https://bel.sputnik.by/20250228/u-gomel-demanstruyuts-kalektsyyu-adzennya-paleshuko--staravera--vdea-1094037890.html
У Гомелі дэманструюць калекцыю адзення палешукоў і старавераў – відэа
У Гомелі дэманструюць калекцыю адзення палешукоў і старавераў – відэа
Sputnik Беларусь
У цэнтральнай частцы палаца Румянцавых і Паскевічаў працягвае работу выстава "105 гадоў захоўваем лепшае". У экспазіцыі прадстаўлены некалькі найбольш... 28.02.2025, Sputnik Беларусь
2025-02-28T13:04+0300
2025-02-28T13:04+0300
2025-02-28T13:04+0300
відэа
відэа
народны строй
адзенне
гомельская вобласць
гісторыя
грамадства
культура
спадчына
выстава
https://cdnn11.img.sputnik.by/img/07e9/02/1c/1094035755_0:0:1920:1080_1920x0_80_0_0_3d0fc7c1187645d8748f3ad9aa4cad9f.jpg
Выстава расказвае пра культурныя брэнды Гомельшчыны праз музейныя артэфакты і калекцыі. Адзін з такіх брэндаў – яркая і самабытная народная культура Палесся з непаўторным у сваіх формах традыцыйным касцюмам. У экспазіцыі прадстаўлены некалькі найбольш характэрных яго варыянтаў – строяў.Урачыстая маляўнічасць і багаты дэкор безрукаўкі, а таксама круглы каўнер жаночай кашулі са зборкамі, які нагадвае гаргеру – шчыльны гафрыраваны каўнер, характэрны для адзення арыстакратыі XVI-XVII стагоддзяў, - гэта ўсё пра Калінкавіцкі строй."Калінкавіцкі касцюм – гэта адзіны касцюм, які мае такога тыпу каўнер. Гэта асобны элемент, яго можна мацаваць на кашулю", - удакладняе загадчыца гісторыка-краязнаўчага аддзела палацава-паркавага ансамбля Ганна Кузьміч.Сярод традыцыйных комплексаў беларускага народнага касцюма Усходняга Палесся вылучаецца маляўнічы Давыд-Гарадоцка-Тураўскі строй, які бытаваў у невялікіх гарадах, мястэчках і буйных вёсках рэгіёна. Для яго характэрна выкарыстанне фабрычных тканін. Да прыкладу, безрукаўкі (кабаты) шылі з саціну, атласу або ўзорнай парчы, фартухі – са шчыльнага матэрыялу насычаных адценняў, аднатоннага ці багата ўпрыгожанага раслінным арнаментам. Канцы шырокіх паясоў чырвонага і бардовага колеру завязвалі ззаду. Дапаўнялі строй нагруднымі крыжамі і каралямі з натуральных камянёў.Шэраг яркіх адметных дэталей мае Буда-Кашалёўскі строй, для якога характэрна выкарыстанне ў вышыўках старажытных матываў, зашыфраваных у геаметрычных арнаментах. Увагу таксама прыцягваюць рукавы жаночых кашуль, дэкарыраваныя ў тэхніцы маршчэння (сцягванне палатна ніткамі ў дробныя рэльефныя фальбоны, па-над якімі вышывалі тонкія ўзоры белага, чорнага або чырвонага колеру).Сярод самых незвычайных строяў традыцыйнага адзення нашага рэгіёна – Неглюбскі. Толькі ў ім захаваўся андарак – архаічны элемент, паясное адзенне замужніх жанчын, пашытае з двух полак шчыльнай тканіны і выкладзенае ззаду асаблівым чынам, каб утварылася глыбокая складка ("коўш"). Матэрыял для андаракоў ткалі з воўны, афарбаванай у чорны, чырвоны, сіні, охрысты колеры, з даданнем белых ільняных нітак, ствараючы складаны клятчасты малюнак. Колер андарака паказваў на ўзрост яе ўладальніцы: маладыя гаспадыні насілі яркія, з перавагай чырвонага, адценні, старэйшыя жанчыны аддавалі перавагу цёмнай палітры.Яркі самацвет у скарбніцы гістарычнай спадчыны Гомельскай вобласці – культура стараверства. Першыя паселішчы старавераў з’явіліся на землях сучаснай Гомельшчыны ў другой палове XVII стагоддзя. Ветка стала ідэйным і духоўным цэнтрам стараверства: тут захоўваліся традыцыі стварэння ікон і рукапісных кніг "па старых канонах", зараджаўся і развіваўся ўласны ўнікальны стыль, які ўвабраў у сябе элементы беларускага барока.На выставе можна ўбачыць бытавы касцюм стараверкі і ўнікальна дэкарыраваныя аправы да абразоў, выкананыя з выкарыстаннем розных тэхнік і матэрыялаў: чаканеныя металічныя, разьбяныя драўляныя, вышытыя бісерныя.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
гомельская вобласць
беларусь
гомель
Sputnik Беларусь
media@sputniknews.com
+74956456601
MIA „Rossiya Segodnya“
2025
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
відэа, народны строй, адзенне, гомельская вобласць, гісторыя, грамадства, культура, спадчына, выстава, у беларусі, беларусь, цiкавосткi, видео, гомель
відэа, народны строй, адзенне, гомельская вобласць, гісторыя, грамадства, культура, спадчына, выстава, у беларусі, беларусь, цiкавосткi, видео, гомель
У Гомелі дэманструюць калекцыю адзення палешукоў і старавераў – відэа
У цэнтральнай частцы палаца Румянцавых і Паскевічаў працягвае работу выстава "105 гадоў захоўваем лепшае". У экспазіцыі прадстаўлены некалькі найбольш характэрных строяў традыцыйнага касцюма Гомельшчыны, а таксама адзенне старавераў.
