Сяргеенка: беларускія спартсмены яскрава выступілі ў Парыжы
© Sputnik / Тамара Беляева
Падпісацца
У Палаце прадстаўнікоў прайшло ўшаноўванне беларускіх прызёраў Алімпійскіх і Паралімпійскіх гульняў.
МІНСК, 14 кас – Sputnik. Беларускія спартсмены, нягледзячы на санкцыі, яскрава выступілі на XXXIII летніх Алімпійскіх і XVII летніх Паралімпійскіх гульнях, заявіў спікер ніжняй палаты беларускага парламента Ігар Сяргеенка.
Ён уручыў беларускім прызёрам Алімпіяды і Паралімпіяды падзяку старшыні Палаты прадстаўнікоў.
Ігар Сяргеенка ўручыў грамату паралімпійцу Дзмітрыю Салею
© Sputnik / Тамара Беляева
"Мы (Беларусь - Sputnik) не маглі быць прадстаўлены, як гэта заўсёды бывала ў тым фармаце, той колькасцю. Па-другое, вы выступалі не пад беларускім сцягам, калі атрымлівалі заслужаныя ўзнагароды, не гучаў гімн, але, тым не менш, гэта не перашкодзіла вам ярка выступіць", - сказаў Сяргеенка на сустрэчы з алімпійцамі і паралімпійцамі, перадае карэспандэнт Sputnik.
Паводле яго слоў, беларускія спартсмены, алімпійцы і паралімпійцы, заваявалі ў Парыжы ў агульнай складанасці 11 узнагарод, з якіх сем залатых медалёў.
"Я не падзяляю вас, вы ўзаемна дапаўняеце адзін аднаго", - сказаў ён.
Паводле слоў Сяргеенкі, такія перамогі беларускіх алімпійцаў і паралімпійцаў – яркі прыклад для юных беларускіх спартсменаў.
Злева направа – Дзмітрый Салей, Яўген Залаты, Ігар Бокій
© Sputnik / Тамара Беляева
Падзяка трэнерам
Сяргеенка выказаў таксама асаблівыя словы падзякі трэнерам, якія падрыхтавалі прызёраў Алімпійскіх і Паралімпійскіх гульняў.
"Без такіх тытулаваных і вядомых выхавальнікаў цяжка было б адбыцца і як спартсменам, і заваяваць высокія ўзнагароды", - падкрэсліў ён.
Беларускія спартсмены ў Палаце прадстаўнікоў
© Sputnik / Тамара Беляева
Дзякуючы вядомым спартсменам, як адзначыў Сяргеенка, у Беларусі створаны школы батута, цяжкай і лёгкай атлетыкі, а таксама веславання.
"Уся ваша праца не прапала дарма, усё лягло ў скарбонку спартыўнага майстэрства… І ваша праца адзначана высокімі дзяржаўнымі ўзнагародамі прэзідэнта, практычна ўсе ўдастоіліся Ордэнаў Айчыны, Ордэнаў "Знак пашаны", - сказаў спікер ніжняй палаты.
Ён дадаў, што пасля гэтай Алімпіяды ў краіне з’явіўся яшчэ адзін поўны кавалер ордэна Айчыны – гэта галоўны трэнер нацыянальнай каманды па скачках на батуце Вольга Уласава.
Галоўны трэнер нацыянальнай каманды Рэспублікі Беларусь па скачках на батуце Вольга Уласава
© Sputnik / Тамара Беляева
"У нас у краіне гэта сёмы чалавек – поўны кавалер Ордэна Айчыны", - сказаў Сяргеенка.
Алімпіяда і Паралімпіяда
На Алімпіяду, якая прайшла сёлета ў Парыжы, Міжнародны алімпійскі камітэт дапусціў толькі 16 беларускіх спартсменаў. Яны выступалі ў нейтральным статусе, без сцягоў і гімнаў, а іх узнагароды не ўносіліся ў медальны залік Гульняў.
Прадстаўнікі Беларусі змаглі заваяваць на Алімпійскіх гульнях у Парыжы чатыры медалі: золата і серабро ў беларускіх батутыстаў Івана Літвіновіча і Віялеты Бардзілоўскай, яшчэ адно серабро на рахунку Яўгена Залатога, які выступаў у акадэмічным веславанні. "Бронзу" ў скарбонку каманды прынёс цяжкаатлет Яўген Ціханцоў.
На Паралімпійскіх гульнях 2024 года Беларусь прадставілі восем спартсменаў, якія заваявалі сем медалёў (усе ў плаванні): пяць залатых медалёў – Ігар Бокій, адзін – Ягор Шчалканаў, "серабро" – Дзмітрый Салей.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
