https://bel.sputnik.by/20250301/tse-na-nul-novyya-lgoty--adpratsoka-nyuansy-stupnay-kampan-2025-1094022322.html
ЦЭ на нуль, новыя льготы і адпрацоўка: нюансы ўступнай кампаніі-2025
ЦЭ на нуль, новыя льготы і адпрацоўка: нюансы ўступнай кампаніі-2025
Sputnik Беларусь
Вялікіх навацый у будучай уступнай кампаніі не будзе, аднак ёсць некалькі цікавых момантаў, на якія абітурыентам усё ж трэба звярнуць увагу. 01.03.2025, Sputnik Беларусь
2025-03-01T12:44+0300
2025-03-01T12:44+0300
2025-03-01T12:44+0300
адукацыя
вышэйшая адукацыя
міністэрства адукацыі рб
эксклюзіў
абітурыенты
навіны
грамадства
вну
у беларусі
беларусь
https://cdnn11.img.sputnik.by/img/07e6/06/02/1063177095_0:140:2941:1794_1920x0_80_0_0_35f1dd422297fa2f3c84c1f66f350468.jpg
Каля 56 тысяч 11-класнікаў і больш за 100 тысяч 9-класнікаў скончаць школу сёлета. Многія з іх стануць абітурыентамі, якія ўсё лета будуць штурмаваць прыёмныя камісіі ВНУ і каледжаў.Уступная кампанія 2025 года афіцыйна пачнецца ў канцы мая, калі выпускнікі школ будуць здаваць ЦЭ і ЦТ. У чэрвені падаваць дакументы ў навучальныя ўстановы пачнуць мэтавікі, а ў ліпені – усе астатнія. Прыёмная кампанія скончыцца толькі ў жніўні.Sputnik пагаварыў з прадстаўніком Мінадукацыі аб тых навацыях, якія запрацуюць у гэтым годзе, і спецыяльнасцях, дзе плануецца найбольшы попыт (а значыць – высокі конкурс).ЦЭ на 0 балаўУ снежні 2024 года прэзідэнт Беларусі Аляксандр Лукашэнка падпісаў папраўкі ў Кодэкс аб адукацыі. З’явілася важная змена: зараз выпускнікам школ, якія правалілі цэнтралізаваны экзамен, дазволяць яго пераздаваць.Паўторнае выпрабаванне будзе праводзіцца ў жніўні. Аднак разлічваць на паступленне ў ВНУ гэтыя абітурыенты ўжо не змогуць, бо на той момант уступная кампанія ў вышэйшыя навучальныя ўстановы будзе завершана. Застаюцца такія варыянты: чакаць наступнага года, аператыўна падаваць дакументы ў каледж, ісці служыць у армію.Нагадаем, раней магчымасці пераздачы ЦЭ не было – абітурыенты, якія здалі выпрабаванне на нуль балаў, атрымлівалі даведку аб навучанні, а атэстат ім выдаваўся толькі праз год. У 2024-м экзамен правалілі 64 школьнікі.Топ спецыяльнасцей 2025 годаПа выніках мінулай уступнай кампаніі найбольшай папулярнасцю ў абітурыентаў карысталіся спецыяльнасці медыцынскага і педагагічнага профілю. Вялікі попыт тлумачыцца ўзрослай колькасцю мэтавікоў: толькі ў БДМУ ў 2024 годзе было залічана 673 чалавекі."Лічым, што такая сітуацыя захаваецца і ў гэтым годзе – медыцынскія і педагагічныя спецыяльнасці будуць аднымі з самых папулярных. Заяўкі на падрыхтоўку спецыялістаў яшчэ прымаюцца ад арганізацый-заказчыкаў, лічбы будуць вядомыя да 1 мая", - кажа начальнік галоўнага ўпраўлення прафесійнай адукацыі Мінадукацыі Сяргей Пішчоў.Паводле яго слоў, у ведамстве бачаць узрослую цікавасць у моладзі да атрымання інжынернай адукацыі, у выніку з’яўляюцца новыя профільныя спецыяльнасці, павялічваецца попыт на навучанне ў класах інжынернай накіраванасці.Ільготы для "інжынераў"У гэтым годзе ў Беларусі адбудзецца першы выпуск інжынерных класаў, якія адкрыліся ў рэспубліцы ў 2023-м. Каля трох тысяч школьнікаў, якія вывучалі апошнія два гады прадметы фізіка-матэматычнага профілю на павышаным узроўні, змогуць паступіць у ВНУ на шэраг інжынерных спецыяльнасцей без экзаменаў – толькі па гутарцы.Ёсць важная ўмова: у атэстаце ў гэтых абітурыентаў адзнакі па профільных прадметах павінны быць не ніжэй за 7-8 балаў."Спецыяльнасці зацверджаны. Пытанні для гутаркі цяпер дапрацоўваюцца і ўжо ў бліжэйшы час з'явяцца на сайтах ВНУ", - праінфармаваў прадстаўнік Мінадукацыі.На дадзены момант у Беларусі адкрыта каля 600 інжынерных класаў, у якіх навучаецца 6 500 чалавек – выключна старшакласнікі."