https://bel.sputnik.by/20241214/kulnarny-ray--lka-dabra-zhonk-paslo-pravyal-kalyadny-krmash-1091907241.html
Кулінарны рай і "Ёлка дабра": жонкі паслоў правялі Калядны кірмаш
Кулінарны рай і "Ёлка дабра": жонкі паслоў правялі Калядны кірмаш
Sputnik Беларусь
Каб пакаштаваць нацыянальныя стравы і пазнаёміцца з культурай розных краін не заўсёды трэба кудысьці ляцець, сёння такая магчымасць выпала тым, хто прыйшоў на... 14.12.2024, Sputnik Беларусь
2024-12-14T17:57+0300
2024-12-14T17:57+0300
2024-12-14T17:57+0300
ёлка
пасольства
свята
кірмаш
калядны кірмаш
дабрачыннасць
грамадства
палітыка
новы год - 2025
мінск
https://cdnn11.img.sputnik.by/img/07e8/0c/0e/1091906725_0:0:1280:721_1920x0_80_0_0_902701e3b89585b668885fce791c3e48.jpg
МІНСК, 14 сне – Sputnik. Мінскі міжнародны жаночы клуб жонак паслоў, дыпламатаў і замежных прадстаўнікоў арганізаваў штогадовы Калядны дабрачынны кірмаш у Мінску, перадае карэспандэнт Sputnik.У гэтым годзе мерапрыемства правялі ў гасцініцы "Прэзідэнт-Атэль". Пачастункі на любы густ і эксклюзіўныя сувеніры прапанавалі 18 краін. Як і ў мінулыя гады, жадаючых набыць тавары і заадно падтрымаць дабрачынны праект было вельмі шмат.Пасольства Расіі разам з Рускім домам і філіялам РДСУ з сапраўднай рускай гасціннасцю сустракалі гасцей і прапаноўвалі разнастайныя прысмакі. Піражкі з мясам, капустай, яблыкам, тарталеткі з салатам аліўе, бліны з чырвонай ікрой і рыбай – выбар быў велізарны.Дарослыя з цікавасцю разглядалі размаляваныя матрошкі, драўляныя лыжкі і паўлавапасадскія хусткі, а дзеці ўдзельнічалі ў майстар-класе па ўпрыгожванні пернікаў.Венесуэла прапанавала на кірмашы нацыянальную каву, асвяжальныя напоі, гарбузовыя кексы.Духмяны плоў з баранінай, выпечку з сырам і шпінатам, а таксама цукеркі з фінікаў можна было набыць каля стэнда Аб’яднаных Арабскіх Эміратаў.Многія імкнуліся прымерыць традыцыйны в’етнамскі капялюш – нон. Хтосьці фатаграфаваўся ў ім, а хтосьці купляў у якасці сувеніра. Таксама тут можна было купіць размаляваныя вееры.Іран падрыхтаваў шырокі асартымент вырабаў ручной працы – сувенірныя талеркі, цукерачкі, керамічныя вазы, абрусы, сумкі, шарсцяныя дываны. Вялікім попытам у наведвальнікаў карысталіся іранскія фісташкі і прысмакі.Сакавітыя гранаты, кутабы з мясам і зелянінай, шэкербура, плоў – гэтыя і іншыя нацыянальныя стравы можна было паспрабаваць каля стэнда Азербайджана.Ёлка жаданняўУ цэнтры хола красавалася незвычайная ёлка – на ёй размясціліся пасланні Дзеду Марозу ад дзяцей з асаблівасцямі развіцця з Асіповіцкай спецыяльнай школы-інтэрната. Як адзначыла жонка міністра замежных спраў Беларусі Наталля Рыжанкова, найважнейшы момант гэтага кірмашу – гэта "Ёлка дабра"."Таму што дапамагаць можа кожны, але, напэўна, можа, не кожны ведае, як зрабіць гэты першы крок. І сёння гэтая магчымасць можа з'явіцца. Калі ўзяць пісьмо з гэтай ёлкі і зрабіць падарунак таму дзіцяці, тым дзецям, якія сапраўды гэтага чакаюць, для іх гэта будзе такой перадачай вашага дабра ім і напоўніць іх жыццё вялікім шчасцем”, - цытуе Рыжанкову партал News.by.Таксама для гасцей кірмашу арганізавалі канцэртную праграму і розыгрыш латарэі з уручэннем падарункаў ад прадстаўніцтваў дыпламатычных місій у Беларусі.Усе сродкі, атрыманыя ад продажу нацыянальных сувеніраў і латарэйных білетаў, будуць накіраваны на дабрачынныя праекты.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20241213/dzedmarobus--belarusk-kosmas--u-grodne-zyavlasya-aleya-kreatynykh-lak-1091893296.html
мінск
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2024
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
ёлка, пасольства, свята, кірмаш, калядны кірмаш, дабрачыннасць, грамадства, палітыка, новы год - 2025, мінск, у беларусі, беларусь, у свеце, дзеці, пасольства рф у беларусі
ёлка, пасольства, свята, кірмаш, калядны кірмаш, дабрачыннасць, грамадства, палітыка, новы год - 2025, мінск, у беларусі, беларусь, у свеце, дзеці, пасольства рф у беларусі
Кулінарны рай і "Ёлка дабра": жонкі паслоў правялі Калядны кірмаш
Каб пакаштаваць нацыянальныя стравы і пазнаёміцца з культурай розных краін не заўсёды трэба кудысьці ляцець, сёння такая магчымасць выпала тым, хто прыйшоў на дабрачынны кірмаш, арганізаваны жонкамі паслоў і дыпламатаў.
