Касачоў: РФ у бліжэйшыя дні перадасць Кіеву напрацоўкі па мірным урэгуляванні

© Sputnik / Виктор ТолочкоГлава международного комитета Совфеда Константин Косачев
Глава международного комитета Совфеда Константин Косачев - Sputnik Беларусь, 1920, 24.05.2025
Падпісацца
Раней кіраўнік расійскага МЗС Сяргей Лаўроў паведаміў, што РФ будзе гатова перадаць Украіне свае напрацоўкі для будучага дасягнення міру пасля абмену ваеннапалоннымі, пра які бакі дамовіліся ў Стамбуле.
МІНСК, 24 мая - Sputnik. Расійскі бок у найбліжэйшыя дні мае намер перадаць украінскаму падрыхтаваныя напрацоўкі для мемарандума аб урэгуляванні канфлікту, паведаміў тэлеканалу "Звязда" намеснік старшыні Савета Федэрацыі Канстанцін Касачоў.
Па словах палітыка, расійскі бок знаходзіцца на фінальнай стадыі прапрацоўкі мемарандума.
"Я чакаю, што адпаведныя расійскія напрацоўкі перададуць супрацьлегламу боку ў найбліжэйшыя дні", ― сказаў Касачоў.
На яго думку, наўрад ці гэтыя напрацоўкі на цяперашняй стадыі абмеркавання і прапрацоўкі дэталей магчымага ўрэгулявання могуць быць абнародаваны.
"Усё ж гэта перагаворны працэс. Прычым вельмі складаны. Вельмі далікатны ў многіх адносінах", ― дадаў Касачоў.
Напярэдадні кіраўнік МЗС РФ Сяргей Лаўроў расказаў аб актыўнай працы над умовамі доўгатэрміновага ўрэгулявання, абмяняцца якімі бакі дамовіліся на сустрэчы ў Стамбуле.
Па словах Лаўрова, Расея аддасць сваю версію дакумента Украіне пасля абмену палоннымі, які адбываецца ў некалькі этапаў.
Напярэдадні ўкраінскім бокам былі вернуты 270 расійскіх ваеннаслужачых і 120 грамадзянскіх асоб, сёння вернуты яшчэ 307 расійскіх ваеннаслужачых. Такую ж колькасць ваенных і грамадзянскіх асоб за два дні абмену атрымаў украінскі бок. Абмены праходзяць на беларускай тэрыторыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Стужка навiн
0