Скарачонка" на завочным навучанніУ красавіку 2024 года прэзідэнт звярнуў увагу на дэфіцыт рабочых кадраў у краіне і запатрабаваў прыняць меры па ўстараненні гэтай праблемы. На розных прадпрыемствах назіралася цякучка слесараў, токараў, мантажнікаў, фрэзероўшчыкаў, вадзіцеляў і іншых работнікаў.Па выніках мінулай уступнай кампаніі ў Мінадукацыі канстатавалі: план набору на працоўныя спецыяльнасці перавысіў 1 600 месцаў. Задача вырашана?"Пра што гэта гаворыць? Пра тое, што сапраўды спецыяльнасці ССА і прафтэхадукацыі карыстаюцца папулярнасцю ў моладзі. Змяняецца бачанне да працоўных спецыяльнасцей і да паступлення ў каледжы. Штогод бачым прырост дзяцей, якія паступаюць пасля 9 класаў. У мінулым годзе каля 50% дзевяцікласнікаў паступілі ў ССНУ", - адзначае Пішчоў.Пасля навучання ў каледжы рабяты ўладкоўваюцца на першае працоўнае месца і пры жаданні могуць атрымаць вышэйшую адукацыю ў завочнай форме ў скарочаны тэрмін. І тут для іх ёсць важная навацыя."З гэтага года на шэраг спецыяльнасцей будзе скарочаны тэрмін навучання да трох гадоў. Раней гэта было чатыры гады", - удакладняе субяседнік.Не выходзячы з домуУ гэтым годзе з’явіцца вельмі важная (і зручная) опцыя для абітурыентаў – электронная чарга для падачы дакументаў у ВНУ. Віртуальны "талончык" можна атрымаць на сайце РІКВ у асабістым кабінеце і выбраць зручныя дату і час для наведвання прыёмнай камісіі. Як запэўнівае Сяргей Пішчоў, гэта дапаможа вырашыць праблему чэрг, асабліва ў першы і апошні дзень прыёму.Дарэчы, тэрміны кампаніі па падачы дакументаў у ВНУ і ССНУ яшчэ не вядомыя, але папярэднія даты ўжо названы. Што датычыцца выпрабаванняў, то ў гэтым годзе, як і ў мінулым годзе, ЦЭ і ЦТ пройдуць у адзіныя тэрміны – канец мая-пачатак чэрвеня.Павышэнне тэрмінаў адпрацоўкіУ верасні 2023 года Мінадукацыі прапанавала ўвесці абавязковае размеркаванне не толькі для студэнтаў бюджэтнай формы, але і платнай. Аднак тэма так і не атрымала працягу: у сакавіку 2024-га кіраўнік ведамства Андрэй Іванец заяўляў, што ніякіх змен пакуль не будзе.Паралельна ў краіне абмяркоўвалася магчымасць павелічэння тэрмінаў адпрацоўкі для бюджэтнікаў і мэтавікоў."Гаворка пра гэта пакуль не ідзе, працуем у рамках дзеючага заканадаўства. Гэта значыць два гады пасля "вышкі" і пяць гадоў для мэтавікоў", - прадстаўнік Мінадукацыі пракаменціраваў пытанне, якое таксама з’яўляецца надзённым для абітурыентаў 2025 года.Наш ГарвардУ Беларусі хутка павінен з’явіцца адукацыйны хаб сусветнага ўзроўню. Не горш за Гарвард, гаварыў кіраўнік дзяржавы на Рэспубліканскім педсавеце ў жніўні. Сёлета ўльтрасучасны кластар яшчэ не створаць, у дадзены момант распрацоўваецца толькі канцэпцыя будучага "беларускага Гарварда"."Работа гэта праводзіцца з нашымі ВНУ ў рамках тых даручэнняў, якія ёсць. Вызначаюцца асноўныя напрамкі, вызначаюцца базавыя ВНУ, якія будуць гэтым займацца. Я думаю, у бліжэйшы час, як будзе ўзгоднена канцэпцыя, мы гэта пракаменціруем больш падрабязна", - адзначыў Сяргей Пішчоў.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20250216/mnadukatsy-anansavala-vazhnae-novavyadzenne-dlya-abturyenta-2025-goda-1093604237.html
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2025
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
адукацыя, вышэйшая адукацыя, міністэрства адукацыі рб, эксклюзіў, абітурыенты, навіны , грамадства, вну, у беларусі, беларусь, цэ
адукацыя, вышэйшая адукацыя, міністэрства адукацыі рб, эксклюзіў, абітурыенты, навіны , грамадства, вну, у беларусі, беларусь, цэ
ЦЭ на нуль, новыя льготы і адпрацоўка: нюансы ўступнай кампаніі-2025
Эксклюзіў
Вялікіх навацый у будучай уступнай кампаніі не будзе, аднак ёсць некалькі цікавых момантаў, на якія абітурыентам усё ж трэба звярнуць увагу.
