https://bel.sputnik.by/20241111/mlyae-tulskaya-voblasts--belarus-razvvayuts-supratsontstva--sfery-vpk-1091012568.html
Міляеў: Тульская вобласць і Беларусь развіваюць супрацоўніцтва ў сферы ВПК
Міляеў: Тульская вобласць і Беларусь развіваюць супрацоўніцтва ў сферы ВПК
Sputnik Беларусь
Губернатар Тульскай вобласці Дзмітрый Міляеў у эксклюзіўным інтэрв’ю Sputnik Беларусь расказаў пра найбольш значныя сферы супрацоўніцтва, перспектывы стварэння... 11.11.2024, Sputnik Беларусь
2024-11-11T10:54+0300
2024-11-11T10:54+0300
2024-11-11T10:54+0300
саюзная дзяржава беларусі і расіі
саюзная дзяржава
эксклюзіў
інтэрв'ю
дзмітрый міляеў
тульская вобласць
грамадства
эканоміка
палітыка
бяспека
https://cdnn11.img.sputnik.by/img/07e8/0b/06/1090947415_0:0:2730:1537_1920x0_80_0_0_6e20a70efc231b4b187402b21636c763.jpg
Прэзідэнты Беларусі і Расіі Аляксандр Лукашэнка і Уладзімір Пуцін ва ўмовах санкцый, уведзеных калектыўным Захадам супраць дзвюх краін, неаднаразова адзначалі, што ў Саюзнай дзяржаве неабходна паскорыць праграму імпартазамяшчэння. Пры гэтым упор быў зроблены на рэгіянальнае супрацоўніцтва.Аб тым, як развіваецца ўзаемадзеянне паміж Беларуссю і адным з суб’ектаў РФ – Тульскай вобласцю, расказаў у інтэрв’ю Sputnik кіраўнік гэтага расійскага рэгіёна Дзмітрый Міляеў.– Беларусь і Тульская вобласць даўнія партнёры. Пагадненне паміж урадам Беларусі і адміністрацыяй Тульскай вобласці аб гандлёва-эканамічным і культурным супрацоўніцтве было падпісана яшчэ ў 2003 годзе. Як Вы сёння ацэньваеце ўзаемадзеянне з беларускімі партнёрамі?– Нашы партнёрскія адносіны пачаліся нават раней, таму што першыя пагадненні аб супрацоўніцтве падпісваліся асобна з абласцямі. У 1996 годзе такое пагадненне было падпісана з Мінскай вобласцю. Затым ужо было пагадненне, якое вы згадалі. Ёсць пагадненне аб развіцці супрацоўніцтва з Магілёўскай і Гродзенскай абласцямі. Гэта значыць, у рамках такога кшталту дакументаў у нас супрацоўніцтва выбудавана дастаткова даўно.Для нас Рэспубліка Беларусь – гэта надзейны стратэгічны партнёр. Мы працуем дастаткова даўно, і гэтае супрацоўніцтва развіваецца. У нас расце тавараабарот. Ёсць міжурадавая рабочая група, якая займаецца ўрэгуляваннем розных пытанняў, у тым ліку звязаных з садзейнічаннем бізнесу па ўстанаўленні новых кантактаў і развіццём ужо дзеючых.Нас звязваюць і пабрацімскія адносіны – паміж Тулай і Магілёвам, Алексінам і Салігорскам, Новамаскоўскам і Бабруйскам. Гэтае ўзаемадзеянне – больш сацыякультурныя і гуманітарныя праекты, праекты патрыятычнага характару, але яны рэалізуюцца рэгулярна. Дарэчы, калегі з Магілёва штогод прыязджаюць у Тулу на святкаванне Дня горада-героя. І мы прыязджаем у Беларусь. Гэта значыць, ідзе добры і таварны абмен, і рэалізацыя сумесных праектаў, і, вядома, культурнае супрацоўніцтва.– Якія напрамкі супрацоўніцтва ў сферы эканомікі Вы лічыце найбольш перспектыўнымі?– Тульская вобласць – гэта безумоўна індустрыяльны цэнтр Расіі. У нас 44% складаюць прамвытворчасці. Таму, канешне, у першую чаргу мы супрацоўнічаем у сферы прамысловасці.Гэта базавыя для нас галіны: металургія, хімія, аўтамабілебудаванне. Наладжваюцца адносіны дастаткова сур’ёзныя ў плане ваенна-тэхнічнага супрацоўніцтва.