Расія і Беларусь аказваюць сур’ёзны ўплыў на трансфармацыю светапарадку
© Sputnik / Александр Казаков / POOL
/ Падпісацца
Саміт Шанхайскай арганізацыі супрацоўніцтва, які адбыўся ў КНР, вызначыў лідараў новага светапарадку.
МІНСК, 5 вер – Sputnik. Сёння ўжо не разглядаецца пытанне паслаблення гегемоніі калектыўнага Захаду – працэс запушчаны. На саміце ШАС у кітайскім Цяньцзіні абмяркоўвалі, які свет будзе пабудаваны пасля разбурэння гэтай глабалізацыі.
Расія і Беларусь аказваюць сур’ёзны ўплыў на фарміраванне аблічча новага светапарадку. Такі пункт гледжання выказалі ўдзельнікі відэамоста Мінск – Масква – Санкт-Пецярбург у мультымедыйным прэс-цэнтры Sputnik Беларусь.
Саміт ШАС, які прайшоў у кітайскім Цяньцзіні, стаў самым буйным за час існавання арганізацыі. У ім прынялі ўдзел лідары больш як 20 дзяржаў. Старшыня КНР Сі Цзіньпін прадставіў ініцыятыву па стварэнні новай сістэмы глабальнага кіравання, накіраваную супраць заходнецэнтрычнага светапарадку. Гэтая ініцыятыва пазіцыянуецца як магутная процівага ўплыву ЗША і Захаду з апорай на падтрымку краін Глабальнага Поўдня і саюзнікаў Кітая.
"Размова ідзе аб пяці ключавых прынцыпах: суверэнная роўнасць усіх краін, захаванне міжнароднага права, аўтарытэт ААН, чалавекацэнтрычны падыход, умацаванне комплексных сістэм планавання і мабілізацыя рэсурсаў", - адзначыла загадчыца кафедры менеджменту, тэхналогій бізнесу і ўстойлівага развіцця Беларускага дзяржаўнага тэхналагічнага ўніверсітэта, прафесар Ірына Новікава.
Спакой і міралюбнасць
На думку экспертаў, асаблівасцю саміту стала агульная добразычлівая атмасфера, якая рэзка адрознівалася ад традыцыйных сустрэч на вышэйшым узроўні калектыўнага Захаду, дзе традыцыйна "бразгаюць зброяй", гучна заяўляючы аб увядзенні санкцый у адрас недружалюбных краін. У кітайскай культуры ёсць старажытны трактат, які называецца "Трыццаць шэсць стратагем". Гэта збор правіл, які дапамагае дабіцца поспеху ў любой сітуацыі. Чацвёртая з гэтых стратагем называецца "У спакоі чакаць стомленага ворага". Існасць яе ў тым, каб не адказваць агрэсіяй на агрэсію, захоўваць вытрымку для захавання ўласных рэсурсаў.
"Што паказала ШАС, энергія і рэсурсы накіроўваюцца не супраць кагосьці, а на стваральныя планы будаўніцтва новага свету, дзе будзе месца для кожнай нацыі, для кожнага народа, каб развівацца і квітнець. Другі элемент заключаецца ў тым, што мы бачым таксама і фарміраванне вельмі сур’ёзнага палітычнага саюза – гэта Кітай, Індыя і Расія. Калі я кажу Расія, я, па сутнасці, маю на ўвазе Саюзную дзяржаву Беларусі і Расіі", - распавёў намеснік старшыні Ліберальна-дэмакратычнай партыі Беларусі Андрэй Савіных.
У ШАС выкарыстоўваюць Саюзныя трэнды
Расія і Беларусь аказваюць сур’ёзны ўплыў на фарміраванне аблічча новага светапарадку, лічыць дырэктар Інстытута рускага замежжа Сяргей Панцялееў. Сімвалічна, што вядомы расійскі эксперт яшчэ ў канцы 2023 года ў мультымедыйным прэс-цэнтры Sputnik Беларусь даў прагноз, які з высокай дакладнасцю пацвердзіўся на саміце ШАС у Кітаі.
"Наша Саюзная дзяржава, Расія і Беларусь, у прынцыпе, заўсёды ішлі ў трэндзе гэтых працэсаў. Таму што, калі мы нават возьмем нашы глыбокія эканамічныя сувязі – і Расіі, і Беларусі – нават паасобку з Кітаем, з тымі новымі цэнтрамі шматпалярнага свету, а гэта, дарэчы, яшчэ і не толькі фармат ШАС, гэта фармат БРІКС, гэта яшчэ і Лацінская Амерыка, краіны Афрыкі, то ўсе гэтыя крокі збліжэння аказаліся дакладнымі. Гэта тыя стаўкі, якія былі зроблены і якія сёння актыўна развіваюцца. У гэтых адносінах мы актыўныя ўдзельнікі працэсу", - упэўнен Панцялееў.
Парадаксальная сітуацыя. Калектыўны Захад упарта шмат гадоў, што называецца, ва ўпор не бачыў Саюзнай дзяржавы Беларусі і Расіі. І толькі ў канцы 2022 года, калі стала зразумела, што ўведзеныя супраць дзвюх краін беспрэцэдэнтныя ў гісторыі эканамічныя санкцыі не працуюць, Дзярждэп назваў інтэграцыю Расіі і Беларусі ў рамках Саюзнай дзяржавы пагрозай Амерыцы.
Захад хутка пастукае ў дзверы, але яму могуць не адчыніць
Як адзначыў кіраўнік Цэнтра беларускіх даследаванняў Інстытута Еўропы РАН, прафесар Мікалай Мяжэвіч, у дачыненні да ШАС склалася ўнікальная сітуацыя, таму што краіны, якія ўваходзяць у Шанхайскую арганізацыю супрацоўніцтва, знаходзяцца ў самадастатковым кластары, дзе ёсць і вялізная сыравінная база, і капітал, і вытворчыя магутнасці.
"Сапраўды, трэба разумець, што на прасторы ад Мінска да Пекіна вырабляецца ўсё, што патрэбна для жыцця. А вось на прасторы Еўропы, ну, скажам, ад Варшавы і Хельсінкі да Лісабона і Лондана, далёка не ўсё. Ды і ў нас ёсць агульныя пытанні. Напрыклад, і Беларусь, і Расія, і КНР вырабляюць вялікагрузныя аўтамабілі. Зразумела, што давядзецца дамаўляцца. І як паказаў саміт, мы дамаўляцца зможам і што ў нас усё атрымаецца. А вось ці атрымаецца ў нашых апанентаў знайсці агульную мову – вельмі вялікія сумненні", - адзначыў Мяжэвіч.
Ён лічыць, што 2026 год стане пераломным. Менавіта ў гэты пэрыяд калектыўны Захад адчуе на сабе самы вялікі спад эканомікі. Прычынай стануць санкцыі, якія ЕС па ўказанні ЗША увёў супраць Расіі і Беларусі насуперак уласным эканамічным інтарэсам. У Еўропы не застанецца выбару, як пастукацца ў дзверы. Але адчыняць ёй ці не – гэта вялікае пытанне.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