МІНСК, 14 сне – Sputnik. Мінскі міжнародны жаночы клуб жонак паслоў, дыпламатаў і замежных прадстаўнікоў арганізаваў штогадовы Калядны дабрачынны кірмаш у Мінску, перадае карэспандэнт Sputnik.
У гэтым годзе мерапрыемства правялі ў гасцініцы "Прэзідэнт-Атэль". Пачастункі на любы густ і эксклюзіўныя сувеніры прапанавалі 18 краін. Як і ў мінулыя гады, жадаючых набыць тавары і заадно падтрымаць дабрачынны праект было вельмі шмат.
Пасольства Расіі разам з Рускім домам і філіялам РДСУ з сапраўднай рускай гасціннасцю сустракалі гасцей і прапаноўвалі разнастайныя прысмакі. Піражкі з мясам, капустай, яблыкам, тарталеткі з салатам аліўе, бліны з чырвонай ікрой і рыбай – выбар быў велізарны.
Дарослыя з цікавасцю разглядалі размаляваныя матрошкі, драўляныя лыжкі і паўлавапасадскія хусткі, а дзеці ўдзельнічалі ў майстар-класе па ўпрыгожванні пернікаў.
Венесуэла прапанавала на кірмашы нацыянальную каву, асвяжальныя напоі, гарбузовыя кексы.
Духмяны плоў з баранінай, выпечку з сырам і шпінатам, а таксама цукеркі з фінікаў можна было набыць каля стэнда Аб’яднаных Арабскіх Эміратаў.
Многія імкнуліся прымерыць традыцыйны в’етнамскі капялюш – нон. Хтосьці фатаграфаваўся ў ім, а хтосьці купляў у якасці сувеніра. Таксама тут можна было купіць размаляваныя вееры.
Іран падрыхтаваў шырокі асартымент вырабаў ручной працы – сувенірныя талеркі, цукерачкі, керамічныя вазы, абрусы, сумкі, шарсцяныя дываны. Вялікім попытам у наведвальнікаў карысталіся іранскія фісташкі і прысмакі.
Сакавітыя гранаты, кутабы з мясам і зелянінай, шэкербура, плоў – гэтыя і іншыя нацыянальныя стравы можна было паспрабаваць каля стэнда Азербайджана.
У цэнтры хола красавалася незвычайная ёлка – на ёй размясціліся пасланні Дзеду Марозу ад дзяцей з асаблівасцямі развіцця з Асіповіцкай спецыяльнай школы-інтэрната. Як адзначыла жонка міністра замежных спраў Беларусі Наталля Рыжанкова, найважнейшы момант гэтага кірмашу – гэта "Ёлка дабра".
"Таму што дапамагаць можа кожны, але, напэўна, можа, не кожны ведае, як зрабіць гэты першы крок. І сёння гэтая магчымасць можа з'явіцца. Калі ўзяць пісьмо з гэтай ёлкі і зрабіць падарунак таму дзіцяці, тым дзецям, якія сапраўды гэтага чакаюць, для іх гэта будзе такой перадачай вашага дабра ім і напоўніць іх жыццё вялікім шчасцем”, - цытуе Рыжанкову партал
News.by.
Таксама для гасцей кірмашу арганізавалі канцэртную праграму і розыгрыш латарэі з уручэннем падарункаў ад прадстаўніцтваў дыпламатычных місій у Беларусі.
Усе сродкі, атрыманыя ад продажу нацыянальных сувеніраў і латарэйных білетаў, будуць накіраваны на дабрачынныя праекты.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