Каля 56 тысяч 11-класнікаў і больш за 100 тысяч 9-класнікаў скончаць школу сёлета. Многія з іх стануць абітурыентамі, якія ўсё лета будуць штурмаваць прыёмныя камісіі ВНУ і каледжаў.
Уступная кампанія 2025 года афіцыйна пачнецца ў канцы мая, калі выпускнікі школ будуць здаваць ЦЭ і ЦТ. У чэрвені падаваць дакументы ў навучальныя ўстановы пачнуць мэтавікі, а ў ліпені – усе астатнія. Прыёмная кампанія скончыцца толькі ў жніўні.
Sputnik пагаварыў з прадстаўніком Мінадукацыі аб тых навацыях, якія запрацуюць у гэтым годзе, і спецыяльнасцях, дзе плануецца найбольшы попыт (а значыць – высокі конкурс).
У снежні 2024 года прэзідэнт Беларусі Аляксандр Лукашэнка падпісаў папраўкі ў Кодэкс аб адукацыі. З’явілася важная змена: зараз выпускнікам школ, якія правалілі цэнтралізаваны экзамен, дазволяць яго пераздаваць.
Паўторнае выпрабаванне будзе праводзіцца ў жніўні. Аднак разлічваць на паступленне ў ВНУ гэтыя абітурыенты ўжо не змогуць, бо на той момант уступная кампанія ў вышэйшыя навучальныя ўстановы будзе завершана. Застаюцца такія варыянты: чакаць наступнага года, аператыўна падаваць дакументы ў каледж, ісці служыць у армію.
Нагадаем, раней магчымасці пераздачы ЦЭ не было – абітурыенты, якія здалі выпрабаванне на нуль балаў, атрымлівалі даведку аб навучанні, а атэстат ім выдаваўся толькі праз год. У 2024-м экзамен правалілі 64 школьнікі.
Топ спецыяльнасцей 2025 года
Па выніках мінулай уступнай кампаніі найбольшай папулярнасцю ў абітурыентаў карысталіся спецыяльнасці медыцынскага і педагагічнага профілю. Вялікі попыт тлумачыцца ўзрослай колькасцю мэтавікоў: толькі ў БДМУ ў 2024 годзе было залічана 673 чалавекі.
"Лічым, што такая сітуацыя захаваецца і ў гэтым годзе – медыцынскія і педагагічныя спецыяльнасці будуць аднымі з самых папулярных. Заяўкі на падрыхтоўку спецыялістаў яшчэ прымаюцца ад арганізацый-заказчыкаў, лічбы будуць вядомыя да 1 мая", - кажа начальнік галоўнага ўпраўлення прафесійнай адукацыі Мінадукацыі Сяргей Пішчоў.
Паводле яго слоў, у ведамстве бачаць узрослую цікавасць у моладзі да атрымання інжынернай адукацыі, у выніку з’яўляюцца новыя профільныя спецыяльнасці, павялічваецца попыт на навучанне ў класах інжынернай накіраванасці.
У гэтым годзе ў Беларусі адбудзецца першы выпуск інжынерных класаў, якія адкрыліся ў рэспубліцы ў 2023-м. Каля трох тысяч школьнікаў, якія вывучалі апошнія два гады прадметы фізіка-матэматычнага профілю на павышаным узроўні, змогуць паступіць у ВНУ на шэраг інжынерных спецыяльнасцей без экзаменаў – толькі па гутарцы.
Ёсць важная ўмова: у атэстаце ў гэтых абітурыентаў адзнакі па профільных прадметах павінны быць не ніжэй за 7-8 балаў.
