Памяць гісторыі: беларусам паказалі кадры вызвалення Еўропы
© Photo : Анастасия Новик
Падпісацца
У рэспубліцы выстава праводзіцца ўжо другі раз, і заўсёды яна прыцягвае ўвагу людзей.
МІНСК, 5 мая – Sputnik. Унікальная дакументальная фотавыстава "Освобождение Европы" адкрылася ў панядзелак у Барысаве.
Выстава праходзіць у рамках праекта "Освобождение. Путь к Победе" пры падтрымцы Прэзідэнцкага фонду культурных ініцыятыў. У яе аснове ляжыць фотаархіў Саўінфармбюро, праваўладальнікам якога з’яўляецца медыягрупа "Россия сегодня". На выставе дэманструюцца 30 фатаграфій, многія з якіх паказаны ўпершыню.
Жыхары Расіі і Беларусі заўсёды павінны памятаць аб тым, як праходзіла вызваленне Еўропы, заявіў на адкрыцці выставы старшыня Барысаўскай раённай арганізацыі "Белая Русь" Уладзімір Васільеў.
"Пры вызваленні Чэхаславакіі Чырвоная Армія страціла 144 тысячы салдат. Пры вызваленні Польшчы – 600 тысяч. Вось з якімі стратамі мы ішлі па Еўропе. Пры гэтым, у адрозненне ад амерыканцаў, якія ўжывалі дывановыя бамбардзіроўкі, усё знішчалі, у нас быў загад артылерыю не выкарыстоўваць, авіяцыю не выкарыстоўваць. Можна сказаць, што мы маральна вызвалялі ўсю Еўропу", - падкрэсліў ён.
Старшыня Барысаўскай райарганізацыі "Белая Русь" Уладзімір Васільеў
© Photo : Анастасия Новик
Фота- і відэадакументы часоў Вялікай Айчыннай вайны вельмі важныя для выхавання моладзі, паведаміла дырэктар цэнтральнай раённай бібліятэкі Барысава Алена Капыток.
"На нашыя мерапрыемствы прыходзяць і школьнікі, і вайскоўцы, і працоўныя калектывы. Мы вельмі спадзяемся, што і гэтую выставу змогуць паглядзець шмат людзей. Сёння ў інтэрнэце мы часта сутыкаемся з непраўдзівай інфармацыяй, і гэта прымушае нас звярнуцца да першакрыніц, каб разабрацца, што ж было на самай справе. Ведаць, як адбывалася вызваленне Еўропы, вельмі важна для людзей, якія хочуць памятаць сваю гісторыю", - распавяла яна.
Дырэктар Барысаўскай ЦРБ Алена Капыток
© Photo : Анастасия Новик
Праект "Освобождение" рэалізуецца з 2023 года, яго геаграфія з кожным годам становіцца ўсё шырэй, адзначыў на цырымоніі адкрыцця каардынатар праекта, супрацоўнік міжнароднай медыягрупы "Россия сегодня" Кірыл Ібрагімаў.
"Нашы фотавыставы наведалі больш за паўмільёна чалавек у розных гарадах. Мы адзначаем, што праект нясе не толькі асветніцкую функцыю, але і выклікае значную цікавасць гледачоў да падзей апошняга перыяду вайны. Людзі хочуць ведаць, як праходзіла вызваленне розных гарадоў і краін Еўропы, і як падзеі вайны былі звязаны з жыццём герояў фотахронікі".
Выстава, прысвечаная вызваленню Еўропы, праходзіць у Беларусі другі раз і нязменна прыцягвае ўвагу моладзі, паведаміў старшыня Барысаўскага раённага выканаўчага камітэта Мікалай Карповіч.
"Многія людзі ў еўрапейскіх краінах ужо забыліся на тое, як яны былі вызвалены ад карычневай чумы. Таму гэтак важны выставы, якія паказваюць праўду і нам, і жыхарам Еўропы. Бо калі ты забываеш мінулае, то яно можа паўтарыцца", - заявіў ён.
Старшыня Барысаўскага РВК Мікалай Карповіч
© Photo : Анастасия Новик
Фатаграфіі выставы паказваюць, як байцы Чырвонай Арміі вызвалялі Еўропу, адзначыў камандуючы войскамі Паўночна-Заходняга аператыўнага камандавання Рэспублікі Беларусь генерал-маёр Аляксандр Бас.
"Мы бачым, з якой радасцю, са слязамі на вачах сустракалі савецкіх салдат жыхары еўрапейскіх гарадоў. Яны чакалі іх з'яўлення на сваёй зямлі доўгія гады. Але чамусьці праз 80 гадоў новае пакаленне гэтых краін забылася, што ім прынёс нацызм, якое гора яны зведалі. А жыхары Беларусі памятаюць усё гэта, таму што кожны трэці жыхар нашай краіны, сотні вёсак, тысячы гарадоў былі знішчаны ў гады Вялікай Айчыннай вайны. І мы ўсе памятаем аб тым, якія ахвяры могуць зведваць людзі, калі іх краіны закранае вайна", - падкрэсліў ён.
Першыя наведвальнікі выставы ў Барысаве
© Photo : Анастасия Новик
Ужо ў сярэдзіне мая выставу ў гэтай версіі ўбачаць жыхары Парыжа, Варшавы і Мадрыда.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