– Прэзідэнты Уладзімір Пуцін і Аляксандр Лукашэнка неаднаразова адзначалі, што ва ўмовах санкцый калектыўнага Захаду ў дачыненні да Расіі і яе стратэгічнага партнёра Беларусі неабходна паскорыць праграму імпартазамяшчэння. Якія зрухі ёсць у гэтай сферы?– Задача імпартазамяшчэння пастаўлена прэзідэнтам РФ Уладзімірам Пуціным. У студзені бягучага года была зацверджана стратэгія навукова-тэхналагічнага развіцця Саюзнай дзяржавы да 2035 года. І, па сутнасці, гэтая стратэгія прадугледжвае мерапрыемствы, накіраваныя на дасягненне Беларуссю і Расіяй тэхналагічнага суверэнітэту, рэалізацыю сумесных імпартазамяшчальных праектаў, падрыхтоўку спецыялістаў у сферы навукі і іншае.І тут мы, безумоўна, рухаемся. На сённяшні момант мы дастаткова актыўна супрацоўнічаем з Беларуссю ў частцы паставак на беларускі рынак сваёй асноўнай прадукцыі – гэта чыгун і металапракат, у нас металургія займае недзе каля 33-34% у агульным аб’ёме экспарту ў Рэспубліку Беларусь. Далей ідзе прадукцыя хімічнай галіны – каля 22-23%. Гэта і харчовая прадукцыя – дзесьці 16%.І, яшчэ раз падкрэслю, развіваем супрацоўніцтва ў ваенна-тэхнічнай сферы – тут ствараюцца дастаткова трывалыя кантакты.– Вы адзначылі, што Тульская вобласць пастаўляе ў Беларусь шырокі спектр прадукцыі. Што з яго Вы б вылучылі асабліва?– Я думаю, што тульскі пернік ведаюць усе, але зараз рынак Беларусі заваёўвае і бялёўская пасціла – яшчэ наш адзін рэгіянальны брэнд.Мы ў рамках бягучага візіту ў рэспубліку правялі тут вялікі кірмаш "Зроблена ў Тульскай вобласці" – такі, па сутнасці, агульны для розных відаў прадукцыі лакальны брэнд, які мы стараемся прасоўваць, павышаць яго пазнавальнасць, аўтарытэтнасць, ну і, вядома, пры гэтым імкнёмся фарміраваць давер у пакупніка да прадукцыі, якая выраблена ў Тульскай вобласці.– Бачылі і нават спрабавалі – удзячны за такое свята. А вось калі казаць наадварот: у якой прадукцыі Беларусі зацікаўлена Тульская вобласць?– Вядома, гэта прадуктовы тавараабмен. І я магу сказаць, што ў тульскага пакупніка ёсць высокі ўзровень даверу да беларускай прадукцыі. Гэта найперш мясныя і малочныя прадукты. Ёсць крамы, якія спецыялізуюцца менавіта на продажы прадукцыі, вырабленай у Беларусі. Таксама праводзяцца кірмашы беларускіх тавараў.Калі казаць пра больш маштабныя рэчы, то гэта кампаненты для нашых прадпрыемстваў абаронна-прамысловага комплексу, гэта і легпрам, гэта прадукты цэлюлозна-папяровай прамысловасці – тая сыравіна, якая сёння неабходна для працы прадпрыемстваў Тульскай вобласці.– На адной са сваіх сустрэч кіраўнікі Беларусі і Расіі Аляксандр Лукашэнка і Уладзімір Пуцін адзначылі, што лагістыка – гэта драйвер павелічэння ўзаемнага тавараабароту. Як з беларускім бокам вырашаюцца пытанні развіцця рэгіянальных перавозак і ці абмяркоўваліся пастаўкі тэхнікі "Тулачыгдармаша" ў Беларусь?– Сёння расійскі бізнес шмат у чым вымушаны шукаць новых партнёраў, выбудоўваць новыя лагістычныя ланцужкі, і, вядома, ёсць пэўныя транспартныя нюансы. Але Беларусь знаходзіцца дастаткова блізка, таму тут, на мой погляд, з пункту гледжання паставак тавараў, тавараабмену асаблівых праблем няма. Найбольш папулярныя на сёння магчымасці, якія выкарыстоўваюць нашы і беларускія прадпрымальнікі, звязаны з аўтамабільным і чыгуначным транспартам.