Фотавыстава Sputnik адкрылася на "Славянскім базары"
17:33 09.07.2025 (абноўлена: 17:35 09.07.2025)
© Sputnik / Виктор ТолочкоВыстава "Саўінфармбюро. 1945-ы. Перамога!" у Віцебску

© Sputnik / Виктор Толочко
Падпісацца
Жыхары Віцебска і госці фестывальнага горада могуць бясплатна азнаёміцца з унікальнымі гістарычнымі фота ад Саўінфармбюро.
МІНСК, 9 ліп – Sputnik. Выстава з фатаграфіямі гістарычных момантаў пераможнага 1945-га адкрылася ў рамках XXXIV Міжнароднага фестывалю мастацтваў "Славянскі базар у Віцебску", перадае карэспандэнт Sputnik.
Экспазіцыя называецца "Саўінфармбюро. 1945-ы. Перамога!", раней яна ўжо пабывала ў Мінску і Брэсце. Цяпер стэнды з больш як 30 фатаграфіямі ўстаноўлены ў цэнтры Віцебска побач з Ратушай.
© Sputnik / Виктор ТолочкоВыстава "Саўінфармбюро. 1945-ы. Перамога!" у Віцебску

Выстава "Саўінфармбюро. 1945-ы. Перамога!" у Віцебску
© Sputnik / Виктор Толочко
"Гэта дакументальныя фатаграфіі 1945 года. Яны зроблены без рэтушы, без "фаташопа". Гэта адзіныя дакументальныя крыніцы, на якіх мы можам сёння грунтавацца і бачыць, як гэта ўсё было", - адзначыла на адкрыцці шэф-рэдактар Sputnik Беларусь Алеся Лучанінава.
© Sputnik / Виктор ТолочкоШэф-рэдактар Sputnik Беларусь Алеся Лучанінава (злева) і каардынатар выставачнай праграмы "Славянскага базару" Алена Сярова (справа)

Шэф-рэдактар Sputnik Беларусь Алеся Лучанінава (злева) і каардынатар выставачнай праграмы "Славянскага базару" Алена Сярова (справа)
© Sputnik / Виктор Толочко
Яна таксама звярнула ўвагу, што такія экспазіцыі Sputnik арганізуе на "Славянскім базары" трэці год запар. Фота, якія можна ўбачыць у цэнтры горада на Дзвіне, узяты з архіваў Саўінфармбюро.
Традыцыя Віцебска
Каардынатар выставачнай праграмы "Славянскага базару" Алена Сярова ў сваю чаргу адзначыла, што правядзенне такіх выставак стала традыцыяй для горада на Дзвіне.
"Вельмі прыемна, што тэматыка выставак, якія тут праходзяць, пастаянна выклікае цікавасць людзей, якія звяртаюць увагу на гісторыю краіны. Ёсць магчымасць паглядзець унікальныя здымкі", - дадала яна.
Галоўны здымак – гэта фота з байцом Чырвонай Арміі, які глядзіць на зрынуты Берлін. Зняты на фота і іншыя знакавыя моманты фінальнага этапу вайны, калі ішлі баі за вызваленне Усходняй Еўропы ад нацызму.
© Sputnik / Виктор ТолочкоВыстава "Саўінфармбюро. 1945-ы. Перамога!" у Віцебску

Выстава "Саўінфармбюро. 1945-ы. Перамога!" у Віцебску
© Sputnik / Виктор Толочко
У тым ліку, фота даюць уяўленне аб Берлінскай аперацыі. Яна пачалася 16 красавіка 1945 года. Ужо 20 чысла савецкія войскі падышлі да сталіцы гітлераўскай дзяржавы, а 30 красавіка пачаліся баі за Рэйхстаг. 1 мая 1945-га на гэтым будынку воіны Чырвонай Арміі ўстанавілі Сцяг Перамогі.
© Sputnik / Виктор ТолочкоВыстава "Саўінфармбюро. 1945-ы. Перамога!" у Віцебску

Выстава "Саўінфармбюро. 1945-ы. Перамога!" у Віцебску
© Sputnik / Виктор Толочко
Экспазіцыю ў Віцебску арганізавала рэдакцыя Sputnik Беларусь пры падтрымцы абласнога краязнаўчага музея.
Sputnik уваходзіць у Міжнароднае інфармацыйнае агенцтва "Россия сегодня", якое з’яўляецца правапераемнікам Саўінфармбюро. У гады вайны гэтая арганізацыя была асноўнай крыніцай інфармацыі для СМІ аб падзеях на франтах, партызанскім руху і рабоце працаўнікоў тылу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"