https://bel.sputnik.by/20250622/lyatsyats-samalty-tank-garats-rekanstruktsyya-ba-u-brestskay-krepasts--fota-1097512137.html

Ляцяць самалёты, танкі гараць: рэканструкцыя баёў у Брэсцкай крэпасці – фота

Ляцяць самалёты, танкі гараць: рэканструкцыя баёў у Брэсцкай крэпасці – фота

Sputnik Беларусь

Кожны год 22 чэрвеня на досвітку ў мемарыяльным комплексе праходзіць рэканструкцыя пачатку Вялікай Айчыннай вайны. Брэст не спаў і сёння: тысячы людзей прыйшлі... 22.06.2025, Sputnik Беларусь

2025-06-22T11:18+0300

2025-06-22T11:18+0300

2025-06-22T11:18+0300

фота

фота

фотастужка

фотаздымкі

брэсцкая крэпасць

рэканструкцыя

гістарычная рэканструкцыя

рэпартаж

у беларусі

беларусь

https://cdnn11.img.sputnik.by/img/07e9/06/16/1097504514_0:161:3071:1888_1920x0_80_0_0_93d3c9f191f8adec04ad58961ebb5e12.jpg

Карэспандэнты Sputnik таксама не спалі ўсю ноч і сталі сведкамі тэатралізаванага рэквіема, душэўных песень групы "Любэ" і эпічнай ваенна-гістарычнай рэканструкцыі. Глядзіце ў фотастужцы Sputnik яркія кадры з Брэсцкай крэпасці.Вялікая культурна-гістарычная праграма ў ноч на 22 чэрвеня пачалася з мітынгу-рэквіема. У вакальна-тэатралізаваным шоу прынялі ўдзел беларускія і расійскія артысты – Максім Дрозд, Зара, Дзяніс Майданаў, Уладзімір Гасцюхін, Аляксандра Гайдук, арт-група "Беларусы", а хэдлайнерам стала група "Любэ". Тысячы гледачоў падпявалі вядомыя хіты – "Ляцяць самалёты, танкі гараць", "Ты нясі мяне рака", "Выйду ў поле ноччу з канём", "Давай за" і іншыя.Пасля ўскладання кветак да вечнага агню і хвіліны маўчання на полі каля Кобрынскага ўмацавання Брэсцкай крэпасці з’явіліся рэканструктары, якія літаральна штохвілінна аднавілі падзеі апошняга мірнага вечара і першага дня вайны. Сёлета ўзнаўляць падзеі 84-гадовай даўніны прыехалі больш за 500 рэканструктараў з Беларусі, Расіі, Літвы, Латвіі і Эстоніі....21 чэрвеня 1941-го. Жыццё ў Брэсцкім гарнізоне ідзе сваім парадкам: дзеці гуляюць у мяч, запускаюць па дарозе кола ад веласіпеда і бегаюць з ім навыперадкі; дарослыя весяляцца на танцах, улюбляюцца і проста займаюцца сваімі справамі. Пагранічнікі насцярожана глядзяць удалячынь праз бінокль і адчуваюць: будзе нешта нядобрае.Гарачы чэрвеньскі дзень набліжаецца да завяршэння. Лейтэнант Кіжаватаў адпраўляе на мяжу ўзмацненне: ноччу чакаецца спроба прарыву. Задача – не дапусціць правакацый і затрымаць парушальнікаў.У гэты ж час па тым боку Буга 45-я пяхотная дывізія вермахта займае пазіцыі для атакі – Германія ідзе вайной на Савецкі Саюз. Выходзяць на пазіцыі "Карлы" (нямецкая самаходная асадная марціра - Sputnik), у баявой гатовасці артылерыя. Уначы над Брэстам скінуты нямецкі дэсант.Пашкоджаны важныя камунікацыі, абарвана сувязь. Працуюць дыверсанты. Нямецкі афіцэр у суправаджэнні двух нямецкіх салдат праходзяць Цярэспальскі чыгуначны мост і практычна ўшчыльную падыходзяць да савецкай мяжы. Яшчэ момант – і яны расстраляюць з аўтаматаў чырвонаармейцаў-пагранічнікаў.У раку накіроўваюцца нямецкія танкі падводнага ходу, за імі перапраўляецца другая хваля пяхоты на гумавых лодках. Мяжа прарвана.Войскі вермахта пашыраюць захопленыя плацдармы. Савецкія паграничныя нарады не ў сілах спыніць наступленне нямецкай пяхоты, якую падтрымліваюць артылерыя і танкі.Байцы Чырвонай Арміі вымушаны адступіць. Крэпасць, як здалося немцам, захоплена. Аднак праз час воіны-чырвонаармейцы пад камандаваннем маёра Гаўрылава вырашаюцца на прарыў і выходзяць з казематаў. Вораг разумее: цытадэль не пала, яе, нягледзячы ні на што, працягваюць абараняць.Гітлераўцы каля месяца не маглі ўзяць крэпасць. Каб гэта зрабіць, на яе была скінута 1800-кілаграмовая авіябомба "Сатана".Таго, каго немцы знаходзілі ў крэпасці жывым, расстрэльвалі на месцы або адпраўлялі ў канцлагер.Тады яшчэ ніхто не ведаў, што праз тры гады ў выніку паспяхова праведзенай наступальнай аперацыі "Баграціён" Чырвоная Армія вызваліць Беларусь і выганіць захопнікаў за мяжу. Раз і назаўжды.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

беларусь

2025

Навіны

ru_BY

фота, фотастужка, фотаздымкі, брэсцкая крэпасць, рэканструкцыя, гістарычная рэканструкцыя, рэпартаж, у беларусі, беларусь, грамадства, вялікая айчынная вайна, гісторыя, 80 гадоў перамозе ў вялікай айчыннай вайне