Названы пераможцы конкурсу фотажурналістыкі імя Андрэя Сценіна
16:59 18.11.2025 (абноўлена: 17:00 18.11.2025)
© Sputnik / Евгений Биятов
/ Падпісацца
Урачыстая цырымонія прайшла 18 лістапада ў Маскве ў Дзяржаўным гістарычным музеі на Краснай плошчы.
МІНСК, 18 ліс – Sputnik. Уладальнікам Гран-пры ХI Міжнароднага конкурсу фотажурналістыкі імя Андрэя Сцяніна стала фотамастак з Масквы Кацярына Якель, якая прадставіла серыю работ аб тых, хто вярнуўся з перадавой.
Міжнароднае журы аднадушна прысудзіла маскоўскаму фатографу найвышэйшую ўзнагароду. Размова ідзе аб серыі фатаграфій "Рускі характар: бег з перашкодамі". Героямі Якель сталі ветэраны баявых дзеянняў, якія нягледзячы на раненні, працягваюць паказваць прыклады мужнасці і стойкасці духу ў мірным жыцці, паведамілі ў аргкамітэце конкурсу.
Работа "Рускі характар: бег з перашкодамі" расійскага фатографа Кацярыны Якель
© Photo : Yekaterina Yakel/Stenincontest
"Гераізм праяўляецца не толькі падчас баявых дзеянняў і ваенных аперацый, але ў звычайным паўсядзённым жыцці. (…) Пасля раненняў і траўм ветэранам неабходна вучыцца хадзіць у прамым сэнсе гэтага слова", - адзначыла Кацярына Якель, расказваючы аб серыі сваіх фотаработ.
Паводле яе слоў, сваімі фатаграфіямі яна хацела паказаць, што героямі з’яўляюцца не толькі тыя людзі, якія абараняюць Радзіму на перадавой, але і тыя, хто знаходзіць у сабе сілы жыць далей.
Намінацыя "Галоўныя навіны"
Фатографы з Інданезіі і Палесціны, якія працуюць у фотажурналістыцы навін, занялі прызавыя месцы ў намінацыі "Галоўныя навіны".
Сярод адзіночных здымкаў лепшай прызнана работа Рэзы Сайфулы з Інданезіі "Перавернутая лодка рахінджа". Быў сфатаграфаваны момант, калі бежанцы чакаюць дапамогі ратавальнікаў на перавернутай лодцы.
Работа "Перавернутая лодка рахінджа" інданезійскага фатографа Рэзы Сайфулы
© Photo : Reza Saifullah/Stenincontest
Першае месца сярод серый фотаработ у гэтай намінацыі прысуджана Абдэльрахману Алкалуту з Палесціны за серыю "Газа: рэха генацыду".
Спартыўная фатаграфія і "Мая планета"
Фотаздымак "Апошні забег: падзенне чэмпіёна" С. М. Аль Музтаба Расула з Бангладэш, які сфатаграфаваў каня, што ў непрытомнасці падае на спаборніцтвах, стаў адным з пераможцаў конкурсу.
У намінацыі "Мая планета" лепшымі сталі фотаработа "Фруктовыя дрэвы пад тэнтамі" Мэндань Чжу з Кітая, а таксама серыя фотаработ Мустафы Абдулхадзі з Бахрэйна.
Работа "Фруктовыя дрэвы пад тэнтамі" кітайскага фатографа Мэндань Чжу
© Photo : Mengdan Zhu/Stenincontest
Герой нашага часу
У розных намінацыях конкурсу лепшымі прызнаны работы фотажурналіста з М’янмы Ньін Ньін Хтве "Рыбацкая сям’я", рэпарцёра з Расіі Пелагіі Ціханавай "Шэпт у цішыні".
Работа "Шэпт у цішыні" расійскага фатографа Пелагіі Ціханавай
© Photo : Pelagia Tikhonova/Stenincontest
На думку арганізатараў і журы конкурсу, самымі атмасфернымі сталі фотаработы ў намінацыі "Від зверху. Адзіночная фатаграфія". Журы прызнала лепшым фотаздымак бразільскага аўтара Ансельма Кунья душ Сантуша "Самалёт на ўзлётнай паласе затопленага аэрапорта".
Работа "Самалёт на ўзлётнай паласе затопленага аэрапорта" бразільскага фатографа Ансельма Кунья душ Сантуша
© Photo : Anselmo Cunha dos Santos/Stenincontest
Фотаработы лаўрэатаў конкурсу будуць прадэманстраваны ў розных краінах, у тым ліку ў Эфіопіі, Сербіі, Аргенціне.
Конкурс імя Сценіна
Міжнародны конкурс імя Андрэя Сценіна арганізаваны медыягрупай "Россия сегодня" пад эгідай Камісіі РФ па справах ЮНЕСКА.
Генеральнымі інфармацыйнымі партнёрамі конкурсу з’яўляюцца УДТРК, анлайн-платформа "СМОТРИМ", тэлеканал "Москва 24".
Міжнароднымі інфармацыйнымі партнёрамі конкурсу з’яўляюцца ІА і радыё Sputnik, тэлеканал і партал RT, медыяхолдынг Independent Media (ПАР), агенцтва навін ANA (ПАР), Shanghai United Media Group (SUMG) (Кітай), інтэрнэт-партал газеты China Daily (Кітай), інтэрнэт-партал The Paper (Кітай Maya), медыяхолдынг The Paper (Кітай Maya), медыясетка Al Mayadeen (Ліван).
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