"Спецыяльнасці зацверджаны. Пытанні для гутаркі цяпер дапрацоўваюцца і ўжо ў бліжэйшы час з'явяцца на сайтах ВНУ", - праінфармаваў прадстаўнік Мінадукацыі.
На дадзены момант у Беларусі адкрыта каля 600 інжынерных класаў, у якіх навучаецца 6 500 чалавек – выключна старшакласнікі.
"Скарачонка" на завочным навучанні
У красавіку 2024 года прэзідэнт звярнуў увагу на дэфіцыт рабочых кадраў у краіне і запатрабаваў прыняць меры па ўстараненні гэтай праблемы. На розных прадпрыемствах назіралася цякучка слесараў, токараў, мантажнікаў, фрэзероўшчыкаў, вадзіцеляў і іншых работнікаў.
Па выніках мінулай уступнай кампаніі ў Мінадукацыі канстатавалі: план набору на працоўныя спецыяльнасці перавысіў 1 600 месцаў. Задача вырашана?
"Пра што гэта гаворыць? Пра тое, што сапраўды спецыяльнасці ССА і прафтэхадукацыі карыстаюцца папулярнасцю ў моладзі. Змяняецца бачанне да працоўных спецыяльнасцей і да паступлення ў каледжы. Штогод бачым прырост дзяцей, якія паступаюць пасля 9 класаў. У мінулым годзе каля 50% дзевяцікласнікаў паступілі ў ССНУ", - адзначае Пішчоў.
Пасля навучання ў каледжы рабяты ўладкоўваюцца на першае працоўнае месца і пры жаданні могуць атрымаць вышэйшую адукацыю ў завочнай форме ў скарочаны тэрмін. І тут для іх ёсць важная навацыя.
"З гэтага года на шэраг спецыяльнасцей будзе скарочаны тэрмін навучання да трох гадоў. Раней гэта было чатыры гады", - удакладняе субяседнік.
У гэтым годзе з’явіцца вельмі важная (і зручная) опцыя для абітурыентаў – электронная чарга для падачы дакументаў у ВНУ. Віртуальны "талончык" можна атрымаць на сайце РІКВ у асабістым кабінеце і выбраць зручныя дату і час для наведвання прыёмнай камісіі. Як запэўнівае Сяргей Пішчоў, гэта дапаможа вырашыць праблему чэрг, асабліва ў першы і апошні дзень прыёму.
Дарэчы, тэрміны кампаніі па падачы дакументаў у ВНУ і ССНУ яшчэ не вядомыя, але папярэднія даты ўжо названы. Што датычыцца выпрабаванняў, то ў гэтым годзе, як і ў мінулым годзе, ЦЭ і ЦТ пройдуць у адзіныя тэрміны – канец мая-пачатак чэрвеня.
Павышэнне тэрмінаў адпрацоўкі
У верасні 2023 года Мінадукацыі прапанавала ўвесці абавязковае размеркаванне не толькі для студэнтаў бюджэтнай формы, але і платнай. Аднак тэма так і не атрымала працягу: у сакавіку 2024-га кіраўнік ведамства Андрэй Іванец заяўляў, што ніякіх змен пакуль не будзе.
Паралельна ў краіне абмяркоўвалася магчымасць павелічэння тэрмінаў адпрацоўкі для бюджэтнікаў і мэтавікоў.
"Гаворка пра гэта пакуль не ідзе, працуем у рамках дзеючага заканадаўства. Гэта значыць два гады пасля "вышкі" і пяць гадоў для мэтавікоў", - прадстаўнік Мінадукацыі пракаменціраваў пытанне, якое таксама з’яўляецца надзённым для абітурыентаў 2025 года.
У Беларусі хутка павінен з’явіцца адукацыйны хаб сусветнага ўзроўню. Не горш за Гарвард, гаварыў кіраўнік дзяржавы на Рэспубліканскім педсавеце ў жніўні. Сёлета ўльтрасучасны кластар яшчэ не створаць, у дадзены момант распрацоўваецца толькі канцэпцыя будучага "беларускага Гарварда".
"Работа гэта праводзіцца з нашымі ВНУ ў рамках тых даручэнняў, якія ёсць. Вызначаюцца асноўныя напрамкі, вызначаюцца базавыя ВНУ, якія будуць гэтым займацца. Я думаю, у бліжэйшы час, як будзе ўзгоднена канцэпцыя, мы гэта пракаменціруем больш падрабязна", - адзначыў Сяргей Пішчоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
