і жывой сіле складаюць: забітымі больш за 381.000 салдат і афіцэраў, самалётаў – 631, танкаў і самаходных гармат – 2.735, гармат розных калібраў – 8.702, мінамётаў – 5.695, кулямётаў – 23.071, аўтамашын – 57.152.
Узята ў палон – 158.480 нямецкіх салдат і афіцэраў і ў тым ліку дваццаць два нямецкія генералы: генерал ад інфантэрыі Гальвіцэр (камандзір 53-га армейскага корпуса), генерал-лейтэнант Лютцаў (камандзір 35-га армейскага корпуса), генерал ад інфантэрыі Фельнерс (камандзір 27-га армейскага корпуса), генерал-лейтэнант Мюлер (камандзір 12-га армейскага корпуса), генерал-лейтэнант Гофмайстар (камандзір 41-га танкавага корпуса), генерал-лейтэнант Хітэр (камандзір 206-й пяхотнай дывізіі), генерал-маёр Мюлер-Бюлаў (камандзір 246-й пяхотнай дывізіі), генерал-маёр Міхаэліс (камандзір 95-й пяхотнай дывізіі), генерал-лейтэнант Траут (камандзір 78-й штурмавой дывізіі), генерал-маёр Тровіц (камандзір 57-й пяхотнай дывізіі), генерал-маёр Гір (камандзір 707-й пяхотнай дывізіі), генерал-лейтэнант Бамлер (камандзір 12-й пяхотнай дывізіі), генерал-маёр Конрадзі (камандзір 36-й пяхотнай дывізіі), генерал-маёр Клямт (камандзір 260-й пяхотнай дывізіі), генерал-лейтэнант Гейне (камандзір 6-й пяхотнай дывізіі), генерал-лейтэнант Окснер (камандзір 31-й пяхотнай дывізіі), генерал-маёр Энгель (камандзір 45-й пяхотнай дывізіі), генерал-лейтэнант Куроўскі (камандзір 110-й пяхотнай дывізіі), генерал-маёр Штэйнкелер (камандзір 60-й матарызаванай дывізіі), генерал-маёр Эрдмансдорф (камендант горада Магілёва), генерал-маёр Гаман (камендант горада Бабруйска), генерал-маёр Шміт (начальнік інжынернай службы 9-й нямецкай арміі).
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