Наконт "Тулачыгдармаша", які вырабляе ўнікальныя машыны для абслугоўвання пуцей і з’яўляецца найбуйнейшым у Расіі вытворцам пуцявой тэхнікі, то ў рамках гэтага візіту абмеркаванні адбыліся і ёсць папярэднія дамоўленасці аб заключэнні кантракта на пастаўку такой тэхнікі ў Беларусь на суму каля 600 млн расійскіх рублёў, кантракт плануецца падпісаць да канца бягучага года.– Тульская вобласць унікальная не толькі сваёй прамысловасцю – у вас актыўна развіваецца і сельская гаспадарка.– Тульская вобласць не самы сельскагаспадарчы рэгіён РФ, хоць за апошнія 10-12 гадоў мы зрабілі сур’ёзны прарыў. Напрыклад, за гэты перыяд мы давялі збор збожжа да 2,5 млн тон, гэта значыць павялічылі ўтрая. Я думаю, што хутка прыйдзем да адзнакі ў 3 млн. Таксама вырабляем дастаткова шмат бульбы – у Расійскай Федэрацыі займаем другое месца па яе вырошчванні, агульны аб’ём штогадовы недзе каля 700-750 тыс тон. Акрамя таго, рэалізавана шмат праектаў у сферы нават не столькі сельскай гаспадаркі, а аграпрамысловага комплексу. Гэта перапрацоўка, у тым ліку і новыя харчовыя вытворчасці.Мы супрацоўнічаем з беларускім бокам, але, не буду хітраваць, гэтае супрацоўніцтва яшчэ трэба нарошчваць. Тульская вобласць выкарыстоўвае насенне беларускай селекцыі, але пакуль што іх удзельная вага невялікая. У рамках гэтага візіту дасягнута дамоўленасць аб пастаўцы беларускага насення ячменю і рапсу ў Тульскую вобласць. У нас ёсць кампанія, якая займаецца закупкай насеннага матэрыялу з наступнай пастаўкай нашым сельгасвытворцам. Думаю, што ў гэтай частцы мы будзем развіваць супрацоўніцтва.Хачу адзначыць, што ў сферы АПК у нас больш актыўнае ўзаемадзеянне па сельскагаспадарчай тэхніцы – беларускія камбайны і трактары працуюць на палях Тульскай вобласці.– Нядаўна ўздымалася пытанне аб адкрыцці ў рэгіёне беларускага мультыбрэндавага цэнтра. Як рэалізуюцца гэтыя планы?– У нас ёсць кампанія, якая гатова ўзяцца за гэтае пытанне. Вядома, яно запатрабуе дадатковай прапрацоўкі, але ёсць думкі аб стварэнні такога мультыбрэндавага цэнтра, тым больш што ў нас працуе і тэхніка МТЗ, і Белкамунмаша, і МАЗ, і гэтак далей.У нас нават у падведамасных ураду ўстановах больш за 200 адзінак такой тэхнікі працуе, і ёсць планы па набыцці ў 2025 годзе. Таму стварэнне такога цэнтра магло б паўплываць на пашырэнне супрацоўніцтва ў частцы паставак беларускай тэхнікі ў Тульскую вобласць і забеспячэнне яе належнага абслугоўвання, і мы працуем над гэтым пытаннем.– Беларусь і Тульскую вобласць можна назваць блізкімі суседзямі – дабрацца нескладана ці з беларускім бокам абмяркоўвалася пытанне аб турызме?–- Трэба адзін пра аднаго больш распавядаць, ніякіх цудаў тут устройваць не трэба. Я думаю, што кожны туляк ведае Рэспубліку Беларусь у той ці іншай ступені, многія тут бывалі. Я прыязджаў сюды шмат разоў, у розных іпастасях, і думаю, што проста трэба папулярызаваць гэты кірунак.Калі браць структуру замежнага турызму, дык беларусы ў нас займаюць другое месца. У аснове сваёй гэта турызм больш экскурсійна-пазнавальны. Турызм мы спрабуем развіваць – у нас значна змяніўся горад Тула, муніцыпальныя цэнтры, мы аднавілі музеі-сядзібы, у нас больш за 120 музеяў, прычым шмат федэральных музеяў, рэгіянальных – вельмі цікавых. Ёсць нават музейны квартал, які ў гістарычным цэнтры Тулы засяроджаны. Гэта пункты прыцягнення для ўсіх турыстаў, і думаю, што беларусам таксама будзе цікава.