Выстава расказвае пра культурныя брэнды Гомельшчыны праз музейныя артэфакты і калекцыі. Адзін з такіх брэндаў – яркая і самабытная народная культура Палесся з непаўторным у сваіх формах традыцыйным касцюмам. У экспазіцыі прадстаўлены некалькі найбольш характэрных яго варыянтаў – строяў.
Урачыстая маляўнічасць і багаты дэкор безрукаўкі, а таксама круглы каўнер жаночай кашулі са зборкамі, які нагадвае гаргеру – шчыльны гафрыраваны каўнер, характэрны для адзення арыстакратыі XVI-XVII стагоддзяў, - гэта ўсё пра Калінкавіцкі строй.
"Калінкавіцкі касцюм – гэта адзіны касцюм, які мае такога тыпу каўнер. Гэта асобны элемент, яго можна мацаваць на кашулю", - удакладняе загадчыца гісторыка-краязнаўчага аддзела палацава-паркавага ансамбля Ганна Кузьміч.
Сярод традыцыйных комплексаў беларускага народнага касцюма Усходняга Палесся вылучаецца маляўнічы Давыд-Гарадоцка-Тураўскі строй, які бытаваў у невялікіх гарадах, мястэчках і буйных вёсках рэгіёна. Для яго характэрна выкарыстанне фабрычных тканін. Да прыкладу, безрукаўкі (кабаты) шылі з саціну, атласу або ўзорнай парчы, фартухі – са шчыльнага матэрыялу насычаных адценняў, аднатоннага ці багата ўпрыгожанага раслінным арнаментам. Канцы шырокіх паясоў чырвонага і бардовага колеру завязвалі ззаду. Дапаўнялі строй нагруднымі крыжамі і каралямі з натуральных камянёў.
Шэраг яркіх адметных дэталей мае Буда-Кашалёўскі строй, для якога характэрна выкарыстанне ў вышыўках старажытных матываў, зашыфраваных у геаметрычных арнаментах. Увагу таксама прыцягваюць рукавы жаночых кашуль, дэкарыраваныя ў тэхніцы маршчэння (сцягванне палатна ніткамі ў дробныя рэльефныя фальбоны, па-над якімі вышывалі тонкія ўзоры белага, чорнага або чырвонага колеру).
Сярод самых незвычайных строяў традыцыйнага адзення нашага рэгіёна – Неглюбскі. Толькі ў ім захаваўся андарак – архаічны элемент, паясное адзенне замужніх жанчын, пашытае з двух полак шчыльнай тканіны і выкладзенае ззаду асаблівым чынам, каб утварылася глыбокая складка ("коўш"). Матэрыял для андаракоў ткалі з воўны, афарбаванай у чорны, чырвоны, сіні, охрысты колеры, з даданнем белых ільняных нітак, ствараючы складаны клятчасты малюнак. Колер андарака паказваў на ўзрост яе ўладальніцы: маладыя гаспадыні насілі яркія, з перавагай чырвонага, адценні, старэйшыя жанчыны аддавалі перавагу цёмнай палітры.
Яркі самацвет у скарбніцы гістарычнай спадчыны Гомельскай вобласці – культура стараверства. Першыя паселішчы старавераў з’явіліся на землях сучаснай Гомельшчыны ў другой палове XVII стагоддзя. Ветка стала ідэйным і духоўным цэнтрам стараверства: тут захоўваліся традыцыі стварэння ікон і рукапісных кніг "па старых канонах", зараджаўся і развіваўся ўласны ўнікальны стыль, які ўвабраў у сябе элементы беларускага барока.
На выставе можна ўбачыць бытавы касцюм стараверкі і ўнікальна дэкарыраваныя аправы да абразоў, выкананыя з выкарыстаннем розных тэхнік і матэрыялаў: чаканеныя металічныя, разьбяныя драўляныя, вышытыя бісерныя.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
