Президент РФ Владимир Путин и президент США Дональд Трамп - Sputnik Беларусь, 1920
Сустрэча Пуціна і Трампа на Алясцы
Прэзідэнты Расіі і ЗША Уладзімір Пуцін і Дональд Трамп 15 жніўня 2025 года правялі перагаворы на ваеннай базе ў Анкорыджы на Алясцы

Пуцін прыляцеў у Магадан па дарозе на Аляску

© Sputnik / Кристина Кормилицына / Перайсці ў медыябанкПрэзідэнт Расіі Уладзімір Пуцін
Прэзідэнт Расіі Уладзімір Пуцін - Sputnik Беларусь, 1920, 15.08.2025
Падпісацца
Расійскі лідар у пятніцу правядзе сустрэчу са сваімі амерыканскім калегам Дональдам Трампам, яна адбудзецца на ваеннай базе ў Анкорыджы.
МІНСК, 15 жні – Sputnik. Прэзідэнт Расіі Уладзімір Пуцін прыляцеў у Магадан перад візітам на Аляску, паведамляе РІА Навіны.
Прэс-сакратар расійскага лідара Дзмітрый Пяскоў расказаў, што ў гэтым горадзе Пуцін наведае прамысловае прадпрыемства, агледзіць аб’екты добраўпарадкавання і сустрэнецца з губернатарам рэгіёна Сяргеем Носавым.
"Затым ён адправіцца ўжо на Аляску, возьмецца ўжо за расійска-амерыканскія справы", - праінфармаваў прадстаўнік Крамля.
Адлегласць паміж Магаданам і Анкорыджам, дзе ў пятніцу адбудзецца сустрэча Пуціна і Трампа, складае каля 3 тыс км па прамой. Палётны час паміж гарадамі – каля чатырох гадзін.
Прэзідэнты Расіі і ЗША прыляцяць на Аляску перад самым пачаткам расійска-амерыканскага саміту. Тым часам некаторыя ўдзельнікі расійскай дэлегацыі ўжо прыбылі ў амерыканскі штат. У прыватнасці, у Анкорыдж ужо прыляцеў кіраўнік МЗС РФ Лаўроў.

Сустрэча Пуціна і Трампа

Саміт Расія – ЗША пройдзе на ваеннай базе Элмендорф-Рычардсан у Анкорыджы. Ён пачнецца ў 11:00 па мясцовым часе (у 22:00 па мінскім).
У пачатку сустрэчы Пуцін і Трамп правядуць размову тэт-а-тэт, пасля чаго перагаворы працягнуцца з удзелам дэлегацый. У склад кожнай з іх уваходзяць па пяць чалавек, акрамя лідараў краін.
Галоўная тэма перагавораў – урэгуляванне канфлікту ва Украіне. Па выніках саміту Пуцін і Трамп правядуць сумесную прэс-канферэнцыю.
Як паведамляюць СМІ, паводле папярэдніх разлікаў, саміт на Алясцы зойме ўсю ноч і завершыцца, калі ў Маскве будзе ўжо раніца суботы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Прэс-сакратар расійскага лідара Дзмітрый Пяскоў - Sputnik Беларусь, 1920, 14.08.2025
Сустрэча Пуціна і Трампа на Алясцы
Пяскоў: Пуцін правёў нараду ў рамках падрыхтоўкі да сустрэчы на Алясцы
Стужка навiн
0