Што тычыцца прыезду тулякоў у Беларусь, то тут, вядома, больш санаторна-аздараўленчы вектар, хаця і экскурсіі таксама вабяць. Думаю, што па выніках візіту мы знойдзем магчымасці для падпісання дадатковых пагадненняў з тураператарамі, каб папулярызаваць гэтыя кірункі. Мы гасцям заўсёды рады, тым больш з Рэспублікі Беларусь.– Расію і Беларусь аб’ядноўвае не толькі эканоміка, але і культура, гуманітарная сфера. Ці ёсць кропкі судакранання з Тульскай вобласцю ў гэтых пытаннях?– Так, актыўна ўзаемадзейнічаем і ў рамках пабрацімскіх узаемаадносін, і на міжмуніцыпальным узроўні ўсё вельмі актыўна. Нашы дэлегацыі прыязджаюць у Магілёў, прыязджаюць у Мінск дастаткова часта. Праводзім розныя фестывалі, у тым ліку гэта і самадзейнасць, і народныя промыслы. Ёсць і абменныя гастролі – напрыклад, з Магілёўскім акадэмічным музычным тэатрам. Ён да нас прыязджае са сваімі пастаноўкамі, мы – сюды.З майго пункту гледжання, тут мы працуем дастаткова нядрэнна. Вядома, любую працу трэба пашыраць і рабіць яе багацей. Беларусы і тулякі вельмі блізкія адзін аднаму па духу, па менталітэце, і такі сацыякультурны абмен важна пашыраць, асабліва ў тых умовах, у якіх сёння знаходзяцца нашы краіны.– У наступным годзе мы будзем адзначаць 80-годдзе Вялікай Перамогі. Не сакрэт, што калектыўны Захад спрабуе перапісаць гісторыю Другой сусветнай вайны, гераізаваць нацызм. На вашу думку, чаму сёння неабходна захаваць гістарычную памяць і перадаць яе наступным пакаленням?– Тыя спробы і спробы, якія робяцца з боку заходніх краін, яны вымушаюць нас да таго, каб змагацца за захаванне гэтай гістарычнай праўды. Упэўнен, для кожнай сям’і ў Расіі, для кожнай сям’і ў Беларусі памяць аб гадах Вялікай Айчыннай вайны – святая, і ў словах, якія часта паўтараюцца, што гэтая вайна закранула ў той ці іншай ступені кожную расійскую або беларускую сям’ю, няма ніякага пафасу. Гэта была страшная падзея, якую некалі перажыла наша краіна. Потым быў пасляваенны час – будаўніцтва і аднаўленне вытворчасцей, прамысловасці, сельскай гаспадаркі. Для нас гэта важна.Безумоўна, мы рыхтуемся да святкавання 80-годдзя Перамогі ў Вялікай Айчыннай вайне. У тым ліку і з беларускімі калегамі будзем праводзіць сумесныя мерапрыемствы – як на тэрыторыі Тульскай вобласці, так і на тэрыторыі Беларусі.Нам з вамі вельмі важна займацца ўцягваннем у гэтыя мерапрыемствы моладзі, тое ж тычыцца і патрыятычнага выхавання. Моладзь – гэта будучыня нашых краін, і па-іншаму проста нельга. І будзем, як і раней, рухацца ў гэтым напрамку разам.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
тульская вобласць
Sputnik Беларусь
media@sputniknews.com
+74956456601
MIA „Rossiya Segodnya“
2024
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
саюзная дзяржава, эксклюзіў, інтэрв'ю, дзмітрый міляеў, тульская вобласць, грамадства, эканоміка, палітыка, бяспека
саюзная дзяржава, эксклюзіў, інтэрв'ю, дзмітрый міляеў, тульская вобласць, грамадства, эканоміка, палітыка, бяспека
Прэзідэнты Беларусі і Расіі Аляксандр Лукашэнка і Уладзімір Пуцін ва ўмовах санкцый, уведзеных калектыўным Захадам супраць дзвюх краін, неаднаразова адзначалі, што ў Саюзнай дзяржаве неабходна паскорыць праграму імпартазамяшчэння. Пры гэтым упор быў зроблены на рэгіянальнае супрацоўніцтва.
