Памяць загінулых у Афганістане ўшанавалі ў Мінску
13:11 15.02.2026 (абноўлена: 14:37 15.02.2026)
© Sputnik / Александр Жибуль
Падпісацца
Дзень памяці воінаў-інтэрнацыяналістаў адзначаецца ў Беларусі 15 лютага – у гэты дзень у 1989 годзе завяршыўся вывад савецкіх войск з Афганістана.
МІНСК, 15 лют – Sputnik. Памяць загінулых на вайне ў Афганістане ўшанавалі ў Мінску на Востраве Мужнасці і Смутку, перадае карэспандэнт Sputnik.
Дзень памяці воінаў-інтэрнацыяналістаў адзначаюць у Беларусі 15 лютага. Дата прымеркавана да дня канчатковага вываду савецкіх войск з Афганістана.
Ускладанне кветак да помніка воінам-інтэрнацыяналістам на Востраве памяці і смутку ў Мінску
© Sputnik / Александр Жибуль
Аддаць даніну загінулым прыйшло мноства людзей: ветэраны вайны ў Афганістане, прадставілі ўлады, грамадскіх аб’яднанняў, сваякі загінулых, школьнікі і студэнты.
© Photo : Telegram / МВД Беларуси
Шматлюдная калона расцягнулася на сотні метраў. Вянкі і кветкі да падножжа помніка ўсклалі дзяржсакратар Савета бяспекі Беларусі Аляксандр Вальфовіч, міністр абароны Віктар Хрэнін, кіраўнік МУС Іван Кубракоў, старшыня Дзяржпагранкамітэта Канстанцін Моластаў, члены ўрада, кіраўнікі сілавога блока, дэпутаты, прадстаўнікі грамадскіх арганізацый, студэнты і школьнікі.
© Photo : Telegram / МВД Беларуси
Як заявіў у сваім выступленні Хрэнін, тэма афганскай вайны застаецца актуальнай.
"Менавіта таму 15 лютага ва ўсёй краіне нашы людзі ідуць у памятныя мясціны, каб ушанаваць памяць нашых землякоў, якія бралі ўдзел у тых трагічных і гераічных падзеях на афганскай зямлі. Мы бязмежна ўдзячны ўсім тым, хто выканаў загад, праявіў стойкасць, мужнасць і гераізм", - сказаў ён.
© Sputnik / Александр Жибуль
Міністр падкрэсліў, што воіны-інтэрнацыяналісты не толькі бралі ўдзел у баявых дзеяннях, але і дапамагалі афганскаму народу ва ўладкаванні зямлі. У прыватнасці, савецкія спецыялісты пабудавалі больш за 140 розных народнагаспадарчых аб’ектаў.
© Sputnik / Александр Жибуль
Міністр дадаў, што воіны-інтэрнацыяналісты выканалі свой абавязак, але не ўсе з іх змаглі вярнуцца дадому.
Загінулых у вайне ўшанавалі хвілінай маўчання.
© Photo : Telegram / МВД Беларуси
Абмежаваны кантынгент савецкіх войск быў уведзены ў краіну ў снежні 1979-га. Найбольшая колькасць АКСВ у Афганістане была ў 1985 годзе – 108,7 тыс чалавек, а ўсяго службу ў гэтай краіне прайшло каля 620 тыс савецкіх салдат.
Ускладанне кветак да помніка воінам-інтэрнацыяналістам на Востраве памяці і смутку ў Мінску
© Sputnik / Александр Жибуль
Беззваротныя страты СССР у Афганістане склалі 144 53 чалавекі. Паводле афіцыйных звестак, у вайне бралі ўдзел каля 30 тыс беларусаў, з іх 771 чалавек загінуў, некаторыя да гэтага часу лічацца зніклымі без вестак.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
