Пуцін аб Нобелеўскай прэміі міру: не мне меркаваць

© Sputnik / Григорий Сысоев / Перайсці ў медыябанкДзяржаўны візіт прэзідэнта Уладзіміра Пуціна ў Таджыкістан
Дзяржаўны візіт прэзідэнта Уладзіміра Пуціна ў Таджыкістан - Sputnik Беларусь, 1920, 10.10.2025
Падпісацца
Расійскі лідар адзначыў, што прэзідэнт ЗША рэальна шмат робіць для таго, каб развязаць складаныя крызісы, якія працягваюцца гадамі, а то і дзесяцігоддзямі.
МІНСК, 10 кас – Sputnik. Прэзідэнт Расіі Уладзімір Пуцін не стаў каменціраваць пытанне аб тым, ці варты амерыканскі лідар Дональд Трамп Нобелеўскай прэміі міру.
"Не мне меркаваць, варты ці не варты дзеючы прэзідэнт ЗША Нобелеўскай прэміі, – я не ведаю", - заявіў Пуцін на прэс-канферэнцыі ў Душанбэ ў пятніцу.
Пры гэтым падкрэсліў, што амерыканскі лідар сапраўды прыкладае шмат намаганняў для таго, каб вырашаць складаныя крызісы, якія доўжацца гадамі.

Нобелеўская прэмія за "тамагаўкі"

На пытанне журналістаў пра выказванні Уладзіміра Зяленскага аб тым, што прэзідэнт ЗША варты Нобелеўскай прэміі міру ў выпадку паставак ракет "Тамагаўк" Украіне, Пуцін адказаў, што Нобелеўскі камітэт наўрад ці прыслухоўваўся да падобных заяў і ўлічваў меркаванне Зяленскага, калі прымаў рашэнне аб прысуджэнні прэміі міру.
"Звязваць Нобелеўскую прэмію міру з пастаўкамі зброі – гэта недарэчна і проста гаворыць аб узроўні сённяшняга кіеўскага рэжыму ў цэлым", - сказаў Пуцін.
Таксама ён адзначыў, што былі выпадкі, калі лаўрэатамі станавіліся людзі, якія для міру нічога не зрабілі, чым нанеслі вялізную шкоду аўтарытэту гэтай прэміі.
Што да Трампа, Пуцін яшчэ раз падкрэсліў: "Ён сапраўды стараецца, дакладна працуе над гэтымі пытаннямі – пытаннямі міру і вырашэння складаных міжнародных сітуацый".
Нобелеўскую прэмію міру за 2025 год атрымае венесуэльскі палітык Марыя Карына Мачада. Камітэт адзначыў яе за "нястомную працу па прасоўванні дэмакратычных праў народа Венесуэлы".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Пуцін падводзіць вынікі саміту СНД у Душанбэ – трансляцыя - Sputnik Беларусь, 1920, 10.10.2025
Відэа
Пуцін падвёў вынікі саміту СНД у Душанбэ – поўная версія
Стужка навiн
0