Аб тым, як развіваецца ўзаемадзеянне паміж Беларуссю і адным з суб’ектаў РФ – Тульскай вобласцю, расказаў у інтэрв’ю Sputnik кіраўнік гэтага расійскага рэгіёна Дзмітрый Міляеў.
– Беларусь і Тульская вобласць даўнія партнёры. Пагадненне паміж урадам Беларусі і адміністрацыяй Тульскай вобласці аб гандлёва-эканамічным і культурным супрацоўніцтве было падпісана яшчэ ў 2003 годзе. Як Вы сёння ацэньваеце ўзаемадзеянне з беларускімі партнёрамі?
– Нашы партнёрскія адносіны пачаліся нават раней, таму што першыя пагадненні аб супрацоўніцтве падпісваліся асобна з абласцямі. У 1996 годзе такое пагадненне было падпісана з Мінскай вобласцю. Затым ужо было пагадненне, якое вы згадалі. Ёсць пагадненне аб развіцці супрацоўніцтва з Магілёўскай і Гродзенскай абласцямі. Гэта значыць, у рамках такога кшталту дакументаў у нас супрацоўніцтва выбудавана дастаткова даўно.
Для нас Рэспубліка Беларусь – гэта надзейны стратэгічны партнёр. Мы працуем дастаткова даўно, і гэтае супрацоўніцтва развіваецца. У нас расце тавараабарот. Ёсць міжурадавая рабочая група, якая займаецца ўрэгуляваннем розных пытанняў, у тым ліку звязаных з садзейнічаннем бізнесу па ўстанаўленні новых кантактаў і развіццём ужо дзеючых.
Нас звязваюць і пабрацімскія адносіны – паміж Тулай і Магілёвам, Алексінам і Салігорскам, Новамаскоўскам і Бабруйскам. Гэтае ўзаемадзеянне – больш сацыякультурныя і гуманітарныя праекты, праекты патрыятычнага характару, але яны рэалізуюцца рэгулярна. Дарэчы, калегі з Магілёва штогод прыязджаюць у Тулу на святкаванне Дня горада-героя. І мы прыязджаем у Беларусь. Гэта значыць, ідзе добры і таварны абмен, і рэалізацыя сумесных праектаў, і, вядома, культурнае супрацоўніцтва.
– Якія напрамкі супрацоўніцтва ў сферы эканомікі Вы лічыце найбольш перспектыўнымі?
– Тульская вобласць – гэта безумоўна індустрыяльны цэнтр Расіі. У нас 44% складаюць прамвытворчасці. Таму, канешне, у першую чаргу мы супрацоўнічаем у сферы прамысловасці.
Гэта базавыя для нас галіны: металургія, хімія, аўтамабілебудаванне. Наладжваюцца адносіны дастаткова сур’ёзныя ў плане ваенна-тэхнічнага супрацоўніцтва.
