https://bel.sputnik.by/20241115/fotavystava-aznavur-vacham-kasparana-adkrylasya--mnsku-1091155601.html
Фотавыстава "Азнавур вачамі Каспарана" адкрылася ў Мінску
Фотавыстава "Азнавур вачамі Каспарана" адкрылася ў Мінску
Sputnik Беларусь
На выставе прадстаўлены работы вядомага французскага фатографа Ражэ Каспарана, які таксама, як і Азнавур, мае армянскія карані. 15.11.2024, Sputnik Беларусь
2024-11-15T17:57+0300
2024-11-15T17:57+0300
2024-11-15T17:57+0300
шарль азнавур
выстава
фота
мінск
музыка
культура
у беларусі
беларусь
навіны
францыя
https://cdnn11.img.sputnik.by/img/07e8/0b/0f/1091144752_0:0:3070:1728_1920x0_80_0_0_6a774b24ee4493f31bcd5674f840ee56.jpg
МІНСК, 15 ліс – Sputnik. Выстава фотаработ, прысвечаная 100-годдзю з дня нараджэння знакамітага французскага шансанье Шарля Азнавура, адкрылася ў Мінску, паведамляе Sputnik.Як адзначыў павераны ў справах Францыі ў Беларусі Людовік Руае на цырымоніі адкрыцця выставы, голас і паэзія Азнавура складаюць неад’емную частку культурнай спадчыны Францыі.На выставе пад назвай "Азнавур вачамі Каспарана" прэзентаваны работы вядомага французскага фатографа Ражэ Каспарана, які таксама мае армянскія карані."Каспаран захапляўся Азнавурам за яго талент, шчырасць і глыбіню эмоцый, якія адлюстраваны ў яго песнях. Гэтыя двое мужчын сталі блізкімі сябрамі падчас працяглых фотасесій, іх аб’ядноўвала многае: армянскія карані, глыбокае каханне да культуры і абсалютная адданасць сваёй справе", - падкрэсліў Руае.На адкрыцці выставы ў Мінску таксама прысутнічала дачка вядомага фатографа Лідзія Каспаран. Яна прызналася, што гэта вялікі гонар адкрываць у Беларусі фотавыставу яе бацькі аб Азнавуры ў 1960-х гадах.Лідзія Каспаран расказала, што яе бацька фатаграфаваў найвялікшых зорак французскай і сусветнай сцэны, але яго шчырай марай было здымаць менавіта Азнавура, не толькі таму, што ён таксама быў армянінам, але і "прыкладам, і маяком для многіх".Усяго на фотавыставе дэманструецца некалькі дзесяткаў фотаработ, на якіх адлюстраваны не толькі моманты з выступленняў Азнавура, але і кадры сямейных сцэн, сяброўскіх сустрэч і закуліснага жыцця артыста. Раней гэтыя работы таксама былі выстаўлены ў Нью-Йорку, Кувейце і Арменіі.Французскае пасольства ў супрацоўніцтве з беларускімі партнёрамі сумясціла адкрыццё гэтай унікальнай выстаўкі з паказам фільма "Месье Азнавур" у адным са сталічных кінабуцікоў.Гэты фільм расказвае пра тое, як у 1950-х гадах Азнавур, пераадолеўшы ўсе перашкоды, якія гадамі заміналі яму, нарэшце, дабіўся прызнання.Шансанье яшчэ пры жыцці даў дазвол на стварэнне гэтага біяграфічнага фільма. Прадзюсарам фільма выступіў Жан-Рашыд Калуш – муж дачкі Азнавура Каці Азнавур.Фільм і фотавыставу можна паглядзець да канца лістапада па адрасе: праспект Пераможцаў, 20.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20161215/nevyadomy-malyunak-da-vinchy-znojdzeny-u-francyi-1026519190.html
мінск
беларусь
францыя
арменія
Sputnik Беларусь
media@sputniknews.com
+74956456601
MIA „Rossiya Segodnya“
2024
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
шарль азнавур, выстава, фота, мінск, музыка, культура, у беларусі, беларусь, навіны , францыя, арменія, у свеце, пасольства
шарль азнавур, выстава, фота, мінск, музыка, культура, у беларусі, беларусь, навіны , францыя, арменія, у свеце, пасольства
Фотавыстава "Азнавур вачамі Каспарана" адкрылася ў Мінску
На выставе прадстаўлены работы вядомага французскага фатографа Ражэ Каспарана, які таксама, як і Азнавур, мае армянскія карані.
МІНСК, 15 ліс – Sputnik. Выстава фотаработ, прысвечаная 100-годдзю з дня нараджэння знакамітага французскага шансанье Шарля Азнавура, адкрылася ў Мінску, паведамляе Sputnik.
Як адзначыў павераны ў справах Францыі ў Беларусі Людовік Руае на цырымоніі адкрыцця выставы, голас і паэзія Азнавура складаюць неад’емную частку культурнай спадчыны Францыі.
"Уплыў і дзейнасць Азнавура выходзілі далёка за рамкі музыкі. А яго талент спяваць на некалькіх мовах пакарыў сусветную аўдыторыю, знайшоўшы водгук у сэрцах мільёнаў людзей. Хоць ён быў адданым сынам Францыі, ён ніколі не забываўся на сваё армянскае паходжанне", - адзначыў французскі дыпламат.
На выставе пад назвай "Азнавур вачамі Каспарана" прэзентаваны работы вядомага французскага фатографа Ражэ Каспарана, які таксама мае армянскія карані.
"Каспаран захапляўся Азнавурам за яго талент, шчырасць і глыбіню эмоцый, якія адлюстраваны ў яго песнях. Гэтыя двое мужчын сталі блізкімі сябрамі падчас працяглых фотасесій, іх аб’ядноўвала многае: армянскія карані, глыбокае каханне да культуры і абсалютная адданасць сваёй справе", - падкрэсліў Руае.
На адкрыцці выставы ў Мінску таксама прысутнічала дачка вядомага фатографа Лідзія Каспаран. Яна прызналася, што гэта вялікі гонар адкрываць у Беларусі фотавыставу яе бацькі аб Азнавуры ў 1960-х гадах.
Лідзія Каспаран расказала, што яе бацька фатаграфаваў найвялікшых зорак французскай і сусветнай сцэны, але яго шчырай марай было здымаць менавіта Азнавура, не толькі таму, што ён таксама быў армянінам, але і "прыкладам, і маяком для многіх".
Усяго на фотавыставе дэманструецца некалькі дзесяткаў фотаработ, на якіх адлюстраваны не толькі моманты з выступленняў Азнавура, але і кадры сямейных сцэн, сяброўскіх сустрэч і закуліснага жыцця артыста. Раней гэтыя работы таксама былі выстаўлены ў Нью-Йорку, Кувейце і Арменіі.
Французскае пасольства ў супрацоўніцтве з беларускімі партнёрамі сумясціла адкрыццё гэтай унікальнай выстаўкі з паказам фільма "Месье Азнавур" у адным са сталічных кінабуцікоў.
Гэты фільм расказвае пра тое, як у 1950-х гадах Азнавур, пераадолеўшы ўсе перашкоды, якія гадамі заміналі яму, нарэшце, дабіўся прызнання.
Шансанье яшчэ пры жыцці даў дазвол на стварэнне гэтага біяграфічнага фільма. Прадзюсарам фільма выступіў Жан-Рашыд Калуш – муж дачкі Азнавура Каці Азнавур.
Фільм і фотавыставу можна паглядзець да канца лістапада па адрасе: праспект Пераможцаў, 20.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
