Патрыярх Кірыл узнагародзіў мітрапаліта Веніяміна Ордэнам Серафіма Сароўскага

© Sputnik / Тамара БеляеваПатрыярх Кірыл і мітрапаліт Веніямін
Патрыярх Кірыл і мітрапаліт Веніямін - Sputnik Беларусь, 1920, 05.06.2025
Падпісацца
Прадстаяцель РПЦ Патрыярх Маскоўскі і ўсяе Русі Кірыл знаходзіцца ў Беларусі з візітам у Беларусі з нагоды 900-годдзя Полацкага манастыра.
ПОЛАЦК, 5 чэр – Sputnik. Найсвяцейшы Патрыярх Кірыл узнагародзіў прадстаяцеля Беларускай праваслаўнай царквы мітрапаліта Мінскага і Заслаўскага Веніяміна ордэнам РПЦ Серафіма Сароўскага Першай ступені, перадае карэспандэнт Sputnik.
Прадстаяцель РПЦ знаходзіцца з першасвяціцельскім візітам у Беларусі. Ён прымае ўдзел ва ўрачыстасцях з нагоды 900-годдзя Свята-Еўфрасіннеўскага жаночага манастыра ў Полацку.
Найсвяцейшы патрыярх узначаліў богаслужэнне ў Крыжаўзвіжанскім храме манастыра, пасля чаго ўручыў узнагароды РПЦ шэрагу беларускіх свяшчэннікаў і чыноўнікаў. У прыватнасці, узнагароды ўручаны старшыні Віцебскага аблвыканкама Аляксандру Субоціну, упаўнаважанаму па справах рэлігій і нацыянальнасцей Аляксандру Румаку.
Патрыярх таксама падарыў Крыжаўзвіжанскаму храму ікону Дзівееўскага манастыра.
© Sputnik / Тамара БеляеваПатрыярх падарыў ікону Дзівееўскага манастыра
Патриарх подарил икону Дивеевской обители - Sputnik Беларусь, 1920, 05.06.2025
Патрыярх падарыў ікону Дзівееўскага манастыра
На богаслужэнні і ўрачыстасцях у Полацку прысутнічала віцэ-прэм’ер урада Беларусі Наталля Пяткевіч, якая зачытала прывітанне прэзідэнта Беларусі Аляксандра Лукашэнкі, дзяржсакратар Саюзнай дзяржавы Сяргей Глазьеў, Надзвычайны і паўнамоцны пасол Расіі ў Беларусі Барыс Грызлоў.
© Sputnik / Тамара БеляеваБоская літургія з удзелам патрыярха Кірыла ў Полацку 5 чэрвеня 2025 года
Божественная литургия с участием патриарха Кирилла в Полоцке 5 июня 2025 года - Sputnik Беларусь, 1920, 05.06.2025
Боская літургія з удзелам патрыярха Кірыла ў Полацку 5 чэрвеня 2025 года
Выступаючы пасля богаслужэння, патрыярх Кірыл адзначыў, што жыццё святой Еўфрасінні Полацкай з’яўляецца прыкладам таго, як "можа самая вялікая чалавечая дабрадзейнасць – святасць – спалучацца з мудрым праўленнем".
Ён таксама адзначыў важнасць захавання міру, узаемаразумення паміж краінамі і народамі.
У сваю чаргу мітрапаліт Веніямін падзякаваў патрыярху за яго першасвяціцельскі візіт у Беларусь, у Полацкі манастыр, і адзначыў дапамогу і ўклад расійскага боку ў рэстаўрацыю храма, дзе захаваліся фрэскі XII стагоддзя.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Боская літургія з удзелам патрыярха Кірыла ў Полацку – трансляцыя - Sputnik Беларусь, 1920, 05.06.2025
Відэа
Боская літургія з удзелам патрыярха Кірыла ў Полацку – поўная версія
Стужка навiн
0