– Прэзідэнты Уладзімір Пуцін і Аляксандр Лукашэнка неаднаразова адзначалі, што ва ўмовах санкцый калектыўнага Захаду ў дачыненні да Расіі і яе стратэгічнага партнёра Беларусі неабходна паскорыць праграму імпартазамяшчэння. Якія зрухі ёсць у гэтай сферы?
– Задача імпартазамяшчэння пастаўлена прэзідэнтам РФ Уладзімірам Пуціным. У студзені бягучага года была зацверджана стратэгія навукова-тэхналагічнага развіцця Саюзнай дзяржавы да 2035 года. І, па сутнасці, гэтая стратэгія прадугледжвае мерапрыемствы, накіраваныя на дасягненне Беларуссю і Расіяй тэхналагічнага суверэнітэту, рэалізацыю сумесных імпартазамяшчальных праектаў, падрыхтоўку спецыялістаў у сферы навукі і іншае.
І тут мы, безумоўна, рухаемся. На сённяшні момант мы дастаткова актыўна супрацоўнічаем з Беларуссю ў частцы паставак на беларускі рынак сваёй асноўнай прадукцыі – гэта чыгун і металапракат, у нас металургія займае недзе каля 33-34% у агульным аб’ёме экспарту ў Рэспубліку Беларусь. Далей ідзе прадукцыя хімічнай галіны – каля 22-23%. Гэта і харчовая прадукцыя – дзесьці 16%.
І, яшчэ раз падкрэслю, развіваем супрацоўніцтва ў ваенна-тэхнічнай сферы – тут ствараюцца дастаткова трывалыя кантакты.
– Вы адзначылі, што Тульская вобласць пастаўляе ў Беларусь шырокі спектр прадукцыі. Што з яго Вы б вылучылі асабліва?
– Я думаю, што тульскі пернік ведаюць усе, але зараз рынак Беларусі заваёўвае і бялёўская пасціла – яшчэ наш адзін рэгіянальны брэнд.
Мы ў рамках бягучага візіту ў рэспубліку правялі тут вялікі кірмаш "Зроблена ў Тульскай вобласці" – такі, па сутнасці, агульны для розных відаў прадукцыі лакальны брэнд, які мы стараемся прасоўваць, павышаць яго пазнавальнасць, аўтарытэтнасць, ну і, вядома, пры гэтым імкнёмся фарміраваць давер у пакупніка да прадукцыі, якая выраблена ў Тульскай вобласці.
– Бачылі і нават спрабавалі – удзячны за такое свята. А вось калі казаць наадварот: у якой прадукцыі Беларусі зацікаўлена Тульская вобласць?
– Вядома, гэта прадуктовы тавараабмен. І я магу сказаць, што ў тульскага пакупніка ёсць высокі ўзровень даверу да беларускай прадукцыі. Гэта найперш мясныя і малочныя прадукты. Ёсць крамы, якія спецыялізуюцца менавіта на продажы прадукцыі, вырабленай у Беларусі. Таксама праводзяцца кірмашы беларускіх тавараў.
Калі казаць пра больш маштабныя рэчы, то гэта кампаненты для нашых прадпрыемстваў абаронна-прамысловага комплексу, гэта і легпрам, гэта прадукты цэлюлозна-папяровай прамысловасці – тая сыравіна, якая сёння неабходна для працы прадпрыемстваў Тульскай вобласці.
– На адной са сваіх сустрэч кіраўнікі Беларусі і Расіі Аляксандр Лукашэнка і Уладзімір Пуцін адзначылі, што лагістыка – гэта драйвер павелічэння ўзаемнага тавараабароту. Як з беларускім бокам вырашаюцца пытанні развіцця рэгіянальных перавозак і ці абмяркоўваліся пастаўкі тэхнікі "Тулачыгдармаша" ў Беларусь?
