Патрыярх Кірыл павіншаваў Папу Рымскага Льва XIV з выбраннем

© Sputnik / Кристина Кормилицына / Перайсці ў медыябанкПатрыярх Маскоўскі і ўсяе Русі Кірыл
Патрыярх Маскоўскі і ўсяе Русі Кірыл - Sputnik Беларусь, 1920, 09.05.2025
Падпісацца
Кіраўнік РПЦ выказаў спадзяванне на плённае супрацоўніцтва з Рымам на карысць хрысціянства.
МІНСК, 9 мая – Sputnik. Патрыярх Маскоўскі і ўсяе Русі Кірыл накіраваў віншаванне з выбраннем Папе Рымскаму Льву XIV, паведаміла ў пятніцу прэс-служба РПЦ.
Канклаў у чацвер, 8 мая, выбраў 267-га пантыфіка – Рымска-каталіцкую царкву ўзначаліў ураджэнец ЗША кардынал Роберт Фрэнсіс Прэво, які ўзяў імя Леў XIV.
Па словах патрыярха Кірыла, служэнне новага прадстаяцеля РКЦ пачынаецца ў асаблівы гістарычны момант, які звязаны як з шэрагам выклікаў, так і з пэўнымі знакамі надзеі.
"У гэтым кантэксце ўзаемаадносіны хрысціянскага Усходу і Захаду набываюць асаблівае значэнне для лёсаў свету", - гаворыцца ў віншаванні.
Кіраўнік РПЦ выказаў надзею, што пры ўдзеле Папы адносіны дзвюх цэркваў будуць паступова развівацца на карысць хрысціянства.
Кірыл таксама звярнуў увагу на новае імя, узятае пантыфікам пасля выбрання: яно адсылае да асобы аднаго з вялікіх папярэднікаў – свяціцеля Льва, абаронца хрысціянскай абшчыны Рыма ад варварскіх нашэсцяў.
Кіраўнік РПЦ пажадаў Льву XIV, каб Бог умацаваў яго душэўныя і цялесныя сілы на многія гады для служэння.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Папа Леў XIV - Sputnik Беларусь, 1920, 08.05.2025
Новым Папам Рымскім выбралі кардынала Прэво з ЗША
Стужка навiн
0