– Сёння расійскі бізнес шмат у чым вымушаны шукаць новых партнёраў, выбудоўваць новыя лагістычныя ланцужкі, і, вядома, ёсць пэўныя транспартныя нюансы. Але Беларусь знаходзіцца дастаткова блізка, таму тут, на мой погляд, з пункту гледжання паставак тавараў, тавараабмену асаблівых праблем няма. Найбольш папулярныя на сёння магчымасці, якія выкарыстоўваюць нашы і беларускія прадпрымальнікі, звязаны з аўтамабільным і чыгуначным транспартам.
Наконт "Тулачыгдармаша", які вырабляе ўнікальныя машыны для абслугоўвання пуцей і з’яўляецца найбуйнейшым у Расіі вытворцам пуцявой тэхнікі, то ў рамках гэтага візіту абмеркаванні адбыліся і ёсць папярэднія дамоўленасці аб заключэнні кантракта на пастаўку такой тэхнікі ў Беларусь на суму каля 600 млн расійскіх рублёў, кантракт плануецца падпісаць да канца бягучага года.
– Тульская вобласць унікальная не толькі сваёй прамысловасцю – у вас актыўна развіваецца і сельская гаспадарка.
– Тульская вобласць не самы сельскагаспадарчы рэгіён РФ, хоць за апошнія 10-12 гадоў мы зрабілі сур’ёзны прарыў. Напрыклад, за гэты перыяд мы давялі збор збожжа да 2,5 млн тон, гэта значыць павялічылі ўтрая. Я думаю, што хутка прыйдзем да адзнакі ў 3 млн. Таксама вырабляем дастаткова шмат бульбы – у Расійскай Федэрацыі займаем другое месца па яе вырошчванні, агульны аб’ём штогадовы недзе каля 700-750 тыс тон. Акрамя таго, рэалізавана шмат праектаў у сферы нават не столькі сельскай гаспадаркі, а аграпрамысловага комплексу. Гэта перапрацоўка, у тым ліку і новыя харчовыя вытворчасці.
Мы супрацоўнічаем з беларускім бокам, але, не буду хітраваць, гэтае супрацоўніцтва яшчэ трэба нарошчваць. Тульская вобласць выкарыстоўвае насенне беларускай селекцыі, але пакуль што іх удзельная вага невялікая. У рамках гэтага візіту дасягнута дамоўленасць аб пастаўцы беларускага насення ячменю і рапсу ў Тульскую вобласць. У нас ёсць кампанія, якая займаецца закупкай насеннага матэрыялу з наступнай пастаўкай нашым сельгасвытворцам. Думаю, што ў гэтай частцы мы будзем развіваць супрацоўніцтва.
Хачу адзначыць, што ў сферы АПК у нас больш актыўнае ўзаемадзеянне па сельскагаспадарчай тэхніцы – беларускія камбайны і трактары працуюць на палях Тульскай вобласці.
– Нядаўна ўздымалася пытанне аб адкрыцці ў рэгіёне беларускага мультыбрэндавага цэнтра. Як рэалізуюцца гэтыя планы?
– У нас ёсць кампанія, якая гатова ўзяцца за гэтае пытанне. Вядома, яно запатрабуе дадатковай прапрацоўкі, але ёсць думкі аб стварэнні такога мультыбрэндавага цэнтра, тым больш што ў нас працуе і тэхніка МТЗ, і Белкамунмаша, і МАЗ, і гэтак далей.
У нас нават у падведамасных ураду ўстановах больш за 200 адзінак такой тэхнікі працуе, і ёсць планы па набыцці ў 2025 годзе. Таму стварэнне такога цэнтра магло б паўплываць на пашырэнне супрацоўніцтва ў частцы паставак беларускай тэхнікі ў Тульскую вобласць і забеспячэнне яе належнага абслугоўвання, і мы працуем над гэтым пытаннем.
– Беларусь і Тульскую вобласць можна назваць блізкімі суседзямі – дабрацца нескладана ці з беларускім бокам абмяркоўвалася пытанне аб турызме?
–- Трэба адзін пра аднаго больш распавядаць, ніякіх цудаў тут устройваць не трэба. Я думаю, што кожны туляк ведае Рэспубліку Беларусь у той ці іншай ступені, многія тут бывалі. Я прыязджаў сюды шмат разоў, у розных іпастасях, і думаю, што проста трэба папулярызаваць гэты кірунак.
Калі браць структуру замежнага турызму, дык беларусы ў нас займаюць другое месца. У аснове сваёй гэта турызм больш экскурсійна-пазнавальны. Турызм мы спрабуем развіваць – у нас значна змяніўся горад Тула, муніцыпальныя цэнтры, мы аднавілі музеі-сядзібы, у нас больш за 120 музеяў, прычым шмат федэральных музеяў, рэгіянальных – вельмі цікавых. Ёсць нават музейны квартал, які ў гістарычным цэнтры Тулы засяроджаны. Гэта пункты прыцягнення для ўсіх турыстаў, і думаю, што беларусам таксама будзе цікава.
Што тычыцца прыезду тулякоў у Беларусь, то тут, вядома, больш санаторна-аздараўленчы вектар, хаця і экскурсіі таксама вабяць. Думаю, што па выніках візіту мы знойдзем магчымасці для падпісання дадатковых пагадненняў з тураператарамі, каб папулярызаваць гэтыя кірункі. Мы гасцям заўсёды рады, тым больш з Рэспублікі Беларусь.
– Расію і Беларусь аб’ядноўвае не толькі эканоміка, але і культура, гуманітарная сфера. Ці ёсць кропкі судакранання з Тульскай вобласцю ў гэтых пытаннях?
– Так, актыўна ўзаемадзейнічаем і ў рамках пабрацімскіх узаемаадносін, і на міжмуніцыпальным узроўні ўсё вельмі актыўна. Нашы дэлегацыі прыязджаюць у Магілёў, прыязджаюць у Мінск дастаткова часта. Праводзім розныя фестывалі, у тым ліку гэта і самадзейнасць, і народныя промыслы. Ёсць і абменныя гастролі – напрыклад, з Магілёўскім акадэмічным музычным тэатрам. Ён да нас прыязджае са сваімі пастаноўкамі, мы – сюды.
З майго пункту гледжання, тут мы працуем дастаткова нядрэнна. Вядома, любую працу трэба пашыраць і рабіць яе багацей. Беларусы і тулякі вельмі блізкія адзін аднаму па духу, па менталітэце, і такі сацыякультурны абмен важна пашыраць, асабліва ў тых умовах, у якіх сёння знаходзяцца нашы краіны.
– У наступным годзе мы будзем адзначаць 80-годдзе Вялікай Перамогі. Не сакрэт, што калектыўны Захад спрабуе перапісаць гісторыю Другой сусветнай вайны, гераізаваць нацызм. На вашу думку, чаму сёння неабходна захаваць гістарычную памяць і перадаць яе наступным пакаленням?
– Тыя спробы і спробы, якія робяцца з боку заходніх краін, яны вымушаюць нас да таго, каб змагацца за захаванне гэтай гістарычнай праўды. Упэўнен, для кожнай сям’і ў Расіі, для кожнай сям’і ў Беларусі памяць аб гадах Вялікай Айчыннай вайны – святая, і ў словах, якія часта паўтараюцца, што гэтая вайна закранула ў той ці іншай ступені кожную расійскую або беларускую сям’ю, няма ніякага пафасу. Гэта была страшная падзея, якую некалі перажыла наша краіна. Потым быў пасляваенны час – будаўніцтва і аднаўленне вытворчасцей, прамысловасці, сельскай гаспадаркі. Для нас гэта важна.
Безумоўна, мы рыхтуемся да святкавання 80-годдзя Перамогі ў Вялікай Айчыннай вайне. У тым ліку і з беларускімі калегамі будзем праводзіць сумесныя мерапрыемствы – як на тэрыторыі Тульскай вобласці, так і на тэрыторыі Беларусі.
Нам з вамі вельмі важна займацца ўцягваннем у гэтыя мерапрыемствы моладзі, тое ж тычыцца і патрыятычнага выхавання. Моладзь – гэта будучыня нашых краін, і па-іншаму проста нельга. І будзем, як і раней, рухацца ў гэтым напрамку разам.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
